tapia_london_08
Albisteak 11 apirila, 2018

Industria intentsibodun eta teknologia berritzailedun herrialde moduan aurkeztu du Euskadik bere burua Erresuma Batuan

Erresuma Batua Euskadiko esportazioen laugarren helmuga da
-

Euskadik energiaren sektorean ezagutza eta balio erantsia eskaini ditu Londresera eginiko merkataritza misioaren lehen jardunaldian

Eusko Jaurlaritzak kate osoaren balioa azpimarratu du eta enpresa traktore eta hornitzaileekin batera agertu da

Tren sektorean negozio berrien aukera bilaketa izango da Eusko Jaurlaritzak eta enpresek duten osteguneko agendaren ardatz nagusia

Euskal delegazioak bertatik bertara ezagutuko ditu Londreseko Metroaren azpiegitura eta kontrol guneak hiri barneko trenbidezko trafikoaren gestio eta koordinazio esperientziak partekatuz

 

Eusko Jaurlaritzak Londresera eginiko merkataritza-misioa energiaren sektorea erdigune duen jardunaldiarekin hasi da; bertan, euskal enpresek aurrez aurre ezagutu dituzte Erresuma Batuan sektoreko enpresak lantzen ari diren negozio-bideak eta -estrategiak. Lan-jardunaldi horretan, sektoreko euskal enpresek eta enpresa britainiarrek iritziak elkarrekin trukatu dituzte eta negozio-bide berriak aztertzen hasi dira.

Hori izan da energia eta trenbide sektoreetako hogei bat euskal enpresekin batera  egiten ari den bidaiaren hasiera. Arantxa Tapia sailburuarekin batera Londresera Javier Zarraonandia Industria sailburuordea, eta Iñigo Ansola EEEko zuzendari nagusia, Aitor Garitano ETSko zuzendari nagusia eta Imanol Leza Euskotreneko zuzendari nagusia ere joan dira. Londresen Jaurlaritzak duen bulegoko buruak Pablo Fanok koordinatu du misio komertziala.

Ordezkaritza instituzionalarekin batera Londresen dauden energia alorreko euskal enpresek negozio aukera berriak aztertzeko egin den jardunaldian parte hartu dute gaur, eta bihar antzerako lana egingo dute trenbidearen sektorean aritzen diren euskal enpresek ere.

Euskal eta britainiar enpresen ordezkariek, bi sektoreetakoek, hitzordua dute gaur arratsaldean, Eusko Jaurlaritzak antolatutako topaketan; bertan, ahalegina egingo da, berriz ere, enpresen artean ideiak eta proiektuak trukatzeko.

 

Euskadiren eta Erresuma Batuaren arteko merkataritza-harremanak

Eusko Jaurlaritzaren merkataritza-misioa gaur hasi da, Londresen; Brexitak eragindako merkataritza-harremanei dagokienez trantsizio-une garrantzitsuan dator.

Erresuma Batua Euskadiko esportazioen laugarren helmuga da, Alemania, Frantzia eta Ameriketako Estatu Batuen ondoren, eta, gainera, azken hamarkadan, lehen 4 postuetan egon da.

Berriki, 2017-2020 Enpresen Nazioartekotze Plan berriak Euskaditik landu beharreko lehentasunezko merkatuak errebisatu ditu, eta Erresuma Batua kontsolidatu egin da euskal enpresentzat lehentasunezko merkatu bezala.

2016an, esaterako, Euskadik Erresuma Batura 1.308.437€-an esportatu zituen produktuak. Urte berean, inportazioak 827.252€-koak izan ziren. Manufakturatutako artikuluak, makinak eta garraio-ekipoak dira esportatzen diren produktu nagusiak, eta erregaiak eta lubrifikatzaile mineralak, makinak eta garraio-ekipoak gehien inportatzen direnak.

Erresuma Batuko Atzerriko Zuzeneko Inbertsioko fluxuak, batik bat, Euskadin, Madrilen eta Katalunian kontzentratzen dira, eta Euskadin bereziki esanguratsua da; izan ere, jasotako AZIen % 13 da.

 

Energiari buruzko Jardunaldia

Arantxa Tapia Ekonomiaren Garapeneko eta Azpiegituretako sailburuak, Eusko Jaurlaritzaren erakunde-ordezkaritzan, jardunaldia ireki du; jardunaldia Financial Times-ekin batera antolatu da. Sailburuak energiaren sektorearen euskal industria zer lau eremutan oinarritzen den nabarmendu du eta horietan ezagutza eta balio erantsia eskaini ditzakegula azpimarratu du.

 

  • Haize-energia:

Euskadin haize-energiaren eremuan, nabarmentzekoa da espresa traktore handiek, besteak beste, Iberdrolak eta Siemes Gamesak, egiten duten lana, energia berriztagarrietan munduko lider baitira. Horiekin batera, Euskadin, 100 enpresak baino gehiagok lan egiten dute sektore eolikoan, eta horiek balio-kate osoa betetzen dute (haize-parkeen sustapena, diseinua eta fabrikazioa, instalazioa eta lanak eta mantentze-lana). Bere fakturazio-bolumena 7.000 M€-tik gorakoa da (% 90 baino gehiago Euskaditik kanpo sortua), eta 15.000 pertsona baino gehiago ditu lanean (3.000 Euskadin). Euskadik gainera eolika flotantearen garapenean lider izan nahi du, teknologia propioarekin eta WINDBOX eta BIMEP bezalako entsegu zentroekin.

Honetaz gain, enpresei sustengu teknologikoa ematen dien ikerkuntza zentro sare oso garrantzitsua dugu eta unibertsitate publiko eta pribatuak enpresekin eta zentro teknologikoekin elkarlanean.

 

  • Sare elektrikoen digitalizazioa

Helburua da Euskadi sare elektrikoen azpiegitura adimenduen alorrean mundu mailan herrialde aurreratuenen artean kokatzea, “Smart Grids Basque Country” marka propioarekin eta balio kate osoan lan egiten duten enpresekin. Gaur egun 100 enpresa inguru dura alor honetan lan egiten dutenak, 20.800 pertsonei lana emanez horietatik 950 baino gehiago I+Ga soilik lantzen. 15.750 M€koa da fakturazio osoa eta  I+Dan 148M€ inbertitzen dituze. Kasu honetan Iberdrola, energiaren generazio eta distribuzioan líder den enpresa da balio handiko industriari bultzada ematen dion enpresa traktorea.

 

  • Mugikortasun elektrikoa eta baterien garapena Euskadin

Gasteizen Mercedes Benz (Vito furgoneta elektrikoa egiten dute), IRIZAR autobús fabrika edo CAF trenbide enpresa dira garraioaren elektrifikazioko proiektuetan lanean ari diren enpresak. Izaera teknolgiko garrantzisuarekin enpresa traktore hauek I+G+b ko proiektuak garatzen dituzte elektromugikortasunaren balio kate osoan, Europako proiektu ezberdinetan parte hartzen dute (potentzia handiko errekarga puntuen garapenean adibidez). Azken finean, zentro teknologikoak dira, potentzia elektronika, baterien diseinu eta fabrikazioa eta automozioko enpresekin elkarlanean dabiltzanak.

 

  • Energia ozeanikoen saiakeren plataforma.

Euskadik energia ozeanikoen garapenaren aldeko apustua egiten du. Horretarako, BIMEP jarri du martxan, energia ozeanikoen saiakeren plataforma. Plataforma horrek, gaur egun, bi saiakera-arlo ditu, energia ozeanikoen saiakeretarako dagoeneko emandako baimenekin: Armintza eta Mutriku.

 

Enpresa traktoreak hornitzaile txiki eta ertainekin

Gaurko jardunaldian Iberdrola eta Siemens Gamesa Renewable Energy bezalako euskal enpresa traktoreek parte hartu dute, eta baita Aclara, Alkargo, Ariadna, Arteche, Erreka, Euskalforging, Ingeteam, NEM Solutions, Ormzabal, eta Supra/TRACcess solution bezalako enpresa hornitzaileek ere. Beraiekin batera izan da Energiaren Euskal Klusterrarekin. Enpresa britaniarren artean aipatzekoak, Mainstream Renewable Power, Vinci UK, RES Group, Ofgen, DNV GL, Falck Renewables, NPG Northern Power Grid, Fred Olsen Windcarrier, National Grid eta Centrica.

Barbara Vest, Energy UK elkarteko Generazio zuzendariak, sektorearen %90 ordezkatzen duen elkarteko zuzendariak euskal enpresei egungo Erresuma Batuko energia sektorearen erronkak zeintzuk diren azaldu die. Sektoreak 730.000 pertsonei ematen die lana eta gaur egun Brexitak ekarriko dituen aldaketa eta aukerak aztertzen ari dira. Vestek baieztatu du Brexitak sektoreari elkarlan estuagoan aritzea eskatuko diola.

 

Londreseko Burtsara bisita eta euskal enpresekin topaketa

Gaur arratsaldean, enpresa horiek, bihar trenbidearen jardunaldi sektorialean parte hartuko dutenekin batera, hitzordua izango dute Eusko Jaurlaritzak antolatutako ekitaldi batean; bertan helburua enpresek harremanak ezarri ahal izatea da. Topaketaren aurretik Arantxa Tapia sailburuak Londreseko Burtsara bisita egingo du enpresen finantziaziorako zein programa mota lantzen dituzten ezagutzeko.

Trenaren sektorean negozio aukerak aztertzea izango da osteguneko jardunaldiaren helburua Jaurlaritza eta euskal enpresentzat. Gainera euskal ordezkaritzak bertatik bertara ezagutu ahal izango ditu Londreseko Metroaren azpiegitura eta kontrol guneak hiri barruko trenbidezko garraioaren koordinazio eta kudeaketari buruzko esperientziak partekatzeko.

