Eraldaketa digitala
Elkarrizketak 22 uztaila, 2019

Sektore siderurgikoaren monitorizazioa eta trazabilitatea i2U-rekin

Enpresa donostiarrak, geolokalizazio, sentsorikoa, IoT eta ikusmen artifizialeko erremintak erabiltzen ditu industria prozesuen kontrolerako
-

 

Enpresa donostiarrak, geolokalizazio, sentsorikoa, IoT eta ikusmen artifizialeko erremintak erabiltzen ditu industria prozesuen kontrolerako

 

i2U (Innovated to Use) konpainia donostiarrak bere jarduera industria sektorera birbideratu du azken hilabeteetan. Hasieran bere proiektuak zabortegien monitorizazioan oinarritzen baldin baziren, hondakinak tratatu ahal izateko, orain, sektore siderurgikoarentzako gainbegiratze eta trazabilitate sistema oso bat eskaintzen dute. i2U-ko CEO eta fundatzaile den Alberto Cogollosekin mintzatu gara.

 

Zein da i2U-ren sorburua?

2016ko azaroan martxan jarri ginen, bezero batek planteatutako arazo berezi bati erantzuna eman nahian. Zenbait bazkide Bildu ginen, hiri hondakin solidoen tratamendurako instalazioetan hondakin hobiak ikuskatu eta monitorizatzeko asmoz. IoT (Gauzen Interneta) erreminten bitartez, lurrak barreiatzeaz arduratzen diren ekipoak eta zabortegien lokalizazioa eta erliebea monitorizatu genituen, honela, isurketen trinkotze maila neurtu eta lixibatuen ekoizpena optimizatu ahal izateko. Horretarako, RTK, ikusmen artifiziala, sentsorikoa, datuen tratamendua edo ‘machine learning’ bezalako lokalizazio zehazteko teknologiak aplikatu genituen. Hasierako proiektu hartatik, ingurumenarekin eta zabortegien monitorizazioarekin erlazionatutako beste ekimen batzuetara salto egin genuen.

 

Zein momentutan egin zenuten zuen teknologia eta ezagutza industria sektorean aplikatzearen aldeko apustua?

Hondakinen tratamenduaren monitorizazioarekin erlazionatutako proiektuak egiten bi urte igaro ondoren, teknologia honek industrian eragin nabarmena izan zezakeela ikusi genuen. Hondakinen geolokalizazio eta trazabilitatearen teknologiarekin  asko ikasi genuen eta, eta ni industria sektoretik natorrenez eta industria siderurgikoa ondo ezagutzen dudanez, gure ezagutza sektore honetan aplikatzeko aukera planteatu genuen.

 

Esparru industrialean, zer nolako proiektuak gauzatzen ari zarete?

Doitasun handiko eta 1-2 zentimetro inguruko akats tarteko, bai kanpoan (‘outdoor’), bai barruan (‘indoor’) mugimenduan dagoen edozein makina geolokalizatzeko gai den berezko teknologia garatu dugu. Honek, nik, industria siderurgikoarekin erlazionatutako material metalikozko fardel edo bobinak mugitzeko erabiltzen diren ekipo guztiak kontrolatzeko aukera luzatzen du. Uneoro, orgatila edo garabi bat bezalako mugitzen diren elementuak lokalizatuta izateko gai banaiz, garraiatzen dituzten fardelen trazabilitate fisikoa egiteko eta monitorizatuta izateko beta dut.

 

Trazabilitate hori ikuskatzeko zer nolako teknologia motak erabiltzen dituzue?

RTK eta IPS konbinatzen duen berezko teknologia garatu dugu. RTK, GPS bezalako satelite bidezko nabigazio teknologiak eta irrati-frekuentzia edo telefonia bidezko komunikazio sistemak uztartzen dituen neurketa sistema bat da. Irrati-frekuentziak edo telefonia komunikazioa erabiltzean, denbora errealean, datuak eskuratu eta posizionatze zuzenketak lor daitezke, mugimenduak dauden makinak edo objektuak kontrolatzeko oso garrantzitsua dena.

 

IPS-ren kasuan -Indoor Positioning System edo Barrualdeetako Posizionatze Sistemaren siglak- eraikinen barruan satelite bidezko nabigazio sistemek ez dute behar bezala funtzionatzen, horregatik, gailu mota desberdinen sareak garatu ditugu, haririk behar gabe, denbora errealean, ibilgailu edo makina bat non dagoen jakiteko informazioa bidali ahal izateko.  Horrez gain, eta esaterako merkataritza zentro baten barruan dauden pertsonak lokalizatzeko ere erabili ohi da.

 

Teknologia hauez gain, elementu desberdinak monitorizatzeko IoT gailuak ere erabiltzen ditugu, sentsorikoa, edo, trazabilitate hori egiteko eskorga jasogailu edo beste makinetako ordenadoreak kontrolatu genitzake. Egoera batzuetan, esaterako, bi fardel batera daudenean eta identifikatzeko zailtasunak daudenean, ikusmen artifizialeko erremintak erabiltzen ditugu bere trazabilitaterik galdu ez izateko.

 

Geolokalizazioarekin erlazionatutako informazio hau, trazabilitatean ere oso garrantzitsuak diren fabrikazio prozesuetan are bideratuagoak dauden beste datu mota batzuekin konbina daitezkeela uste dut, ez da hala?

Bai. Fardela kontrolatuta dagoenean, prozesuaren inguruko datuak eskura genitzake, ERP-tara konektatuta, SCADA sistemak eta bestelako kontrol sistemetara ere. Labe baten inguruko, bertan material batek eman duen denborari buruzko edo jasandako tenperaturaren inguruko eta abar baten inguruko datuak atzitu genitzake. Prentsan, zenbat kolpe eman dizkioten jakin dezakegu, une bakoitzean zenbat tenperaturara egon den edo prentsan zenbat denboraz egon den jakin dezakegu. Prozesu guztien datu guztiak ditugu.

 

Trazabilitate informazio hori geroz eta garrantzitsuagoa da enpresentzat, ezta?

Amaierako bezeroak geroz eta gehiago jakin nahi du eta geroz eta produktuaren trazabilitate maila sakonagoa exigitzen dute. Ibilgailu eta hegazkin fabrikatzaileek, euren auto edo hegazkinak fabrikatuko dituzten altzairuari zer gertatu zaion jakin gura dute. Orain dela bost urte, enpresa askok prozesu hauek monitorizatu beharraren garrantziaz ez ziren ohartzen, are gutxiago erabiltzen ziren teknologiak ulertzea, baina hauxe oraintxe aldatzen ari da. Egia esateko, altzairu fabrikatzaileen prozesu logistikoak oraindik ere oso zaharkituak dira, baina geroz eta gehiago dira modernizazioaren alde egiten dituzten enpresak.

 

Zeintzuk dira oraintxe bertan zuen bezero nagusiak?

Hiru ataletan banatuko nituzkeen: altzairu fabrikatzaileak, fardelak mugitzen dituzten baina transformatzen ez dituzten altzairu transformatzaileak, siderurgia fardelak bakarrik mugitzen dituzten logistika enpresak eta logistikara bakarrik aritzen direnak. Siderurgiarena oso sektore horizontala da eta Estatu zein munduko leku desberdinetan fabrikak dituzten oso taldeenak. Gure helburu nagusia, bataila lerro gisa europar merkatuan hazi eta merkatu horri ekitea da, gero Amerikara salto eginez. Egia esateko oraintxe lanez gainezka gaude eta epe laburrera begirako gure helburua langile kopurua 4tik 10era handitzea da, proiektuak garatzen jarraitu ahal izateko.

Lotutako albisteak

Evec,  industria-sektore  zorrotzenetarako  doitasun  handiko  artezketetan  aditua

Evec, industria-sektore zorrotzenetarako doitasun handiko artezketetan aditua

Bizkaiko enpresak teknologia aurreratua, erabat klimatizatutako tailerra eta sei hamarkadako esperientzia uztartzen ditu bere prozesuetan zehaztasun handiena bermatzeko.

Arituk  bere  software  libreko  tresna  hobetu  du  merkatu  berrietara  zabaltzeko

Arituk bere software libreko tresna hobetu du merkatu berrietara zabaltzeko

Gipuzkoako enpresak ingurumen-erregulazioak kudeatzeko tresna bat gehitu du EloraPLM plataforman.

Vamos  a  Cuidarnos,  erronka  demografiko  global  baterako  tokiko  konponbidea

Vamos a Cuidarnos, erronka demografiko global baterako tokiko konponbidea

Bizkaiko enpresak aplikazio bat diseinatu du eguneroko bizitza errazteko eta adinekoen lotura sozialak indartzeko, zahartze-testuinguru gero eta handiago batean.

Datu  konplexuak  erabaki  erabilgarri  bihurtu:  Ikerfelen  proposamena

Datu konplexuak erabaki erabilgarri bihurtu: Ikerfelen proposamena

40 urte daramatzan enpresa bizkaitarrak irtenbideak eskaintzen ditu era guztietako erakundeei, bezeroen gogobetetasuna, fideltasuna eta erabaki-hartzea indartu dezaten.

Adimen:  merkatuetako  ikerketa  eraldatzeko  inteligentzia  eta  teknologia

Adimen: merkatuetako ikerketa eraldatzeko inteligentzia eta teknologia

Adimen artifizialarekin, errealitate birtualarekin eta metodologia hibridoekin, Arabako enpresak bezeroen erabakitzeko gaitasuna indartzen du.

Hondakin-uren  araztegiak  modu  integralean  kudeatzeko  plataforma  digital  berria

Hondakin-uren araztegiak modu integralean kudeatzeko plataforma digital berria

Soluzioak Helinia du izena eta Gipuzkoako Cimico enpresak garatu du. Hiru zutabe nagusi ditu: kontrol automatiko aurreratua, monitorizazioa eta analitika aurreratua eta biki digital berritzailea.

Four9s:  “Gure  tresna  lehiakorrena  bihurtu  da  SQL  Server  datu-baseak  aztertzeko”

Four9s: “Gure tresna lehiakorrena bihurtu da SQL Server datu-baseak aztertzeko”

Enpresa bizkaitar honen soluzioa SQL Server-en datu-baseak behatzeko software bat da. Fernando Penacho negozio-garapeneko zuzendariaren arabera, "funtsezkoa da errendimendua, egonkortasuna eta segurtasuna bermatzeko".

Purple  Blob-ek  benetako  digitalizazioa  soluzio  teknologiko  egokituak  dituzten  enpresa  eta  erakundeetara  hurbiltzen  du

Purple Blob-ek benetako digitalizazioa soluzio teknologiko egokituak dituzten enpresa eta erakundeetara hurbiltzen du

Euskal konpainiak softwarea, IoT eta zibersegurtasuna industria, turismoa edo Administrazio publikoa bezalako sektoreei zerbitzu pertsonalizatuak eskaintzeko uztartzen ditu.

Mosaikus  by  Rombus:  zure  erakundearen  kudeaketa  integratua  digitalizatu,  sinplifikatu  eta  hobetzen  duen  plataforma
31/07/2025 Ekintzailetza

Mosaikus by Rombus: zure erakundearen kudeaketa integratua digitalizatu, sinplifikatu eta hobetzen duen plataforma

Giovanna Nocentino eta María Paz Silvak bikaintasunerako bidean lehiakorragoak eta jasangarriagoak izan nahi duten enpresei laguntzen diete, kalitatean, ingurumenean, segurtasunean, laneko osasunean eta araudia betetzean ikuspegi argi batekin.

Igarle  Taldeak  enpresen  digitalizazioa  bultzatzeko  soluzio  berriak  garatu  ditu

Igarle Taldeak enpresen digitalizazioa bultzatzeko soluzio berriak garatu ditu

Gipuzkoako enpresa 20 herrialde baino gehiagotan dihardu, eta kudeaketa-softwarea berritu du; batez ere, industriako, logistikako eta garraioko bezeroak ditu.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.