SPRI eta Women4Cyber Spain enpresek akordio bat sinatu dute zibersegurtasunaren arloan emakumea ikusgai jartzeko
- Lankidetza-hitzarmena funtsezkoa da gizarte- eta enpresa-ekosistema integratzaileagoa lortzeko.
- Women4Cyber zibersegurtasuneko emakumeen Europako lehen elkartea da.
- Akordioan prestakuntza, aholkularitza, ikerketa eta ezagutzaren hedapena landuko dira.
Gaur goizean, martxoaren 1ean, Miñaon, Basque CyberSercurity Centreren bulegoetan, lankidetza-hitzarmena sinatu da Enpresen Garapenerako Euskal Agentziaren (SPRI) eta Women4Cyber Spain irabazi-asmorik gabeko erakundearen artean. Bi erakundeen izenean, Aitor Urzelai Inza, SPRIko Zuzendari Nagusia, eta Eduvigis Ortiz Moronta, Women4Cyber Spain-eko Presidentea, joan dira ekitaldira.
Hitzarmenaren bidez, hedapen-, hezkuntza- eta ikerketa-jarduerak egitea aurreikusten da, emakume teknologoari mundu digitalean ikuspen handiagoa emateko, emakumeen talentu handiagoa erakartzeko eta zibersegurtasunaren arloan duen lekua areagotzeko. Gaur egun, zibersegurtasunaren sektorean emakumeek maila globalean duten pisua %25 ingurukoa dela kalkulatzen da, nahiz eta munduko biztanleriaren ia %50 izan*. Hori dela eta, horrelako hitzarmenen bidez sustatzen dena da genero-desberdintasuna murriztea eta emakumeek teknologian, ekintzailetzan eta berrikuntzan duten parte-hartzea areagotzea.
Hori lortzeko, hitzarmenaren esparruan, honako hauek proposatzen dira: ikerlanak eta ikerketa-proiektuak egitea, aholkularitza profesionala ematea eta informazioa eta dokumentazioa trukatzea. Horrela, ezagutzak eta esperientziak partekatu ahal izango dituzte, eta enpresen digitalizazioarekin irekitzen diren lan-aukera berrietarako emakumeen sarbidea hobetu eta harreman profesionalen sarea indartuko da. Helburua emakumeek zibersegurtasunaren sektorea profesionalki garatzeko eta hazteko lanbide bezala hartzea da. Horretarako, ekosistema teknologiko bat eraikiko da eta, bertan, emakumeak protagonismoa hartuko dute, baita beste emakume batzuk motibatu ere.
Lankidetza horren jarduera-esparrua, hain zuzen ere, Basque Cybersecurity Centreren (BCSC) eginkizunen barruan kokatzen da; SPRI taldearen barruan dagoen eta Euskadin zibersegurtasuna sustatzeaz arduratzen den zentroa, alegia. BCSCk bere jarduera-planean txertatu ditu euskal gizartearen artean zibersegurtasun-kultura garatzea, zibersegurtasuna aplikatzearekin eta sektore profesionala indartzearekin lotutako dinamizazio ekonomikoa, haren lehiakortasuna eta merkatu globalean duen kokapena sustatuz.
Hitzarmenaren bidez, zibersegurtasunaren garapen sozioekonomikoan emakumeen rola indartuko da, beren proiektu eta lorpenak gaitu, ikertu eta zabalduz. BCSCren agendaren eta jardueren bidez, zibersegurtasunaren posizionamendua handitu ahal izango da ikuspegi inklusibo batekin, betiere prestakuntza, aholkularitza eta sentsibilizazio-ekintzak eskainiz eta ezagutzak txikitatik zabalduz.
Women4Cyber Spain-ekin elkarbanatzen ditu helburu eta eginkizun horiek. Erakundea irabazi-asmorik gabeko ekimen independentea da, eta emakumea protagonista den lankidetza-espazioa sortzeko gizarte publiko eta pribatuen ekintza sinergikoa bilatzen du. Era guztietako proiektu eta jarduerak egitea du helburu, emakumeek informazio- eta komunikazio-teknologien (IKT) arloan duten posizionamendua areagotzeko, bereziki zibersegurtasunaren arloan, Espainian integratzaileagoa, askotarikoagoa eta parte-hartzaileagoa den gizarte- eta enpresa-ekosistema bat eraikitzeko. Bere jardueren artean aipatzekoak dira mentoring programa, ‘CybHer Talk’ edo hitzaldiak. Horietan hainbat sektoretan erreferentzia diren emakumeek zibersegurtasunaren arloan duten esperientzia profesionala partekatzen dute.
Women4Cyber Spain zibersegurtasuneko emakumeen Europako lehen elkartea da. Aipatzekoa da duela urtebete sortu zela, izen bereko Europako proiektu batetik abiatuta. Proiektu hori 2019an sortu zen ECSOren barruan (European CyberSecurity Organisation), eta lan-ildo horretan nazioarteko ikuspegitik zubiak egiteko asmoa du. Women4Cyberren helburua zibersegurtasunaren eta IKTen sektoreko aldaketa bizkortzea eta sustatzea da, bai estatuan bai nazioartean, sektore bidezkoagoa, askotarikoagoa eta integratzaileagoa lortzeko fundazio-balioetatik abiatuta, eta lankidetzarako, eztabaidarako eta ideiak garatzeko gune komun bat izanda.
Ez da ahaztu behar zibersegurtasuna eta teknologia lehentasunezko arloak direla SPRIren garapen estrategikoan, euskal industria-ekosistema dinamizatzeko helburuan, bai eta Espezializazio Adimentsurako Ikerketa eta Berrikuntza Estrategian (RIS3 Euskadi) sartuta dauden industria-sektoreen lehiarako bultzada ere. SPRIk euskal enpresa-sareari laguntza emateko lan egiten du, bere lehiakortasuna eta merkatu globalean duen posizionamendua sustatuz.
*Iturria: (ISC)2 erakundearen Cybersecurity Workforce urteko azterlana.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.