Lotutako albisteak

AEBk  muga-zerga  berriak  jarri  dizkie  232  Sekzioko  ibilgailu  ertain  eta  astunei
27/10/2025 Nazioartekotzea

AEBk muga-zerga berriak jarri dizkie 232 Sekzioko ibilgailu ertain eta astunei

Estatu Batuetako Gobernuak muga-zergen neurri berri bat iragarri du Trade Expansion Act of 1962ren baitan.

Lehendakariak  konpromiso  eta  bizkortasun  handiagoa  eskatu  die  Europari  eta  Estatuari,  euskal  altzairuaren  etorkizuna  bermatzeko
21/10/2025 Kluster politika

Lehendakariak konpromiso eta bizkortasun handiagoa eskatu die Europari eta Estatuari, euskal altzairuaren etorkizuna bermatzeko

Imanol Pradales Lehendakariak ‘Steel Tech 2025’ inauguratu du, BECen, urriaren 21etik 23ra izango den siderurgia-sektorearen nazioarteko elkargunea

Euskadik  indartu  egin  du  Poloniarekin  duen  lankidetza  industriala,  euskal  esportazioen  hamar  helmuga  nagusien  artean

Euskadik indartu egin du Poloniarekin duen lankidetza industriala, euskal esportazioen hamar helmuga nagusien artean

Imanol Pradales: “Kontinentearen lehiakortasun industriala bermatzea posible izango bada, gure indarrak batuta, sinergia berriak bilatuta eta norabide berean eginda izango da”

Irundinek  lidergoa  sendotu  du  Mecanizaciones  Alavesas-en  integrazioarekin  eta  2026ra  arteko  6  milioi  euroko  inbertsioarek
20/10/2025 Berrikuntza

Irundinek lidergoa sendotu du Mecanizaciones Alavesas-en integrazioarekin eta 2026ra arteko 6 milioi euroko inbertsioarek

Bi enpresen batuketak estatu mailako edari-ontziratzeko makineria talde sendoena sortzen du

Euskadik  itsasoko  energia  eolikoan  duen  nazioarteko  posizionamendua  indartu  du  Japonian
16/10/2025 Nazioartekotzea

Euskadik itsasoko energia eolikoan duen nazioarteko posizionamendua indartu du Japonian

Euskadik eta bere industria sareak GOWS 2025ean duten parte hartzea sektoreko enpresa liderrekin eta nazioarteko erakundeekin lankidetza esparru batean garatzen da

Voon  Sports,  teknologia  adimenduna  duen  kirol  entrenamenduaren  irtenbidea
13/10/2025 Nazioartekotzea

Voon Sports, teknologia adimenduna duen kirol entrenamenduaren irtenbidea

Donostiako konpainiak kirolarien entrenamendu teknikoa eta kognitiboa hobetzen duten gailuak eta app propioa garatzen ditu.

Eusko  Jaurlaritzak  nazioartekotzea  bultzatu  du  9,5  milioi  euroko  laguntzen  bidez

Eusko Jaurlaritzak nazioartekotzea bultzatu du 9,5 milioi euroko laguntzen bidez

Enpresek Zabaldu, Sakondu eta Elkartu programetarako diru-laguntzak eska ditzakete.

Nazioartekotzerako  enpresa-lankidetzari  bultzada,  Elkarturekin
10/10/2025 Nazioartekotzea

Nazioartekotzerako enpresa-lankidetzari bultzada, Elkarturekin

Urriaren 14an Elkartu programaren deialdi berri bat irekiko da. Nazioartekotze-jardueretarako enpresen arteko lankidetza bultzatzea da programaren xedea. 1.000.000 euroko aurrekontua du programak, eta nazioartean duten posizionamendua hobetu nahi duten enpresa-lankidetzako elkarte eta taldeei zuzenduta dago.

Europako  Batzordeak  proposamen  bat  iragarri  du  beste  herrialde  batzuetatik  datorren  altzairuaren  muga-zergak  %50era  igotzeko  eta  haren  jatorriaren  trazabilitatea  indartzeko

Europako Batzordeak proposamen bat iragarri du beste herrialde batzuetatik datorren altzairuaren muga-zergak %50era igotzeko eta haren jatorriaren trazabilitatea indartzeko

Xedapen horiek Europako Parlamentuak eta Kontseiluak erregelamenduaren azken testua adostu ondoren aplikatuko dira, 2026ko ekainetik aurrera altzairuaren gaineko egungo babesa ordeztuko duena.

WOMEXen  Eskualde  Taldea  martxan  da  Euskadin,  nazioartekotzean  genero-berdintasuna  sustatzeko
09/10/2025 Berdintasuna

WOMEXen Eskualde Taldea martxan da Euskadin, nazioartekotzean genero-berdintasuna sustatzeko

Enpresa, erakunde, irakaskuntza eta elkarte arloko eragileak joan den astean bildu ziren Euskadiko Eskualde Taldearen lehen saioan, WOMEX - The role of women in the competitiveness of exporting SMEs proiektu europarraren esparruan.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.