Sakonduk kanpo-merkatu berrietara sartzeko zure enpresaren nazioartekotzea bultzatuko du 45.000 euro arteko finantzaketa emanda
Horri esker, enpresak nazioarteko merkatuan presentzia handiagoa izango du
Sakondu programaren helburua da euskal enpresen lehiakortasuna hobetzea nazioartekotzearen bidez. Aldi berean, gainera, negozio-ereduan eta hazkunde-estrategian jasangarritasuna barneratzen du. Ingurumen, ekonomia eta gizarte arloko jasangarritasunarekin lotutako erreferente gisa euskal ekonomiaren eta enpresen inguruko ezagutza handiagoa lortzeko beste aurrerapauso bat da.
Nazioartekotze maila altua duten eta haien fakturazioaren % 50 esportaziotik eratorria duten mikroenpresek, ETE-ek eta startupek gaurtik, maiatzaren 28tik, eskatu ahal izango dituzte 2024ko Sakondu programako laguntzak. Hala, orain arte % 25eko fakturazioa baino txikiagoa izan duten kanpo-merkatu berrietan duten presentzia indartu ahal izango dute. Oraindik zifra horretara iristen ez bazara, seguru Zabaldu laguntza-programa ezagutzea interesatuko zaizula. Dirulaguntza eskatzeko azken eguna uztailaren 15a da.
El programa Sakondu tiene el objetivo de mejorar la competitividad de las empresas vascas a través de la internacionalización, a la vez que integra la sostenibilidad en su modelo de negocio y en su estrategia de crecimiento. Se trata de un paso más para lograr un mayor conocimiento de la economía y empresas vascas como referentes en sostenibilidad ambiental, económica y social.
Zure enpresaren esportazioak oraindik fakturazioaren %50era iristen ez badira, ziur asko Zabaldu programako laguntzak ezagutzeko interesa izango zaizu.
Hauek dira zure enpresa merkatu berrietara irekitzeak dituen abantailak
Nazioartekotze-prozesuetan esperientzia baduzu eta zure esportazioak fakturazioaren % 50ekoak baino gehiagokoak badira, baliteke zure enpresak kanpo-merkatu berrietan duen presentzia handitzeko garaia iritsi izana.
Aurrerapauso hori ematera eraman zaitzaketen arrazoi estrategikoak eta ekonomikoak ugari dira:
- Diru-sarrerak handitzea: merkatu berriek salmenta gehiago egiteko eta, horrenbestez, sarrera gehiago izateko aukera ematen dute. Kanpo-merkatuak enpresaren hazkunderako potentzial bihur daitezke; batez, ere egungo merkatuetako eskaera geldituta edo saturatuta dagoela detektatu baduzu.
- Baliabideak eta talentua eskuratzea: baliteke merkatu berrietara irekitzean eskuragarri ez dauden edo enpresak jarduten duen egungo merkatuetan garestiagoak diren baliabide natural, pertsonal edo teknologikoetara sarbidea izatea.
- Berrikuntza eta egokitzapena: merkatu berrietan sartzeak eskatzen du enpresak berrikuntza-prozesuak hastea eta merkatuaren ezaugarri eta eskakizun berrietara egokitzea. Prozesu horretan, egungo merkatuetan eragin positiboa duten hobekuntzak gerta daitezke.
- Epe luzerako egonkortasuna: lan egiten den merkatuak dibertsifikatzeak epe luzerako egonkortasun handiagoa ematen du. Enpresak jarduten duen merkatua zenbat eta dibertsifikatuagoa izan, orduan eta inpaktu txikiagoa izango dute tokiko krisi ekonomikoek, eskariaren gorabeherek edo enpresaren jarduerari eragiten dioten araudi-aldaketek.
Arrazoi horiez guztiez gain, une honetan Sakondu 2024 programaren laguntzak dituzu eskuragarri; nazioartekotzea bultzatzeko finantzaketa eskaintzen dizute laguntza horiek.
Jakin nahi duzu zein diren laguntza honekin finantzatu ahal izango dituzun gastuak?
Intereseko merkatuetan sartzeko adituen aholkularitzako-gastuak eta pauso hori emateko enpresaren barne-antolaketa sustatzeko eta egokitzeko jarduerek sortutako gastuak:
- Nazioartekotzeko estrategia prestatzea, aholkularitza-enpresa aditu baten laguntzarekin.
- Jabetza intelektuala: patenteak, markak eta homologazioak erregistratzea helmugako herrialdean.
- Nazioarteko azoketara joatea.
- Prospekzio-bidaiak egitea merkatuak eta alderantzizko misioak aztertzeko, bezero potentzialak izan daitezkeen enpresei harrera eginda
- Helmugako herrialde berrira egokitutako komunikazio- eta marketin-ekintzak: katalogoak, liburuxkak, webguneak, aurkezpenak, produktu-erakustaldiak…
- Jasangarritasuneko txostenak, enpresak helmugako herrialdean izan dezakeen inpaktua aztertzeko.
- Kanpoko ezarpen komertzial eta/edo produktiboen bideragarritasun-azterketak.
- Talentua enpresan sartzea, nazioarteko eragiketetarako langileak kontratatuta.
Urteak dira euskal enpresek nazioartekotzeak lehiakortasunean eta berrikuntzan jauzia egiteko eskaintzen dituen aukerak antzeman zituztela. SPRI Taldeak hainbat laguntza-lerroren bidez bultzatu du bide hori azken urteotan. Uneotan, jasangarritasuna da enpresen hazkunde-prozesuetan txertatu beharreko oinarrizko elementuetako bat. Sakondu 2024 programak hazkunde jasangarriaren aldeko apustu horri balioa ematen dio, euskal enpresa bereizten duen elementuetako bat izan dadin.
Prozesu horretan beste pauso bat eman nahi baduzu, aprobetxatu gastuak finantzatzeko eskuragarri duzun aukera hau. Sakondu 2024 laguntza eskatzeko epea uztailaren 15era arte egongo da zabalik!
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko