Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Elkarrizketak 17 apirila, 2024 Ingurumen-jasangarritasuna

Javier Albarrán: “Medusak ibilgailu elektrikoen flotak kargatzeko aukera ematen du, alferrikako potentzia elektrikoa oinarri bezala hartuz”

Bilboko enpresa elektrizitatez hornitzeko alternatibak garatzen ari da, eta proiektu pilotu bat jarri du martxan Bilboko Metroaren gaueko potentzia elektrikoa Bilbobuseko autobus elektrikoak kargatzeko.
Javier Albarrán, Medusaren zuzendari nagusia

Bilboko enpresak garatutako Medusa modeloak, hornidura elektrikoko alternatibak ematen dituenak, “alfer” deitutako potentzia elektrikoa aprobetxatzea lortu du, hau da, kontratatuta egon arren erabiltzen ez den elektrizitatea, ibilgailu elektrikoak kargatzeko. 

“Egoera honen jatorria arau-esparrua da; horren bidez, kontsumitzaile bat energia elektrikoaren hornitzaile izatera pasa daiteke, baldin eta ibilgailu elektrikoak kargatzeko bada”, azaldu du Javier Albarrán Medusako zuzendariak. Ekimen hori Energiaren Euskal Erakundeak (EEE), ASE taldeak eta Repsolek bultzatu dute. Hortik aurrera, bere lana energia elektrikoaren kontsumitzaile handi bat identifikatzea eta “ibilgailu elektrikoak kargatzeko erabilgarri egon daitekeen potentzia elektriko alferraren patroiak lortzea da”, zehaztu du Albarranek. 

Lehen proiektu pilotua dagoeneko martxan dago Bilbon, eta Bilboko Metroa eta Bilbobus lotzeko aukera ezarri du. “Bilbobuseko autobus elektriko berriak kargatzeko zerbitzurako beharrak Bilboko Metroaaren bidez asetu ahal dira, energia-kontsumitzaile handia baita”, azaldu du. Metroaren kontsumoei buruzko azterketa zehatz baten arabera, “osagarritasuna begi-bistakoa zen. Hau da, metroa erabiltzen ez denenan, gauez, orduan kargatu behar dira ibilgailu elektrikoak”, zehaztu du Albarranek. 

Emaitza horiekin, Medusak zortzi kargatze-puntu instalatu ditu Elorrietako kotxetegietan. Horiei esker, beste hainbeste autobus unitate elektriko kargatu ahal izango dira gauero, betiere metroaren zerbitzua arriskuan jarri gabe. “24/7 eta urrutitik zaintzen dugu Bilboko Metroaren azpiegituraren egoera, bere tren-zerbitzua, ibilgailu elektrikoak kargatzeko beharrak eta horiek kargatzeko kudeaketa ezin hobea arriskuan ez jartzeko”, azaldu du Albarránek. 

Javier Albarránek MUBIL Mobility Exporen parte izango du, Europako hegoaldeko mugikortasun iraunkorraren industriaren azoka profesionala, Ficoban izango dena (Irun), apirilaren 17an eta 18an. 

SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.   

Lotutako albisteak

9 maiatza, 2024 Azpiegiturak
Egoingo lau proiektutatik bat atzerritik iristen da dagoeneko
Irakurri gehiago
29 apirila, 2024 Ingurumen-jasangarritasuna
Enforced Group: “Areto garbiak diseinatzen ditugu, txertoak eta proteina alternatiboak garatzeko”
Irakurri gehiago
25 Marzo, 2024 Ingurumen-jasangarritasuna
Arkitecnicas: “Passivhaus estandarra da oraingoz dagoen eraikitzeko modurik onena”
Irakurri gehiago
12 Marzo, 2024 Ingurumen-jasangarritasuna
Mikel Peral (EPowerlabs): “Ibilgailu elektrikoa eraginkorra izan dadin, software eta elektronika asko eta motor eta osagai hobeak beharrezkoak dira”
Irakurri gehiago
29 urtarrila, 2024 Ingurumen-jasangarritasuna
“Echebastarren argi daukagu arrantza-sektorearen etorkizunak erantzukizuna eta berrikuntza eskatzen dituela”
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak