Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 11 Azaroa, 2020 Arrisku-kapitaleko funtsak Finantziazioa Nazioartekotzea Araudia Arrisku kapitala

Eusko Jaurlaritzaren partaidetzapeko Elmubas enpresak instalazioak handituko ditu eta 145 enplegu baino gehiago sortuko ditu

Enpresak, gainera, atzerrira begira lan egiten du bere produkzioaren % 65 esportatuz

Pabiloi berriak 18.000 m2 gehiago izango ditu lanerako. Hortaz, Elmubasen produkzio-instalazioek, guztira, 55.000 mbaino gehiagoko azalera izango dute

Eusko Jaurlaritza enpresaren kapitalean 2019an sartu zen, % 4,29ko partaidetzarekin, EZTEN Arrisku Kapitaleko Funtsaren bitartez, enpresak lurraldean zuen presentzia sendotzeko helburuarekin

Elmubas Ibérica Europan enpresa liderra da txakurrentzako eta katuentzako janari lehorra produzitzen eta komertzializatzen. Bere instalazioetan, egunero, 3 milioi maskota baino gehiago elikatzeko janaria produzitzen du. Enpresak, gainera, atzerrira begira lan egiten du bere produkzioaren % 65 esportatuz.

EZTEN Arrisku Kapitaleko Funtsaren —SPRI taldeko partaide da— bitartez Eusko Jaurlaritzaren partaidetzapeko enpresa hau bere instalazioak handitzen ari da, aukera handiak ematen dituen merkatu batean hazteko helburuarekin. Gaur egungo fabrikaren alboan, Azpeitian eraikitzen ari diren pabiloi berriak lanerako beste 18.000 m2-ko azalera izango du. Hortaz, Elmubas enpresaren produkzio-instalazioek, guztira, 55.000 m2 baino gehiagoko azalera izango dute.

Gaur egun, Elmubasek 200 langile baino gehiago ditu, ingurune horretako ekonomia-jardueran inpaktu handia eraginez, Urola Kosta eskualdeko enpresa handienetako bat baita. Instalazio berriaren eraikuntzaren bitartez produkzio-ahalmena handituta, 2021eko apiriletik aurrera, 145 lanpostu zuzen berri sortzea aurreikusten da.  Aurreikusitako 48 milioi euroko inbertsioak eginez, 2024. urterako Elmubasek duen tamaina bikoiztuko du.

2019ko uztailean, Portobello Capital enpresa eta SPRI Taldeko EZTEN funtsa enpresa azpeitiarraren kapitalean sartu ziren, plan estrategikoa azkarrago gauzatzeko —pabiloi berria eraikiz beste urrats bat ematen du— eta lurraldean enpresaren errotzea sendotzeko honek behar zituen baliabidez hornitzeko. Plan horren oinarrien artean daude produkzio-ahalmenaren gehikuntza hau eta lanpostu berriak sortzea.

Azken urteetan SPRI Taldeak Elmubas enpresari emandako babesa teknologiako, industria-zibersegurtasuneko eta digitalizazioko programen bitartez ere gauzatu da.

 

Lotutako albisteak

9 otsaila, 2024 Arrisku-kapitaleko funtsak
Zetrack eFarming startup bizkaitarrak 1M euro eskuratzea lortu du haren nekazaritzako eredu elektrikoa garatzeko
Irakurri gehiago
30 urtarrila, 2024 Arrisku-kapitaleko funtsak
Inmedical Therapeuticsek 800.000€ko erronda itxi du Viscofan eta Euskal Herriko Arrisku-Kapitalaren Kudeaketa IKEKS – Spri taldearen sarrerakin, Elkargiren aholkularitzari esker
Irakurri gehiago
Irisbond 2 Azaroa, 2023 Arrisku-kapitaleko funtsak
IRISBOND Euskadiko teknologia enpresak funts publiko-pribatuak eskuratu ditu osasun arloan bere eye-tracking-a eta AEBko hedapena bultzatzeko
Irakurri gehiago
Patia Biopharma 18 uztaila, 2023 Arrisku-kapitaleko funtsak
Eusko Jaurlaritza Patia Diabetes enpresaren kapitalean sartu da Euskadiko industria bioteknologikoaren berrikuntza sustatzeko
Irakurri gehiago
27 Marzo, 2023 Arrisku-kapitaleko funtsak
Eusko Jaurlaritzak euskal enpresetan parte hartzeko 32 eragiketa onartu zituen 2022an, 80 milioi euroko balioarekin
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak