Konpainia hornitzaile eta bazkide globalak bilatzen laguntzen diegu euskal enpresei ‘EEN – Enterprise Europa Network’ sarearen bidez
SPRI Taldea, Eusko Jaurlaritzaren Garapenerako Agentzia, enpresei eta, bereziki, euskal industriari bultzada emateko zerbitzuak, tresnak, laguntzak eta irtenbide praktikoak ematen ditu: Berrikuntza, Azpiegitura, Digitalizazioa, Eraginkortasuna, Jasangarritasuna eta Nazioartekotzea funtsezkoak dira ingurune sozioekonomikoa etengabe eraldatu eta hobetzeko, eta, ezagutzaren eta lankidetzaren sareak indartzearekin batera, merkatu-aukera berriak identifikatzen laguntzen dute.
Euskal proiektuak atzerrian finkatu, hazi eta zabaltzeko, neurri handi batean, esperientzia partekatuak, harreman onak eta akonpainamendua eskatzen ditu egoera global batean, non aukerak handitu egiten diren, baina ere berean, bideak ez dira errazak. Hala, 2022an, SPRI Taldearen Nazioartekotze Agentzia, Basque Trade & Investment, ‘Enterprise Europe Network – red EEN’-ra batu da. Europako Batzordeak 2008an sortutako ekimena da, eta 60 herrialdetan 600 erakunde baino gehiago dituzten 4.000 aholkulari adituk osatzen dute. Bere helburu nagusia enpresei nazioartekotze prozesuan laguntza, aholkularitza eta ikusgarritasuna ematea da, bai eta berrikuntzaren kudeaketari laguntzea ere, partner globalekin lotuz.
EEN bidez, euskal enpresek beren eskaintza eta/edo eskaera-profilak argitara ditzakete orain, edo nazioarteko bazkide izan daitezkeenekin lankidetzan aritzeko aukerak bila ditzakete, sare horren ‘matchmaking’ plataformari esker.
Basque Trade & Investment eta Euskadiko sarearen eskualde-nodotik, EEN Basque (SPRI du buru duena, eta Basque Tradez gain, Innobasque, Beaz Bizkaia, Bilboko Ganbera, Gipuzkoako Ganbera eta Arabako Ganbera osatzen dutena), euskal enpresek atzerriko konpainia ugari dituzte eskura. Besteak beste, enpresa hornitzaile eta/edo bazkide komertzial edo teknologikoen bilaketa ona egin ahal izango dute.
Informazio gehiago eta harremanetarako inprimakia HEMEN aurkitu dezakezu.
