Berrikuntza Eraldaketa digitala
Albisteak 5 ekaina, 2019

SPRI Taldeak Basque Industry 4.0 estrategiaren tresnak aurkeztu ditu +Industry ekitaldian

Euskal Agentziako Teknologia eta Berrikuntzako zuzendari Aitor Cobanerak BECeko (Barakaldo) jardunaldian esan du Eusko Jaurlaritzak konpromisoa hartua duela euskal enpresa-sarearen eraldaketa digitalarekin
-

 

Euskal Agentziako Teknologia eta Berrikuntzako zuzendari Aitor Cobanerak BECeko (Barakaldo) jardunaldian esan du Eusko Jaurlaritzak konpromisoa hartua duela euskal enpresa-sarearen eraldaketa digitalarekin

 

Barakaldoko Bilbao Exhibition Centre-n (BEC) astearte eta asteazken honetan egin den +Industry jardunaldiak zazpi ekitaldi ostatatu ditu. Horietako bat izan da BeDigital, zeinetan SPRI Taldeak (enpresen garapenerako euskal agentziak) hizpide hartu baititu bere Digital Innovation Hub ekimena (fabrikazio aurreratuko aktibo eta zerbitzuen sare konektatua prestakuntzarako, ikerketarako, testak egiteko eta baliozkotze prozesuetarako, Euskadiko ETEei eskaintzen zaiena onlineko plataforma baten bidez), Basque Industry 4.0 estrategia eta estrategia horren baitako laguntza-programak.

 

SPRIko Teknologia eta Berrikuntzako zuzendari Aitor Cobanerak azpimarratu du enpresa agentziak eta Eusko Jaurlaritzak beren babesa eman diotela “fabrikazio aurreratua eta EIKTen sektorea uztartzen dituen ekitaldi horri”. Cobanerak hizpide hartu du RIS3 espezializazio adimenduneko estrategia, Europar Batasunak martxan jarri duena eskualde bakoitza espezializatu dadin trebetasun gehien dituen arlo industrialetan. Euskadiren kasuan, fabrikazio aurreratua, biozientziak eta energia dira aukeratutako sektoreak.

 

Cobanerak bertatik bertara aurkeztu ditu SPRI Taldeak 4.0 Industria bultzatzeko eskaintzen dituen laguntzak, besteak beste, Hazitek, Basque Industry 4.0., Industria Digitala, Zibersegurtasuna, Mikroenpresa digitala edo Bind 4.0 programa, zeina ekintzailetzan zentratzen den eta helburutzat duen startup-ek proiektuak garatu ditzatela enpresa trakziogileetan.

 

Bestalde, Zibersegurtasuneko Euskal Zentroko zuzendari Javier Diéguez moderatzaile aritu da makinen digitalizazioari buruzko mahai-inguru batean, eta hauxe esan du: zibersegurtasuna “ez da ongi planteatzen, ez da akats informatiko bat, baizik eta arrisku korporatiboak diagnostikatzeko tresna bat”.

 

Azaldu du lan egin behar dela enpresariekin, uler dezaten zibersegurtasuna “negozioa egiteko modu bat dela”. Horrez gain, adierazi du “oraindik badagoela informazioa partekatu nahi ez duen jendea” eta enpresak animatu ditu SPRI Taldeak zibersegurtasun arloan laster argitaratuko dituen laguntzak eskatzera.

 

Basque Digital Innovation Hub

SPRI Taldeko Ekimen Estrategikoen saileko Susana Larreak Basque Digital Innovation Hub (BDIH) ekimena aurkeztu du, fabrikazio aurreratuko RIS3 Espezializazio Adimenduneko Euskal Estrategiaren barruan kokatua (Basque Industry 4.0, ww.basqueindustry.eus;),  eta helburutzat duena enpresa-sareari laguntzea berrikuntza digitalen esperimentazioan.

 

Larreak esan du ekimen honen helburua dela euskal enpresa sareari –batik bat ETEei- aukera erraz eta errentagarri bat eskaintzea 4.0 Industriak fabrikazio aurreratuaren ingurunean dakartzan erronkei aurre egiteko behar diren gaitasun zientifiko eta teknologiko berritzaile eta bikainak eskuratzeko. “Hala, ETEek posible dute eboluzionatzea eta lehiakorrago izatea”.

 

BDIH aktibo-sare konektatu bat da, zeinetara biltzen diren I+Gko azpiegiturak, lantegi pilotuak eta fabrikazio aurreratuko hainbat arlotako know-how espezializatua, arlo horiek 6 gune desberdinetan antolatuta daudelarik: hiru –Fabrikazio Gehigarria, Robotika Malgua eta Kolaboratiboa, eta Zibersegurtasuna– jadanik martxan,  eta beste hirurak garapen fasean  –Material Berriak, Data Driven Solutions eta Makina Adimendun eta Konektatuak–, denak ere funtsezko digitalizazio-teknologiak 4.0 Industriarako. Guneek leihatila bakar bezala funtzionatzen dute, eskaera eta eskaintza koordinatuz eta konektatuz.

 

BDIHren jabe dira I+G-ko zentroak, lanbide heziketako ikastetxeak, unibertsitateak eta enpresetako I+G-ko unitateak, eta eskualde mailako erakunde publikoen babesa ere jasotzen du. BDIHk zerbitzuak eskaintzen ditu I+G-ko proiektuak garatzeko, proiektu industrialak eskalatzeko, abangoardiako teknologiak frogatu, baliozkotu eta erakusteko, eta baliabide bat da prestakuntza emateko eta oinarri teknologikoko enpresa berriak azeleratzeko. BDIHren zerbitzu-sorta hiru multzo handitan antolatzen da: aholkularitza tekniko-ekonomikoko zerbitzuak; prototipoak diseinatu eta sortzeko eta baliozkotu eta erakusteko zerbitzuak; eta, azkenik, sentsibilizazio- eta prestakuntza-zerbitzuak.

 

Zerbitzu horiek BDIHren gune desberdinetatik eskaintzen dira, Basque Digital Innovation Hub sarearen aktiboak erabiliz (euskal ETEei eskaintzen zaien onlineko aktiboen katalogoan kontsultatu daitezke sarearen ezaugarri eta propietate teknikoak).

 

Gainera, BDIH Europako Digital Innovation Hub-en katalogoan sartuta dago, eta horrek esan nahi du Euskadiko gaitasunak Europako gainerako guneekin konektatuta daudela eta elkar osatzen dutela.

Bestalde, Iñaki Suárezek Basque Industry 4.0 laguntzak aurkeztu ditu.

 

SPRI Taldeak 5,81 milioi bideratuko ditu aurten 4.0 Industria bultzatzeko Basque Industry 4.0 estrategian integratutako laguntza-programen bitartez, zeintzuek orobat barne hartzen duten zibersegurtasun industrialaren sustapena.  Aurreikuspenen arabera, 215 proiektu inguruk jasoko dituzte Basque Industry 4.0, Zibersegurtasun Industriala eta Industria Digitala programen laguntzak.

 

Laguntza espezifiko horiez gain, aurten beste 166,1 milioi euro inbertituko dira teknologia arloko programetan. Programa horiek Ekonomi Garapen eta Azpiegitura Sailaren Basque Industry 4.0 Estrategiaren barruan kokatzen dira, estrategia horrek berebiziko garrantzia ematen baitie Euskadiren espezializazio industrialaren barruan lehentasunezkotzat jotzen diren sektoreetako proiektuei, hau da, fabrikazio aurreratukoei, energia esparrukoei eta bio-osasungintzakoei. Programa hauen bidez babesa eman nahi zaie 700dik gora enpresa-proiekturi eta teknologi zentroekin zerikusia duten 80tik gora proiekturi.

Lotutako albisteak

Irundinek,  oso  nazioartekotutako  ETEak,  negozioa  % 50  baino  gehiago  handitu  du
12/09/2025 Nazioartekotzea

Irundinek, oso nazioartekotutako ETEak, negozioa % 50 baino gehiago handitu du

Irungo enpresak SPRI Taldearen Fast Track Innobideak programako laguntza jaso du eta botilatzeko makinak fabrikatzen ditu 1994tik

Innobasque  kasu  praktikoen  bila  dago,  Global  Innovation  Day  2025  ekitaldirako
03/09/2025 Berrikuntza

Innobasque kasu praktikoen bila dago, Global Innovation Day 2025 ekitaldirako

Proposamenak aurkezteko epea irekita egongo da irailaren 22ra arte. Hautatutako esperientziak Global Innovation Day 2025 ekitaldiko programa ofizialean jasoko dira, Euskadin zientziak berrikuntzan duen eragina erakusteko adibide aipagarri gisa

Basque  Digital  Innovation  Hubek  adimen  artifizialean  espezializatutako  nodo  berria  gehitu  du
02/09/2025 BDIH

Basque Digital Innovation Hubek adimen artifizialean espezializatutako nodo berria gehitu du

Basque Artificial Intelligence Centerren gidaritzapean, konputazio aurreratuko eta datuak biltegiratzeko tresnak eskuratzeko aukera emango die euskal enpresei.

Wolco,  nazioartekotzearen  aldeko  apustua  egin  duen  ebaketa-erreminta  pertsonalizatuen  fabrikatzailea
28/08/2025 Nazioartekotzea

Wolco, nazioartekotzearen aldeko apustua egin duen ebaketa-erreminta pertsonalizatuen fabrikatzailea

Lemoako enpresak SPRI Taldearen Industria Digitala programaren dirulaguntza jaso du, eta bere negozioaren % 25 esportatzen du dagoeneko

Grunussek  energia  sortzeko,  transmititzeko  eta  biltegiratzeko  modua  eraldatzen  du
28/08/2025 Ekintzailetza

Grunussek energia sortzeko, transmititzeko eta biltegiratzeko modua eraldatzen du

Berrikuntzak bultzatutako ‘deeptech 'enpresa honek aurrerapen teknologiko eta ekologikoaren abangoardian kokatzen da

BDIH  Konexioa  programak  euskal  industriaren  berrikuntza  digitala  eta  jasangarritasuna  sustatzen  ditu  eta  BDIHk  eskaintzen  duen  adituen  laguntzarako,  aktiboetarako  eta  zerbitzuetarako  sarbidea  errazten  du
21/08/2025 Berrikuntza

BDIH Konexioa programak euskal industriaren berrikuntza digitala eta jasangarritasuna sustatzen ditu eta BDIHk eskaintzen duen adituen laguntzarako, aktiboetarako eta zerbitzuetarako sarbidea errazten du

SPRI Taldeak BDIH Konexioaren deialdi berri bat jarriko du abian abuztuaren 26an. 950.000 euro bideratuko ditu euskal industriaren berrikuntza-prozesuak bermeekin azeleratuko dituzten proiektuak finantzatzeko. Enpresek BDIHren edo Europako DIH jakin batzuen aditu-laguntza izango dute eta beraien ezagutza, azpiegiturak eta teknologiak jarriko dituzte enpresen esku, haien proiektu digital eta jasangarriak esperimentatzeko...

Gipuzkoak  teknologia  kuantikoetan  sakonduko  du  Creative  Destruction  Lab  ekimenaren  bultzadarekin,  BIC  Gipuzkoa  
eta  IESE  Business  School  erakundeekin  lankidetzan

Gipuzkoak teknologia kuantikoetan sakonduko du Creative Destruction Lab ekimenaren bultzadarekin, BIC Gipuzkoa 
eta IESE Business School erakundeekin lankidetzan

CDL-Donostia zentroak bat egingo du nazioarteko CDL Quantum programarekin, 
eta adimen artifizial (AA) kuantikorako eta hizkuntza naturalaren prozesamendurako CDL AA korronte bat jarriko du abian; alde batetik, IBMren System Two ordenagailu kuantiko iritsi berria osatzeko eta, bestetik, teknologia sakonak Europan merkaturatzeko nodo gisa Gipuzkoaren ekimena haziarazteko.

IndeusBerri:  Industria  eta  Euskararen  plaza

IndeusBerri: Industria eta Euskararen plaza

Gaur albiste dira GISLAN, Arabako Enpresen Foroa, Enpresa Digitala, Proiekzio demolinguistikoa eta Cyber Range laborategi.

Euskal  Encounterrek  sistema  robotikoei  aplikatutako  adimen  artifizialari  buruzko  tailerra  jasoko  duobóticos

Euskal Encounterrek sistema robotikoei aplikatutako adimen artifizialari buruzko tailerra jasoko duobóticos

Ostegunean egingo da mintegia eta SPRI Taldearen laguntza jasoko du

Europako  Batzordearen  Regional  Innovation  Scoreboard-ek  “berrikuntza  handiko”  herrialde  gisa  kokatu  du  Euskadi
18/07/2025 Berrikuntza

Europako Batzordearen Regional Innovation Scoreboard-ek “berrikuntza handiko” herrialde gisa kokatu du Euskadi

Euskadik Europar Batasuneko batez besteko berrikuntza-maila gainditzen du (% 108,1), eta “strong innovator” (berrikuntza handikoa) kalifikazioari eutsi dio

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.