Epea irailaren 13ra arte luzatu da: Global Trainingek euskal gazteentzako nazioarteko esperientzia bultzatzen du
Eskaerak 2024ko ekainaren 17tik 2024ko irailaren 13ra aurkez daitezke
Global Training programaren helburua funtsezkoa da Euskadirentzat; izan ere, profesional gazteen nazioartekotzea sustatzen du mundu mailako inguruneetan eta merkatuen moldatzeko duten gaitasuna hobetuta. Atzerrian lan-esperientziak eskainita, programak ezagutza, gaitasun eta kontaktu baliotsuak eskuratzen laguntzen du. Horren bidez, gazteen profil profesionala sendotzen da, eta Euskadiko enpresa-egituraren lehiakortasuna hobetzen laguntzen du.
Global Training programari esker, euskal gazteek prestakuntza akademikoa osa dezakete nazioarteko enpresa eta erakundeetan egindako praktiken bidez. Horren bidez, haien curriculuma hobetzeaz gain, mundu mailako merkatuaren eskarietara hobeto egokitu daitezke.
Nazioarteko praktika profesionalak eta prestakuntza
Bekadunek hilean 1.635 €/hilabete arteko ordaindutako praktika profesionalak jasoko dituzte eta, horiei esker, honako hauek egiteko aukera izango dute:
- Nazioartean esperientzia eskuratzea atzerrian kokatutako erakundeetan eta enpresetan praktikak eginda. Horrek haien enplegagarritasuna handitu eta aukera profesional berriak sortuko ditu.
- Hasierako prestakuntzaren eta nazioarteko lan-ingurunean egindako murgilketen bidez kulturarteko gaitasunak garatzea, egokitzeko eta arazoak konpontzeko ahalmena hobetuta.
- Atzerriko egonaldian mundu mailako kontaktuen sarea finkatzea, etorkizunera begira kolaborazioak eta lan-aukerak erraztuta.
Zure prestakuntza osatzeko aukera paregabea da
Global Training programak gazteen nazioarteko mugikortasunerako eta prestakuntzarako funtsezko gastu eta jarduera ugari finantzatzen du. Diruz lagun daitezkeen gastuek honako hauek biltzen dituzte:
- Hasierako prestakuntza: Praktikak atzerrian hasi aurretik, 40 eta 60 ordu arteko ikastaroa, parte-hartzaileak honako gai hauen inguruan prestatzeko, besteak beste: kulturen arteko negoziazioa, komunikazio-teknikak eta talde-lana.
- Praktika profesionalak: 6 eta 12 hilabete arteko tartean, atzerriko enpresa eta erakundeetan praktikak egitea.
- Diru kopurua: Hilean 1.635 €-ko diru kopurua joan-etorriko, mantenuko eta ostatuko gastuak eta atzerriko egonaldiarekin lotutako beste kostu batzuk estaltzeko.
- Asegurua: Aseguru-polizen estaldura praktikaldiak irauten duen bitartean.
- Kudeaketa-gastuak: Programa abian jartzearekin, administratzearekin eta komunikatzearekin lotutako gastuak.
Dagoeneko 5.000 gaztek baino gehiagok jaso dute nazioarteko esperientzia eta prestakuntza
2012tik, 5.000 gaztek baino gehiagok jaso dute beka hau. Gazteek bost kontinenteetako 60 herrialdetan dauden punta-puntako 500 enpresa eta erakunde baino gehiagotan egin dituzte praktika profesionalak. Batez besteko egonaldia 8 hilabetekoa izan da. Erakunde garrantzitsuenen artean, honako hauek aipa ditzakegu: Fraunhofer institutua, Microsoft, Harvard Medical School eta NBE Emakumeak. Baina, horiez gain, nazioarteko presentzia duten Euskadiko sektore estrategikoetako euskal enpresa liderrak ere aipatu beharrekoak dira.
Nork eska ditzake laguntzak eta nolakoa da hautaketa-prozesua?
Global Training programako laguntzak goi mailako unibertsitate-titulua edo goi mailako lanbide-heziketako titulazioa dutenek, 2024ko urtarrilaren 1ean 30 urte baino gutxiago dituztenek, Euskal Autonomia Erkidegoan bizi direnek eta ingelesa menderatzen (unibertsitate-graduko titulazioen kasuan, gutxienez B2 maila, eta goi mailako lanbide-heziketarako, aldiz, B1) dutenek eska ditzakete.
Hautaketa-prozesua:
- Araudia berrikustea: Programaren araudian jasotako eskakizun guztiak betetzen dituztela ziurtatzea.
- Dokumentazioa prestatzea: Eskatutako dokumentazio guztia biltzea (curriculum vitaea eta ingeles mailaren frogagiria barne).
- Beken zerrenda kontsultatzea: Argitaratu ditugun bekak berrikustea eta bakarra, gehien interesatzen zaiguna, aukeratzea.
- Eskaera erakunde laguntzailearen aurrean aurkeztea: Eskaerak aukeratutako erakunde laguntzaileen bidez aurkeztu beharko dira 2024ko ekainaren 17tik iralaren 13ra bitarte.
- Hautaketa-prozesua gainditzea: Hautagaiek gaitasunak, prestakuntza eta programan parte hartzeko motibazioa ebaluatuko dituen hautaketa-prozesua gainditu beharko dute.
Ez galdu zure ibilbide profesionala bultzatzeko eta paregabeko nazioarteko esperientzia lortzeko aukera bikain hau. Eskatu Global Training iralilaren 13a baino lehen!
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz