Euskadik eta Japoniak lankidetza sendotu dute berrikuntza teknologikoan eta energia berriztagarrietan
Japoniako Mie prefekturako ordezkaritza instituzional batek Euskadi bisitatu du aste honetan, harreman instituzionalak sendotu eta automobilgintza, energia berriztagarriak, turismoa eta berrikuntza teknologikoa bezalako sektore estrategikoetan lankidetzarako aukerak esploratzeko asmoz.
Misio hau, Fujita Yoshimi Mie Prefekturako Asanbladako Nazioarteko Harremanen Kontseiluko kidea eta Espainiarekiko gaien arduraduna buru, SPRI Taldeari atxikitako Basque Trade & Investment (BasqueTrade) euskal enpresak nazioartekotzeko agentziak bi lurraldeen arteko harremanak sendotzeko egindako lanaren ondorioa izan da. 2023an, BasqueTradek nabarmentzeko moduko jarduerak bultzatu zituen “Japonia-Euskadi Urtearen” barruan; adibidez, sektore anitzeko topaketak, Euskadik Asiako herrialde hartan duen ikusgarritasuna areagotzeko, edo Tokioko “Basque Week” delakoa, Japoniako sektore ekonomiko eta industrial nagusien ordezkariak bildu eta Euskadik Japonian duen potentziala erakusteko erakusleihotzat finkatu dena.
Mieko ordezkaritzaren agendan bisita instituzionalak, teknologikoak eta kulturalak tartekatu dira. Hartara, misioa Gasteizen hasi zen, Eusko Jaurlaritzako Kanpo Harremanetarako Idazkaritzarekin antolatutako bilera batekin, gobernantzako eta nazioarteko lankidetzako ereduak partekatzeko asmoz.
Ondoren, taldea Bizkaira abiatu zen, Gestampek Amorebieta-Etxanon duen I+G zentrora alegia, automobilgintza sektorerako material arinen eta fabrikazio aurreratuko prozesuen inguruko azken ikerketa-lerroak bertatik bertara ezagutzeko.
Beste topaketa nabarmenetako bat Saitec Offshore Technologies-en instalazioetara eta BIMEP saiakuntza-plataformara egindako bisita izan zen, Armintzan, energia eoliko flotagarriaren arloko soluzio teknologikoak argitzeko. Japoniak gero eta apustu sendoagoa egin du itsas-energia berriztagarrien alde eta interes bizia agertu du arlo horretan balizko lankidetza-ildo teknologikoak bultzatzeko.
Egun berean, Petronor buru duen Hidrogenoaren Euskal Korridorera egindako bisitan, hidrogenoan oinarritutako ekonomia sustatzeko abian dauden proiektuak eta administrazio, enpresa eta ikerketa-zentroen arteko lankidetza-eredua ezagutzeko aukera izan zuten.
Bisita Donostian amaitu zen, Udaletxean egindako harrera ofizialarekin eta Donostia Sustapena, Donostia Turismoa eta Gipuzkoako Ostalaritza Elkartearekin antolatutako lan-bilerekin, eta horietan guztietan, esperientziak trukatu ahal izan zituzten tokiko berrikuntza, garapen turistiko jasangarria eta ostalaritza sektoreko kudeaketa sustatzeko politiken inguruan, Mieko prefekturak nazioarteko erreferentzia eta aliantza berriak lortu nahi dituen eremuetan sakonduz.
Misio hau BasqueTradek Tokion (Japoniako hiriburua) duen bulegoko eguneroko lanarekin indartzen da, izan ere, laguntza integrala ematen die bertatik euskal enpresei, Japonian hedatzeko aukera erraztearren.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...