Euskal enpresaren blog-a Zure enpresarentzat garrantzitsua den eguneroko informazioa

3 abendua, 2020
Euskal enpresek badituzte konponbide teknologikoak, COVID-19ak langileen osasunean duen eragina minimizatzeko

Basque Research & Technology Alliance (BRTA) sarean integratutako euskal teknologia-zentroek garatu dute PRAP Euskadi

Euskal enpresek eskura dituzte hainbat tresna teknologiko, tresna horien bidez COVID-19ak eragindako pandemiaren inpaktua minimizatzeko eta langileen infekzio-arriskua murrizteko lantokietan.

 

PRAP Euskadi izeneko ekimen hau Basque Research & Technology Alliance (BRTA) sarean integratutako euskal teknologia-zentroek garatu, probatu eta baliozkotu dute, Eusko Jaurlaritzako Informatika Sozietatearekin (EJIE) batera eta Jaurlaritzako hainbat Sailen koordinaziopean (SPRIren bitartez).

 

PRAP Euskadi ekimenak oinarritzat du BRTAko kideek garatu eta martxan jarritako ekintza-protokolo bat, zeinak elkarrekin konbinatzen baititu, batetik, Ekonomi Garapen, Jasangarritasun eta Ingurumen Sailaren COVID-19 I+G laguntzei esker garatutako tresna teknologikoak eta, bestetik, proba analitikoak, betiere helburutzat izanik langileen infekzio-arriskua edo COVID-19aren presentzia minimizatzea lantokietan.

 

Hala, EAEko enpresen, erakunde publikoen eta industriaren funtzionamendu egokia ahalbidetuko da, segurtasun berme eta potentzial operatibo handienekin.

 

PRAP Euskadi ekimena pandemiaren hasieran sortu zen, xedetzat harturik BRTA sareko kideen giza baliabide, ekipamendu eta teknologia guztiak batzea eta Euskadiko industria sarearen zerbitzura jartzea. PRPA diseinatu zen tresna baliotsua izan zedin normaltasun berria deitzen diogun honetarako trantsizioa eta SARS-CoV-2 birusarekiko bizikidetza errazteko, harik eta behin betiko konponbidea (dela txertoa edo dela tratamendu eraginkor bat) lortu arte.

 

Badu oinarri zientifiko-teknologikoko ekintza-protokolo bat, aukera ematen duena askotariko konponbideak modu pertsonalizatuan konfiguratzeko eta modulatzeko enpresa bakoitzaren ezaugarri eta premien arabera, eta integratu eta osatu egin daitekeena enpresako prebentzio-estrategiarekin. Esan bezala, proposamen hau BRTA sareko zentroek eta EJIE-Eusko Jaurlaritzaren Informatika Sozietateak garatu, probatu eta baliozkotu dute ekimenaren fase pilotuan, eta dagoeneko eskuragarri dago enpresentzat.

 

Proposamena ezagutu eta tresna hauetakoren bat bere prebentzio-estrategian txertatu nahi duten enpresek aukera izango dute abenduan antolatuko diren onlineko saioetan parte hartzeko, non xeheki azalduko baitira tresnak eta tresna horiek eskuratzeko moduak.

Deborah Erkoreka, directora de proyecto de Quest Biotek, y el doctor Julián Cuesta, director científico del Grupo Quest
Bio osasuna 22 otsaila, 2021
Quest Biotekek gailu dual berritzaile bat garatu du inplanteen hortz-protesietarako

Quest Biotekek, Quest taldearen filialak, zehaztasun handiko hortz-protesien soluzio integratuak...Leer más

Bio osasuna 19 otsaila, 2021
Heat & Cook proiektuak 6 patente sortu ditu etxeko berotze-sistemetan eta berotze-sistema profesionaletan

Heat & Cook proiektuak ezagutza-iturri bat sortu du beroketa aurreratuko sistemetan, eta horri...Leer más

Bio osasuna 25 urtarrila, 2021
Erandioko laborategi bat liderra da elikadurako osagarrien sektorean

  Nahiz eta sektore atomizatua izan, non teknologia commodity gisa ikusten den sarritan,...Leer más

Bio osasuna 22 urtarrila, 2021
2020an SPRI Taldeak atzerriko 31 inbertsio erakartzen lagundu zuen

  Iaz SPRI Taldeko Invest in the Basque Country atalak atzerriko 31 inbertsio-proiektu itxi...Leer más

Bio osasuna 21 abendua, 2020
“Osasun fisikoari garrantzi handia ematen zaio beti, baina krisi honek osasun mentalari ere garrantzia emateko balio izan du”

Oroi Donostian egoitza duen startup gipuzkoarra da, hirugarren adinekoentzako errealitate...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?