Euskal enpresaren blog-a Zure enpresarentzat garrantzitsua den eguneroko informazioa

19 Azaroa, 2020
Energia eolikoa sortzeko lehen proiektu flotatzailea hasi da Bilboko portuan

DemoSATH eoliko flotatzaile proiektuak atmosferara 5.100 tona CO2 isurtzea saihestuko du eta 60 lanpostu sortuko ditu fase honetan
DemoSATH Saitec

Joan den otsailean, RWE Renewables eta Saitec Offshore Technologies enpresek DemoSATH proiektua gauzatzeko akordioa sinatu zuten, Euskadin flotatzen duen teknologia eolikoa garatzea helburu duen ekimena. Horretarako, prototipo bat eraikiko da, SATH Plataforma Flotatzailea izenekoa, eta Ferroviali esleitu zaio.

Azpiegituretan liderra den enpresa horrek plataforma eraikitzeaz eta muntatzeaz arduratuko da datozen 14 hilabeteetan, Bilboko Portuan, eta 60 lanpostu inguru sortuko ditu. Prozesu horren ondoren, 2022an, instalatzea eta jarduera hastea aurreikusita dago. Espainiako sare elektrikora konektatutako lehen itsas aerosorgailu flotatzailea izango da hau.

Proiektuaren helburua eraikuntza, eragiketa eta mantentze-faseei buruzko datuak biltzea da eta baita ezagutza lortzea ere, SATH (Swinging Around Twin Hull) teknologiaren bidez. Gailu honek, krosko bikoitzeko gabarra bat, lotzeko puntu bakarra du, haizearen norabidearekin lerrokatzeko aukera ematen diona, haizea ahalik eta gehien aprobetxatzeko.

Egituraren euskarria gutxi gorabehera 30 metro zabal eta 64 metro luzerakoa izango da, eta Armintzako (Bizkaia) BIMEP entsegu-eremuan kokatuko da. Ainguratze-lerro hibridoak izango ditu, katez eta zuntzez osatuak, eta itsas hondoan ainguratuko dira. 2022an, proiektua abian dela, DemoSATHek 2.000 etxerako energia nahikoa sortzea aurreikusten da, atmosferara 5.100 tona CO2 isurketa saihesteko.

Alberto Val Euskadin Ferrovialeko eraikuntza buruaren aburuz, “DemoSATH berrikuntzan balio handiko proiektua da, bai erabili beharreko materialengatik, bai bertan garatuko diren fabrikazio eta mihiztatze-prozesuengatik”.

Proiektu honek Eusko Jaurlaritzako Ekonomiaren Garapen, Jasangarritasun eta Ingurumen Sailaren eta Eskualde Garapeneko Europako Funtsaren (FEDER) laguntza du.

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.

Energia 2 abendua, 2020
IKERLAN nazioarteko proiektu bat gidatzen ari da Adimen Artifiziala aplikatzeko makinen “autodiagnostikoan”

  FRACTAL nazioarteko proiektu bat da, BRTAko (Basque Research & Technology Alliance)...Leer más

Energia 30 Azaroa, 2020
Gureak Industrial General Electric-en aerosorgailu berriak kableatuko ditu

Gureak Taldearen industria-adarrak, Gureak Industrialek, bere energiaren sektoreko...Leer más

Daniel Castander, director gerente de Domusa Teknik
Energia 16 Azaroa, 2020
“‘Galdara adimendunak’ izango direnen enbrioia lantzen ari gara”

Klimatizaziorako eta erosotasunerako produktuak diseinatzen, fabrikatzen eta merkaturatzen ditu...Leer más

Energia 12 Azaroa, 2020
Transbiaga: “Jendea zaindu egin behar da; benetan zaintzen baduzu, erantzun egiten du”

  Grupo Transbiaga Ordizian finkatutako euskal enpresa bat da, 1981ean sortua...Leer más

REIF cluster energía
Energia 26 urria, 2020
Energia eolikoaren euskal sektoreak energia berriztagarrien arloan duen lidergoa erakutsiko du Japonian

Energia eolikoaren euskal sektoreak energia berriztagarrien arloan duen lidergoa erakutsiko du...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?