Euskal enpresaren blog-a Zure enpresarentzat garrantzitsua den eguneroko informazioa

11 ekaina, 2021
Kaixomundua.eus, sormena, hizkuntza eta teknologia ezagutzak lotzen dituen egitasmoa

Puntueus fundazioak abiarazitako hezkuntza-proiektuan 36 ikastetxek eta 1.300 ikaslek hartu dute parte orain arte

 

Kaixomundua.eus lehiaketaren bigarren edizioaren irabazleak joan den maiatzean izendatu zituzten

Webguneak sortzen ikasiz, gaitasun digitalen ezagutza eskola-komunitatean sustatzea eta eduki digitalak euskaraz sortzea sustatzea dira Kaixomundua.eus egitasmoaren helburu nagusiak. 2018.urtean Puntueus fundazioak sortu eta abiarazitako proiektuak honezkero 36 ikastetxeren atxikimendua lortu du eta ikastetxe hauetako 1.300 ikasleren parte-hartzea. Ikasle hauek kontsumitzaile digital izatetik sortzaile digital izatera pasatzeko aukera eskaintzen die egitasmoak, webgune erreal bat sortuz lan motibatzaile baten bidez.

12 urtetik gorako ikasleek parte hartu dezakete, hau da Derrigorrezko Bigarren Hezkuntzakoak, Batxilergokoak eta Lanbide Heziketakoak, eta bi modu daude proiektuan parte hartzeko:

  • Webguneak egiten ikasi.
  • Webguneak egiten ikasi eta lehiaketan parte hartu.

Puntueus Fundazioak unitate didaktiko desberdinak garatu ditu Kaixomundua.eus proiektuan izena ematen dutenek erabiltzeko. Unitate didaktikoen jardueren sekuentziak, guztira, 14 saio eta 16 jarduera biltzen ditu. Horietan, irakasleak, proiektuaren edukiak azaldu ahal izateko jarraibideak eta horiek praktikan jartzeko ariketak topatuko ditu. Horrez gain, unitate didaktiko guztietan azaltzen dira ebaluazio adierazleak, ebaluazio irizpideak eta ebaluazio teknikoa egin ahal izateko tresnen erabilgarritasuna.

Lehiaketa

2020-2021 ikasturtekoa izan da Kaixomundua.eus Lehiaketaren bigarren edizioa. 21 ikastetxek hartu dute parte eta guztira 135 lan aurkeztu dira.

DBH kategorian La Salle Beasain ikastetxea izan da irabazle ekoweb.eus webgunearekin.

Batxilergoaren kategorian, doinuabanda.eus webguneak eman dio garaipena Eunate BHI ikastetxeari.

Azkenik, Lanbide Heziketan, Aretxabaletako Lanbide Eskolak irabazi du arduplay.eus webgunearekin

Irailean irekiko da 2021-22 ikasturterako izen-ematea

https://kaixomundua.eus/

Indeusberri 10 ekaina, 2021
“Praktika onak: Euskara Lanean” jardunaldia BasquePro Elkargoak Euskaraz-en eskutik

Basque Pro Elkargoak Euskaraz-en eskutik Praktika onak: Euskara lanean onlineko jardunaldia egin da...Leer más

IndeusBerriren bannerra
IndeusBerri: industria eta euskara uztartzen dituen informazioaren topagunea

IndeusBerri Industriaren Euskal Plataformaren berriak jasotzen dituen gunea da, baita industriaren...Leer más

Indeusberri 4 ekaina, 2021
Materialen Zientzia eta Teknologiaren Kongresurako lanak aurkezteko epea zabalik

  Materialen Zientzia eta Teknologiaren Kongresurako lanak aurkezteko epea zabalik dago eta...Leer más

IndeusBerriren bannerra
Indeusberri 31 maiatza, 2021
IndeusBerri: industria eta euskara uztartzen dituen informazioaren topagunea

IndeusBerri Industriaren Euskal Plataformaren berriak jasotzen dituen gunea da, baita industriaren...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?