VCG Decoletajeren ekoizpenaren digitalizazioa aurrera pausu bat da lehiakortasunean
VCG Decoletaje digitalizazio prozesu batean ari da. Prozesu honi esker bere ekoizpenak aurrerapen esanguratsua izango du. Mekanizazioan eta dekoletajean esperientzia duen enpresa da, eta bere ekoizpen-prozesu guztien monitorizazioa eta kontrola ahalbidetuko dituen plataforma integrala ezartzen ari da. Ekintza hau inteligentzia duen biltegi bertikal batekin uztartuko da. Proiektu honek 200.000€ inbertituko ditu aurten amaitzeko asmoz.
Bere eboluzioan zehar, firma honek serie labur eta ertainen mekanizazioan – 50 piezatik 10.000 piezara arte – espezializatzearen aldeko apustua egin du, unitateen kopuru gero eta handiagoa eta konplexuagoa erabiliz. Honi esker, malgutasun eta ekoizpenaren gaitasun nabarmena lortu dituzte, bestelako enpresen aurrean. Digitalizazioak enpresak lehiakortasunean aurrera pausu handia ematea ekarri du. Prozesuetan, denbora errealean ikusgarritasun handiagoa lortu dugu, modu erraz eta eraginkorrean. Gainera, planifikatzaile dinamiko bat erabiliko da; ondorioz, ekoizpenaren planifikazio neketsua hobetu eta arinduko da.
Plataformaren bidez, erreminta gordetzeko uztailean instalatuko den goitik beherako biltegi adimenduna kudeatu ahal izango da. Bi elementuon konbinaketaz, erreminten administrazioa hobetuko da erosketan, bilketan, prestakuntzan eta erabilgarritasunean, makina martxan jartzeko denbora murriztuz.
Proiektua VCG Decoletajeren hobekuntzarako egingo diren ekintzen artean kokatzen da. Hala, enpresa honek hazten jarraitzeko baldintzarik onenak izanen ditu. Berrizen dituen instalazioak zabaltzen ari da solairuarte baten bidez, eta ofizinak berregituratzen ari da biltegi automatizatu berria egiteko. Metrologia sailean kontrolerako ekipamendu berriak ezarri eta lanen kalitatea bermatzeko profesional berriak kontratatu dituzte. Guzti honek 150.000€ inguruko kostua izan du.
VCGk, barratik hasita, gutxienez 64mm-ko piezen mekanizazioa egiten du, eta 200mm-rainokoa elikadura unitarioarekin lan eginez, bezero bakoitzaren neurrira eginiko ekoizpen-prozesuan. Aktibitatea hainbat sektoretan burutzen da: elektrizitatea, trenbideak, taldeko ondasunak, lanabesak, automozioa, aeronautika, energia berriztagarriak…
Ekoizpenaren %15a esportaziora zuzentzen da; nagusiki Frantziara, baina baita Suedia, Italia, Polonia eta Kanadara, esaterako. 60 pertsonaz osaturiko taldea du plantillan.
Enpresak 2021erako aurreikuspen positiboa du, pandemia baino lehenagoko zifrak gaindituko baititu. %10-20 bitarteko hazkuntza aurreikusten dute fakturazioan, 2020koa 5.500.00€koa izanik.
Etengabeko hazkuntza
1932an sortu zen ‘Viuda de Cándido Gastelurrutia’ izenaz, eta ekoizpena espezializatzeko teknologian eginiko inbertsioari esker eboluzionatu da. Familia-enpresa hau fundatzaileen laugarren belaunaldiak zuzendu du eta hasierako aktibitate-sektorean mantendu da, lanen konplexutasuna areagotuz.
VCG makinen fabrikazioan hasi zen, josteko makinak egiten dituen Alfa markarentzat lan eginez. Aurrerago Vespino-ren ekoizleentzat lan egin zuen, pieza asko haien tailerretan eginez. XXI. menderako, etapa bat itxi eta enpresa berrantolatzeko erronkari aurre egin dio, motorren marka honek enpresa itxi zuenean.
Geroztik, teknologia aurreratua duen enpresa bilakatu da, proiektu gero eta anitz eta konplexuagoak burutuz, fabrikaziorako ekipamenduan eta produktuen kalitatea egiaztatzeko kontrolerako makinarian inbertsio handia egiteari esker. Esparru hauetan 2.400.000 euro inbertitu ditu azken bost urteotan.
Mende berrira egokitzeko gaitasun honek, serie labur eta ertainetan espezializatzearekin eta hiru txandako lan jardunaldietan oinarritutako antolamenduarekin batera, sektoreko enpresa oso gutxik lor dezaketen malgutasuna eskaini dio VCG Decoletajeri. Guzti hau enpresaren etengabeko hazkuntzarako eta azken hamarkadan bere plantilla bikoizteko gakoa izan da.
VCG Decoletajek bere nortasun korporatiboa berriztu du egungo errealitatera moldatuz. Bere logoa berriz diseinatu du bi zirkuluz osatutako logo berrian, barra (lehengai nagusia) “erreboluzioan” sinbolizatuz. Hala irudikatzen du enpresaren transformazioa.
Enpresa haziz doan heinean, bere oinarriak eta inguruarekiko harremanak mantentzen ditu hainbat kolaboraziotan; hala nola, Durangoko Txirrindularien Elkarteko gazte taldearekiko euskarria, enpresa babesle izanik.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko