Sodesa: “Ekonomia zirkularra errealitate bat da, eta bertan geratzeko etorri da”
1974an, hegaztizain talde batek beren produktuetarako ontziak inportatzeari uztea erabaki zuen, eta beraiek ekoizteari ekin zioten. Horrela jaio zen Sodesa, Villabonako (Gipuzkoa) enpresa. Arrautzetarako ontziak fabrikatzetik ontzien sektorean erreferente izatera igaro da ekonomia zirkularraren eta birziklatzearen aldeko apustu integralari esker. Apustu hori bere lehengaian zein produkzio-prozesuan islatzen da.
Gipuzkoako enpresak ia 50 urte daramatza plastikoarekin lanean. Hori klima-aldaketarekin lotura estua duen materiala da, eta birformulatzera behartuta dagoen sektore baten parte da. “Saihestu ezin dugun errealitate bat da ontzietarako materialak ekoizteko prozesu asko klima-aldaketak dakarren erronka handiaren erantzuleak direla. Horien ekoizpenak, lehengaien kontsumoak, garraioak eta abarrek material horietako askok karbono-aztarna handia izan dezaten laguntzen dute”, Roberto Mendizabal Sodesako zuzendari nagusiak dioenez.
Egoera horren aurrean, 2012an Villabonako enpresak bere ekoizpen ereduari 360º-ko bira ematea erabaki zuen, hala gogoratzen du Mendizabalek: “Ikerketa handiko urteak izan ziren ekoizpen prozesu berriak bultzatzeko. Horrela, Polietilenozko Tereftalatoa (PET) erabiltzen hastea izan zen gure helburua, bai lehengai birjinarekin bai birziklatuarekin. Material gardena, arina, segurua eta hautsezina da, eta, are garrantzitsuagoa dena, birziklatzen errazenetako bat”. 2016an, enpresak material horrekin ekin zion fabrikazioari, eta horrek “enpresa berritzaile eta jasangarrienetako bat bihurtu gaitu sektorearen barruan”.
Gaur egun, Sodesan erabilitako 1.000 kilotik 850 kilo beste ontzi batzuetatik birziklatutako PETak dira. Zuzendari nagusiak dioenez, “ekonomia zirkularra errealitate bat da, eta bertan geratzeko etorri da. SODESA ontzi bat beste ontzi baten bizi-zikloaren parte da jada, eta, era berean, kontsumitu eta birziklatu ondoren, lehengai bihurtuko da prozesua berriro hasteko. Horrela, baliabideen fluxu ekologikoak sortzen laguntzen dugu, lehengai birjinaren sarrera minimizatuz eta hondakinen ekoizpena murriztuz”, zehaztu du.
Prozesu iraunkorra
PETaren onura handienetako bat da haren ezaugarriek ekoizpen-prozesu jasangarriagoa gauzatzea ahalbidetzen dutela, beste material batzuekin alderatuta. Mendizabalek adierazi duenez, “ontzi mota bera egiteko hiru aldiz lehengai gutxiago erabiltzen dugu”. Gauza bera gertatzen da energia-gastuarekin; izan ere, “material horren eraldaketak askoz energia-gastu txikiagoa eskatzen du, eta, ondorioz, emisio gutxiago. Gainera, ez da beharrezkoa ura erabiltzea, hala eskatzen duten beste material batzuk ez bezala”, gehitu du. Era berean, Villabonako enpresaren CO2 aztarnak murrizten jarraitzen du; izan ere, PET lehengai gisa erabiltzeak ontziak beste material batekin garatutakoak baino arinagoak izatea eragiten du, ibilbide bakoitzean kantitate handiagoak garraiatuz.
Sodesan etengabe ari dira ikertzen, bai baliabideak aprobetxatzeko, bai etorkizunean erabat konpostagarriak eta biodegradagarriak diren material berriekin berrikuntzak egiteko. “Teknologian eta pertsonalean inbertitzen jarraitzen dugu, azken produkturik onena eta iraunkorrena lortzeko eta Espainian eta mundu osoko gainerako herrialdeetan banatzen jarraitzeko”, amaitu du Mendizabalek.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
Lotutako albisteak
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.
Agua Embrujadak infusioen sektorea gama handiko alternatiba jasangarriekin irauli du
Arabako enpresak osagai naturalen eta prozesu iraunkorren aldeko apustua egin du, kalitate handiko teak eta infusioak eskaintzeko.
Eurozon, desinfekziorako eta iraunkortasunerako ozono-teknologian aditua
30 urteko esperientziarekin, Bizkaiko enpresa elikagaien, uraren eta barruko espazioen higienizazioko berrikuntzaren buru da, ingurumena errespetatzen duten konponbideen alde eginez.
Lufe: “Bezeroaren esperientzia modu aktiboan entzutea da hobetzen laguntzen dizuna”
Enrique Arrillagak duela hamar urte sortu zuen % 100 Euskadiko lehengaiez diseinatu eta fabrikatutako altzarien enpresa, eta dagoeneko hainbat herrialdetara saltzen du, hala nola Frantzia, Italia eta Portugalera.
Ikerlanek bi norabideko bihurgailu bat garatu du ibilgailu elektrikoak trenbide-energia berrerabiliz kargatzeko
Zentro teknologikoa Kataluniako Salicru konpainiarekin elkarlanean ari da 2021etik, sare elektrikoaren azpiegitura optimizatu nahi duen CS-MV produktua sortzeko.
Psifiacosek plataforma berritzaile bat sortu du osasun mentalaren adierazleak urrunetik eta denbora errealean monitorizatzeko
Helburua esku-hartze goiztiarrak erraztea eta familientzako zein osasun-profesionalentzako txosten pertsonalizatuak ematea da.