P3Rseus: ETEen ziber-aingeru guardakoa
Enpresa bizkaitarra merkatura heldu da zibersegurtasun-zerbitzuak eskaintzeko zibererasoei aurre egiteko gaitasunik ez duten enpresei
Iaz Euskadin 12.000 zibereraso inguru detektatu ziren eta kopuru hori nahikoa da erakusteko nolako arazoa izango dugun epe laburrean, bai sozialki, bai ekonomikoki eta bai enpresa arloan. Testuinguru horretan sortu da P3Rseus ETE bizkaitarra, zeinak zazpi profesional enplegatzen baititu eta negozio-nitxo propio bat aurkitu baitu ziber sektore globalean: segurtasun-hornitzaile bihurtu da baliabide ezagatik aholkularitza-prozesu bat edo zibersegurtasunerako defentsa-sistema bat ordaindu ezin duten ETE eta mikroETEentzat. Enpresaren fundatzaileetako batek, José Ramón Conchak, gorantz doan sektore honen giltzarriak azaldu dizkigu.
Kontuan izanik euskal enpresen ia %90 ETEak eta mikroETEak direla, badirudi etorkizuna izan dezakezuela jarduera esparru zehatz horretan…
Badago etorkizuna eta, hain zuzen, horixe da gure asmoa. Enpresek informazioa erabiltzen dute beren prozesu guztietan eta informazio hori dagoeneko ez dago bakarrik antolakunde barruan, baizik eta mundu osoan; hori dela eta, arriskua ere ez da lokala, baizik eta globala. Uste dugu segurtasun hutsune bat dagoela hor, batik bat enpresa txikienen artean.
Uste duzu enpresa txiki horiek ulertu dutela dagoeneko zibererasoen mehatxua erreala dela?
Oraindik guztiz ulertu ez badute ere, merkatuan egote hutsarekin ulertuko dute behar hori existitzen dela. Adibidez, gu mikroETE bat gara eta administrazio publikoarekin lan egin nahi badugu, segurtasun arloko ziurtagiriak eta bermeak izan behar ditugu. Ezin dugu Euskadiko herritarren informazioa edonola erabili. Horregatik, nahiz eta ez jakin zibersegurtasuna beharrezkoa dela eta zure enpresako informazioa arriskuan dagoela, badaude beste erregulatzaile, hornitzaile edo bezero batzuk zibersegurtasun hori eskatuko dizutenak. Eta bestela, ez dute zurekin lan egingo.
Nola laburbildu daiteke P3RSEUS enpresaren jarduera?
Zibersegurtasun sail oso bat eskaintzen diogu enpresari. Hala, gure bezeroek ez dute zertan kontratatu profesional espezializatu, prestatu eta gaiturik, eta ezta ere kontrol eta segurtasunerako tresna espezifikorik. Hornitzaile batengan, kasu honetan guregan, delegatzen dute hori guztia. Badauzkagu teknologia, langileak eta berrikuntza sail bat, uneoro arrisku egoerak identifikatzen dituztenak. Funtsean, murriztu egiten ditugu enpresarentzat oso handiak diren kostu horiek.
Aspaldi honetan badirudi zibersegurtasuna ia esparru industrial osoaz jabetzen ari dela. Ez zaizue iruditzen burbuila teknologiko batean sartuta zaudetela?
Baliteke, baina sektore berri guztietan gerta daiteke hori. Aukera bat dago eta ikusgarritasuna lortzen da; eta bai, gerta liteke pertsona edo enpresa batzuk pentsatzea sekulako pagotxa dela eta merezi duela bide horretan sartzea. Ez da hori gure kasua.
Zer da mikroETE bati gerta dakiokeen okerrena zibereraso bat jasaten duenean?
Industria sektorean okerrena izan liteke birus baten erruz produkzioa gelditu behar izatea egun batez, hiru egunez edo astebetez. Horrek eragin ditzakeen kostu ekonomiko eta logistikoak izugarriak dira, baina, gainera, baliteke enpresa horren bezeroa kaltetuta sentitzea, eta zibersegurtasunarekin sentsibilizatuta badago erantzukizunak eta kalte-ordainak eskatzea.
Kontuan izanik gaur egun konektagarritasuna ia globala dela, sare sozialak seguruak al dira enpresa batentzat?
Plataforma horiek bereziki ahulak dira gure ustez, eta ez bakarrik ikuspuntu teknologikotik, baita ere lege eta araudien ikuspegitik. Horregatik, horri buruzko aholkularitza da enpresei ematen diegun zerbitzu garrantzitsuenetako bat. Nolako aplikazioak erabiltzen dituzten, non dauden ostatatuta, nolako bermeak ematen dizkien hornitzaile batek edo besteak…
Zein da enpresa batek zibersegurtasun arloan izan dezakeen eszenatoki txarrena? Ez jakitea eraso bat jasaten ari dela?
Bai, zalantzarik gabe, eta askotan gertatzen da gainera. Antolakunde batzuek sumatzen dute sistema normalean baino motelago dabilela edo ez dela ongi funtzionatzen ari, eta inork ez daki zergatik. Azpiegiturak, teknologiak eta sistemak aldatzen dituzte, baina gaizki funtzionatzen jarraitzen dute. Hori gertatzen da eraso bat jasan dutelako eta erasotzaileek enpresa horren makinak edo sistemak erabiltzen dituztelako, adibidez, hirugarren batengan eragina izateko. Beraz, gure helburua da enpresara iristea, dena monitorizatzea mehatxu guztiak aztertzeko eta behar diren konponbideak ezartzea.
Lotutako albisteak
Biele Group, egurraren, metalaren, automobilgintzaren eta eraikuntzaren sektoreetarako fabrika osoak diseinatu eta muntatzen dituen enpresa
Azpeitian kokatuta dagoen konpainiak SPRI Taldearen zibersegurtasun-programako laguntza bat jaso du eta bost urte ere iraun dezaketen proiektu konplexuak egiten ditu.
Nexmachinak Gauzen Interneta industriara zabaltzen du
Enpresak IoT soluzio jasangarriagoak eta eskuragarriagoak eskaintzen ditu mota guztietako enpresa eta erakundeentzat
Lantekek, software industrialean munduko liderrak, 36.000 bezero baino gehiago ditu dagoeneko
Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du
Lowerton, adimen artifizialarekin enpresak berritzea eskaintzen duen startupa
Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko
Duplostock industria-irtenbide pertsonalizatuen diseinatzaile eta fabrikatzaile bihurtu da
Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.