GHIk hamabi I+G proiektu ditu martxan bere ekipoen digitalizazioa eta deskarbonizazioa handitzeko
Birziklatzea, deskarbonizazioa eta digitalizazioa. Hiru ardatz horietan oinarritzen da GHI Smart Furnaces enpresak jarraitzen duen estrategia. Galdakaoko enpresak industria-labe adimendunak egiten ditu mundu osoko 48 herrialde ezberdinetako bezeroentzat eta I+G+b arloan bere jarduera indartzearen aldeko apustua egin du, bere diru-sarreren % 5 baino gehiago bereganatzen baititu. Gaur egun I+Gko hamabi proiektu ditu irekita, “hiru zati berdinetan banatzen direnak ondorengoen artean: Eusko Jaurlaritzaren Hazitek (SPRI Taldearen bidez) proiektuak, CDTIkoak eta Europakoak”, nabarmendu du José Berasateguik, ingeniaritzako zuzendari nagusiak.
Berasateguik eta Iñigo Guineak, taldeko CEOak, azpimarratu dutenez, “gure estrategiaren hiru ardatzak bat etorri dira merkatuaren beharrekin; izan ere, Europan berrindustrializazio-prozesu bat dago, batez ere Eskandinaviako herrialdeetan eta Estatu Batuetan. Horrela, bada, 2023aren amaierarako eskaera, fakturazio eta zorro markak gainditzea espero du konpainiak, 2020-2021 biurtekoaren balioak bikoiztuz.
Hori lortzeko apustua argia izaten ari da, eta hala azaldu du Berasateguik: “Aluminioa birziklatzeko labe handietan espezializatu dugu eskaintza, energiaren kontsumoa aluminio primarioa ekoizteko behar denaren hogeirenera murrizten baitute; deskarbonizazioan zentratu gara, elektrifikazioaren eta hidrogenoaren bidez; eta digitalizazioan, lerroak adimendunak eta autonomoak izan daitezen».
Hain zuzen ere, hidrogenoa da GHIk aurre egiten dion erronka handienetako bat. Eta lehen aipatutako hamabi proiektuetatik gutxienez biren bidez egiten du, biak SPRI Taldearen Hazitek programak lagunduak. Lehenengoak, ‘GHEmak‘, aluminioaren sektorea deskarbonizatzen laguntzea du helburu, aluminioaren birziklatze eta ekoizpen prozesuan hidrogenoa energia iturri alternatibo gisa erabiliz. Bigarrenaren, ‘H2Hornos’en, azken helburua da hidrogeno berdea soilik erabiltzea erregai gisa altzairugintzaren eta aluminioaren sektoreetan erabiltzen diren labe industrialetan, galdaketa, forja, ijezketa, tratamendu termikoak eta abar egiteko. Horretarako, GHIk Aludium, Befesa, Nippon Gases España, Sidenor eta Tubacex enpresekin lan egiten du. Berasategiren arabera, bi kasuetan “lehenengo erronka materialen kalitatearena da. Aluminioak erraz xurgatzen du hidrogenoa, eta horrek prozesua berriro diseinatzea eskatzen du, errentagarria izan dadin”.
2023, proiektuz betetako urtea
I+Gko ekimenez gain, Bizkaiko enpresak proiektu handiak ditu esku artean mundu osoan 2023an. Ipar Amerikan, adibidez, aluminioa birziklatzeko eta lingotoia ekoizteko giltza eskura lerro bat jarriko du, 40 tonako birziklatze-labe bat, zepa kentzeko makina bat eta lingotoia ekoizteko galdaketa-lerro bat barne.
Iparramerikari Frantzia, Alemania eta Norvegia gehitu behar zaizkio, herrialde horietan ere euskal enpresak lan garrantzitsuak egingo baititu. Ondoko herrialdean, adibidez, aluminioaren ekoizle nagusiarentzat 120 tonako urtzeko eta erreberberorako labe bat garatuko du.
Merkatu nazionalean, aurreikusitako beste lan batzuen artean, Latem Aluminium proiektua nabarmentzen da, Villabrázaroko (Zamora) lantegi berria hornitzeko. Bertan, urte amaieran urtzeko eta mantentzeko lau labe jarriko ditu. Era berean, Sabiñanigon (Huesca) Iberfoil handitzeko beste proiektu bati ekingo dio, eta aluminiozko ijezketa fina fabrikatzeko urtzeko eta mantentzeko bost labez hornituko du.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz