Isatik sektore eolikoan eta materialen ingeniaritzan dibertsifikatzearen aldeko apustua egin du
Isati GLobal Solutions 2005ean sortutako enpresa da. Gaur egun,Ali-Gobeo (Gasteiz) industrialdean du bere egoitza, eta 106 langile ditu. Aeronautika- eta eoliko-sektoreetarako ingeniaritzako soluzioak espezializatuta dago batez ere, baina automobilgintzan edo trenbide-sektorean ere baditu bezeroak. “Enpresa multinazionalentzat zein enpresa txiki eta ertain nazionalentzat lan egiten dugu. Gure bezeroak manufaktura-industrial enpresak eta Europako lehen mailako ingeniaritzak dira”, adierazi dute enpresako arduradunek.
Gaur egun, enpresaren proiektu nagusietako bat sektore eolikoarekin lotuta dago. 2019an, Isatik Enerocean enpresan inbertitzea erabaki zuen. Malagako I+G enpresa horrek W2Power garatu du, offshore plataforma flotatzaile bat, bi aerosorgailurekin, itsaso zabalean probatua izan den munduko lehena. “Inbertsio horri esker, Isatik aspalditik bilatzen duen berezko produktu baten garapenean parte har dezakegu”, adierazi du Rubén Ayúcar Isati Solutionseko kudeatzaileak.
Gainera, enpresak Isati Material Solutions izeneko filiala sortu du, materialen ingeniaritzan espezializatzeko helburuarekin. “EAEko enpresa txiki eta ertainei ingeniaritza aurreratuko zerbitzu bat eman nahi diegu. ETE askok ezin dute materialen laborategi bat edo simulazio osoko ingeniaritza ekipo bat izan, kostuak oso handiak baitira”, azpimarratu du Rubén Ayúcarrek. Hori dela eta, Isati Material Solutionsek bere proba-laborategia inauguratu zuen azaroan Gasteizen.
Dibertsifikazio horri esker, Isatik ezarpen teknikoak ditu Madrilen eta Iruñean, Arabako egoitzaz gain. Baina atzerrian ere baditu ezarpenak, Frantzian, Erresuma Batuan, Suitzan eta Portugalen, besteak beste. “Isatiren fakturazioaren % 60 Europako enpresetatik dator, eta, beraz, gure bezeroengandik ahalik eta hurbilen egoten saiatzen gara”, enpresako gerenteak azaldu duenez.
Etorkizunari begira, Isati Global Solutionsek hiru lan-bide nagusi ditu datozen bi urteetarako. Lehenengoan, proba-laborategia garatzen da, bezeroak eta proiektuak bilatuz. Beste helburu bat parke eolikoak sortzea da, W2 plataforma flotatzailearekin, Enerocean-ekin batera. Eta hirugarrena da egitura konbentzionalak eta konposatuak monitorizatzeko sistema berritzaileen garapenean aurrera egiten jarraitzea.
“Isatik bere I+G sailean produktuak garatzen eta bezeroei ingeniaritza-zerbitzuak eskaintzen jarraituko du. Aurreikuspenen arabera, 2022an ingeniaritza-jarduerak nabarmen egingo du gora Europa mailan, eta Isati prest dago erronka berri horiei erantzuteko” adierazi du Rubén Ayúcarrek.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz