Robotopia.es: hezkuntza-sektorerako robotika eta programazio irisgarria
Robotopia.es -ek duela 10 urtetik STEAM hezkuntza-robotak inportatu eta banatzen ditu Espainiako, Portugalgo eta Europako beste herrialde batzuetako eskoletara eta prestakuntza-zentroetara. Eta hori uste osoz egiten du, hala azpimarratu du José Manuel Martínez Heras zuzendariak: “Robotikaren eta programazioaren irakaskuntzak funtsezko zeregina izango du etorkizuneko lan-eskaria gaitzeko. Horregatik, Europa apustu handia egiten ari da STEAM prestakuntzaren eta pentsamendu konputazionaleko gainerako trebetasunen alde”.
“Robotika esperimentatzeak ikasleei laguntzen die teknologia haien garapenaren lehen etapetan ulertzen eta betidanik irakasten diren ikasgaiekin batera erabiltzen”, Martinezen esanetan. Horregatik, Gasteizko konpainiak robotak eskaintzen ditu adin guztietarako, 4 urtetatik hasi eta 18 urteraino. Oro har, zuzendariak azaldu duenez, “4 eta 8 urte bitartean muntatzeko kit errazak gomendatzen dira, inolako pantaila digitalik erabili behar ez dutenak. Irudimena eta hainbat gaitasun (hala nola arrazionamendu logikoa eta sekuentziazioa) lantzeko, tapete batzuk erabiltzen dira, eta horien gainean jostailu bat jartzen da. Jostailu horri argibideak eman behar dizkiozu, ibilbide zehatzak egiteko botoiak sakatuz”.
9 urtetik aurrera, robotak konplexuagoak dira, elektronika, sentsoreak eta abar dituzte, eta software bisualarekin programatzeko aukerak eskaintzen dituzte, oinarrizko kontzeptuak ikasteko, hala nola baldintzak, begiztak eta funtzioak. Hori ordenagailuko edo mugikorreko pantailan aurrez programatutako blokeak arrastatuz egiten da. “Eskolek nahiago dituzte auto txiki adimendunak edo ‘smart acrs’ delakoak, zeinak argiak, soinuak, ultrasoinuen sentsorea eta segida-lerroak dituzten. Joko asko ematen dute eta prezio eskuragarria dute; beraz, pertsona bakoitzeko bat erabil dezakete eta dinamika dibertigarriak sor ditzakete ikasgelan, aldi berean hainbatekin”, azpimarratu du Martinezek.
Hezkuntza-robotikaren erronka handi bat haren erabilgarritasuna indartzea da. Batzuetan ez dago prestakuntza-materialik gailuak dituen aukera guztiak aprobetxatzeko; izan ere, Martinezek azaldu duenez, “irakasleak ahal duten moduan moldat,en dira baina gehienek faltan botatzen zuten dokumentazio teknikoa ez ezik, ariketen ideiak eta dinamikak ere, ikasleekin praktikara eramateko”. Horrela, bada, Gasteizko konpainia gabezia horiek betetzen saiatzen da, bere produktu batzuei eskuliburuak eta inprimatutako gidak gehituz eta ikastetxeekin eta irakasleekin lankidetzan arituz.
Micro:bit, teknologia ireki bat
Irisgarritasuna funtsezko balioa da Gasteizko enpresarentzat; horregatik, 2017tik micro:bit txartelarekin lan egiten du. “BBCk 2012an asmatutako txartel programagarria da. Erresuma Batuko eskoletarako alfabetatze informatikoko programa baten baitan sortu zen. Helburua programazioaren eta robotikaren ikaskuntza erraztea zen edozein erosahalmeneko haurrentzat, eta, beraz, mikroprozesadore bat sortu zuten funtzio askorekin eta ahalik eta preziorik merkeenean. Urte batzuk geroago, Amazon, Cisco, Samsung edo Microsoft bezalako enpresa garrantzitsuek bat egin zuten proiektuarekin”, Robotopia.es-eko zuzendariak azaldu duenez. Teknologia hori ezagutarazteko helburuarekin, 2017an konpainia gasteiztarrak Micro:es Espainiako micro: bit komunitatea sortu zuen, txartelari buruzko bi liburu kaleratzeaz gain.
20 € pasatxoren truke, txartel programagarri honek 25 LED ditu testuak, zenbakiak eta irudiak erakusteko; baita argi- eta tenperatura-sentsorea; erorketa librean dagoen txartela astindu, biratu edo askatzeko ekintzak detektatzeko azelerometroa; iparrorratza, zein norabidetan dagoen orientatuta jakiteko; irratia, gela barruan batzuen eta besteen artean mezuak bidaltzeko; bluetooth-a, ordenagailuekin, telefonoekin eta tabletekin komunikatzeko; baita mikrofonoa, bozgorailua eta ukipen-sentsorea ere. “Arrakasta izateko funtsezko arrazoi bat da, Open Source izatea da. Izan ere, horrek mundu osoko dozenaka enpresa independenteri mota guztietako osagarriak fabrikatzeko aukera ematen die, zabaltzeko eta aukera gehiago gehitzeko. Horrela, kotxetxo adimendun batetik hasi, eta etxe domotiko bat edo hodeiari lotutako negutegi bat (IoT) eraiki dezakegu, adibidez.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.