Euskal enpresaren blog-a Zure enpresarentzat garrantzitsua den eguneroko informazioa

8 uztaila, 2020
“EuCanImage”, Big Data eta adimen artifiziala minbiziaren diagnostikoa hobetzeko

UPV/EHUk proiektu europar horretan parte hartzen du Zuzenbide eta Giza Genomako Katedraren bidez.

UPV/EHUk proiektu europar horretan parte hartzen du Zuzenbide eta Giza Genomako Katedraren bidez.

 

EuCanImage ikerketa akademikoaren, osasunaren eta teknologia digitalen arloko agenteek osatutako ekimen bat da, zeinaren helburua baita aurrera egitea diagnostiko onkologikoan, Big Data-k eta adimen artifizialak eskaintzen dituzten aukerak baliatuz. Europar Batasunak 10 milioi eurorekin finantzatu du proiektua, eta Europa eta Estatu Batuetako 20 bazkide parte-hartzaile dauzka.

 

EuCanImage ekimenaren helburua da plataforma digital bat eraikitzea eta bertan eskala handian biltzea 25.000tik gora pazienteren tumoreen irudiak eta minbiziarekin lotutako informazioa jasotzen duten datu-baseak. Datu-base handi horiek adimen artifizialeko tresnekin aztertuko dira, horrela posible izango delarik aurrera egitea minbiziari buruzko ikerketan eta baita ere diagnostikoak hobetzea, gibeleko lesio txikiak eta, besteak beste, kolon eta ondesteko minbiziaren metastasia detektatuko direlako.

 

UPV/EHU partzuergoko kide da, eta ekimenean parte hartuko du Zuzenbide eta Giza Genomako Katedrako Ikerketa Taldearen bitartez. Bere zeregina izango da plataformaren inplikazio etikoak eta legalak aztertzea. “Gure lana da bermatzea datuak konfidentzialtasunez, segurtasunez eta Europako zein nazio desberdinetako legeriek eskatzen dituzten baldintza guztiak betez tratatzen direla” azaldu du Pilar Nicolásek UPV/EHUko Zuzenbide eta Giza Genomako Katedrako ikertzaile eta irakasleak, “eta gure ardura da subjektuak (izan euren datuak ematen dituztenak, izan ikerketan parte hartzen dutenak) beti babestuta egotea irizpide etiko eta legalen arabera”.

 

EuCanImage plataforma federatu, seguru eta eskalagarri bat izango da, adimen artifizialaren eta datu kopuru handien analisiaren potentziala bultzatuko duena, aurrera egiteko onkologiaren esparruan. Proiektuak abantaila garrantzitsu bat ekarriko du, hobetu egingo baita minbizi mota desberdinen diagnostikoa. Halere, partzuergoak espero du  aukera berriak ere sortuko dituela osasun arloko produktu berritzaileak garatzeko. UPV/EHUko Ikerketa Taldeak osasun arloko teknologia hauen erabilpen etikoari buruzko ezagutza berria ere zabalduko du. “Gure helburua da subjektuen babesari buruzko baliozko emaitzak sortzea adimen artifiziala bezain berritzaileak diren arloetan”.

 

Bartzelonako Unibertsitateak zuzentzen du EuCanImage proiektua eta 20 parte-hartzaile daude partzuergoan, besteak beste, ikerketa zentroak, unibertsitateak, enpresa teknologikoak eta osasun arretako zentroak. Ikerketa urrian hasiko da eta 4 urteko iraupena izango du.

Ideable
Bio osasuna 23 Azaroa, 2020
Ideablek bi app garatu ditu epilepsia eta bihotzeko gaixotasunak dituztenei eguneroko bizitzan laguntzeko

Ideable 4.0 industriaren sektorean lan egiten duen euskal enpresa da. Barakaldoko egoitzatik,...Leer más

OSTEOPHOENIX
Bio osasuna 18 Azaroa, 2020
Osteophoenix: hezurrak birsortzeko soluzioak, gero eta zaharragoa den gizarte baten aurrean

Organoak eta ehunak birsortzeko soluzio pertsonalizatuak lortzea, baina, aldi berean, ahalik eta...Leer más

Juan Carlos Antigüedad y José Ramón Sarasua de Polibermio
Bio osasuna 13 Azaroa, 2020
“Etorkizunean, biologian egindako aurrerapenek terapia pertsonalizatuak bermatuko dituzte”

Polimero biodegradagarriak, aldi baterako erabilerako gailu medikoak garatzea ahalbidetzen dutenak,...Leer más

Patia Biopharma
Bio osasuna 10 Azaroa, 2020
Patia Biopharma 2.000 haurdun baino gehiagorekin aztertzen ari da haurdunaldiko diabetesa azkar detektatzeko testa

Euskal enpresa bioteknologiko batek haurdunaldiko diabetesa detektatzeko test bat garatu du....Leer más

Bio osasuna 30 urria, 2020
Osasun arloko euskal enpresek Estatu Batuetako merkatuan sartzeko dituzten bideak

Bio-osasunaren sektoreko edozein enpresaren helburua da Estatu Batuetako merkatuan sartzea....Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?