Euskal enpresaren blog-a Zure enpresarentzat garrantzitsua den eguneroko informazioa

22 otsaila, 2021
Quest Biotekek gailu dual berritzaile bat garatu du inplanteen hortz-protesietarako

Bizkaiko 'start up'-ak FixPeek merkaturatu du. Soluzio horri esker, pieza torlojutu edo klip bidez finkatu daiteke, baita modu errazean kendu eta hobeto garbitu ere
Deborah Erkoreka, directora de proyecto de Quest Biotek, y el doctor Julián Cuesta, director científico del Grupo Quest
Deborah Erkoreka, Quest Biotek enpresako proiektu zuzendaria, eta Julián Cuesta doktorea, Quest Taldeko zuzendari zientifikoa

Quest Biotekek, Quest taldearen filialak, zehaztasun handiko hortz-protesien soluzio integratuak diseinatzen ditu, taldeak berak sortutako Hylock hortz-inplanteen sistematik abiatuta. 2019an sortu zen ‘Start up’ bizkaitarra FixPeek sistema duala garatu du, inplanteen gaineko protesiak egiteko. Sistema horrek aukera ematen du protesia torlojutzeko edo klip bidez finkatzeko. Gainera, erraz kentzeko aukera ematen du, garbiketa hobetzeko. Horrez gain, tratamendu horietan epe ertain edo luzeko perinplantitisa bezalako arazoak saihesten lagun dezake.

Gailua protesi erauzgarrietan zein finkoetan erabil daiteke, aukera protesiko ugari ahalbidetuz. “Fixpeek gure Hylock  inplante-sistemarekin erabil daiteke, eta merkatuko beste sistema batzuetara ere egokitu daiteke. Dentisten artean harrera ona izaten ari da abantaila kliniko interesgarriak dituelako, tratamendua garestitu gabe eta moldakorra izanda “, nabarmendu du Deborah Erkoreka Quest Biotek enpresako proiektu zuzendariak.

Sistema berriak, protesiaren eta hortzoi-euskarriaren garbiketa sakona errazteaz gain, abantaila handiak eskaintzen dizkie dentistei. “Angelu inklinatuetan kokatutako inplanteak kliparekin konpontzea ahalbidetzen du, baita protesiaren doikuntza pasiboa lortzea ere, zubiak eta arku osoak bezalako pieza anitzen kasuetan puntu kritikoa baita”, adierazi du Deborah Erkorekak. Eta, azkenik, nabarmendu du “berehalako karga-tratamenduak errazten” dituela, inplantea jarri zenetik 24 ordu pasa baino lehen protesia jartzen den kasu horiek, hain zuzen ere.

Merkatu berrietara ailegatzea

Quest Biotekek eskaintzen dituen produktuak eta zerbitzuak hortz-kliniketarako, odontologia eta aho-kirurgia zerbitzuak dituzten zentro medikoetarako eta laborategi protesikoetarako zuzenduta daude. Gaur egun, taldeko bezeroak Espainian eta Frantzian daude, baina epe laburrean nazioarteko presentzia handitzea dute helburu, gertuko merkatuekin hasita.

Enpresa martxan jarri zenetik, orain dela bi urte, ‘Start up’-a enpresa nabarmena bihurtu da bere sektorean. “Gure balio erantsia da sistema berriak eta optimizatuak garatzen lan egiten dugula, inplantologiaren praktikan esperientzia luzea izan dugulako. Horri esker, gabeziak antzeman ditugu, sistema fidagarriak eta eraginkorrak eskaintzeko”, azpimarratu du proiektuaren zuzendariak.

Gainera, bere etorkizuneko helburu nagusia “herritarren hortzetako osasuna hobetzen eta dentisten lana errazten laguntzea da, berrikuntza eta laguntza dinamikoa eskainiz, baita ezagutza eta esperientzia elkarlanean partekatzera bideratutako eguneratze-prestakuntza ere”, Deborah Erkorekak zehaztu duenez.

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.

Bio osasuna 8 ekaina, 2021
Food 4 Future-ek Euskadi FoodTech industriaren munduko erreferente bihurtuko du

Food 4 Future – ExpoFoodTech 2021ek 20 herrialde baino gehiagotako elikaduraren eta edarien...Leer más

Bio osasuna 19 maiatza, 2021
“Euskadi Next” Programak Euskal Autonomia Erkidegoaren eraldaketa ekonomikoaren eta bertako sendotasunen alde egiten du

Eusko Jaurlaritzak Euskadi Next 2021-2026 Programa eguneratzea onartu du gaur. Programa horretan,...Leer más

Biolan Health
Bio osasuna 11 maiatza, 2021
Euskadiko Bio-osasunaren sektoreak % 5 egin du gora enpleguan eta fakturazioan 2020an

2020an, Covid 19aren pandemiaren ondorioak nagusi izan diren urtean, Bio-osasunaren sektoreak...Leer más

Bio osasuna 5 maiatza, 2021
Zientzia eta Teknologiaren Euskal Sareak Leartiker gehitu du Foku Anitzeko Teknologi Zentro gisa

  Zientzia, Teknologia eta Berrikuntzaren Euskal Sareak Foku Anitzeko Teknologi Zentro izendatu...Leer más

Ternua Group
Bio osasuna 28 apirila, 2021
Ternuako jantzi baten bizi-zikloaren jasangarritasuna Europako proiektu batean aztertua

Orienting proiektu europarrak produktuen eta zerbitzuen bizi-zikloaren iraunkortasuna aztertuko du...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?