Peddinghausek produzitzeko denborak lau aldiz gutxitzeko gaitasuna duen eta erabat digitalizatuta dagoen makina-erreminta eskaintzen du
Peddinghaus enpresa multinazional bat da eta altzairu estrukturalezko makina-erremintak egiten ditu. Bere lau lantegietako bat Legution (Araba) dago. Euskadiko lantegiak makina berritzaile bat diseinatu du. Izan ere, erabat digitalizatuta dago eta horrek lau aldiz gutxitzen ditu produkzio-denborak. Gainera, bezeroak bizkor amortizatzea ahalbidetzen du.
Enpresa nagusia Alemanian dago eta laugarren familia-belaunaldia ari da lanean. Arabako fabrika, aldiz, 1973an sortu zuten Karl Ulrich Peddinghausek Legutio udalerrian lursaila erosi zuenean. Hantxe bertan dago gaur egun lantegia. Bertan, “era guztietako altzairua, profilak eta txapak prozesatzeko erabiltzen diren” zizailak eta puntzonatzeko makina unibertsalak produzitzeko fabrika sortu zuen. “Guztia altzairu estrukturalaren sektorera oso bideratuta”, azaldu du Mikel Sánchezek, Peddinghauseko zuzendari nagusiak.
Negozioa bizkor hazi zen eta, 80ko hamarkadan, 50 langile zituen. 2000ko hamarkadan, Legutioko lantegian bulego teknikoa sortu eta garapen-lan guztiak han egiten hasi ziren. “Gurea da know-howa. Makinak baino aplikazio gehiago saltzen ditugu. Oso pertsonalizatuta dauden aplikazioak ditugu eta makina saltzeko soluzioak diseinatzen ditugu”.
Enpresak beste fabrika bat du Alemanian, eta bi gehiago Estatu Batuetan. Sendotasun handiagoko altzairua produzitzen du, sortzaileek zuten filosofiari jarraituz: “egiten ditugun produktuek asko irauten dute. Erosten duenak, errepikatu egiten du”.
Peddinghausek makinak saltzen ditu, baina sarbide pertsonalizatuekin. “Bezeroak zer egin nahi duen esaten digu eta guk, gero, soluzio pertsonalizatua ematen diogu”. Legutioko lantegia neurri txikiagoko makinatan zentratu da. Enpresak eskarien kopuru handia merkaturatu du eguzki-parkeetarako (“panelak kokatzen diren pletinetarako”) Saudi Arabia eta Jordaniarako, besteak beste. Era askotako sektoreentzat egiten du lan.
Bere azken berrikuntza erabat digitalizatuta dagoen Peddinsert makina izan da. Haren diseinua eta garapena Legution egin dute. “Produkzioa eta gorabeherak ikusi, eta mantentze-lanetako zerbitzuari abisua eman diezaiokezu. Guztia pantailan parametriza daiteke eta produktibitateari dagokionez hobekuntza handia lortzeko aukera ematen du”. Orain bost urte garatu zuten produktua eta, Espainian ez ezik, Italian, Frantzian edo Portugalen ere eros daiteke (besteak beste).
Euroblech azoka
Arabako fabrikako arduradunak txapa-eraldaketari buruzko Europako azoka handienera, Euroblech-era, joango dira hilabete honetan. Horixe izango da Peddinsert makina jendaurrean ikusgai jarriko dute lehen aldia. “Bernoak, torlojuak eta azkoinak sartzeko garaian, abantaila handia eskaintzen du. Eta oso modu eraginkorrean egiten du; programatu egiten da eta produktibitate handia lortzea ahalbidetzen du”.
Enpresak era horretako lauzpabost produktu saltzen ditu hilero eta stockak prest ditu; “izan ere, aste batetik bestera egiten dizkigute eskariak. Peddinserti esker, produkzio-denbora lau aldiz gutxitzen da eta bezeroek inbertsioa lan bakarrean amortizatzen dute”. Alemaniako enpresaren helburua da makina hori Hannoverren, Euroblech azokan, saltzea.
21 langile gara guztira eta urteko fakturazioa 2,8 milioi euro ingurukoa da. Produkzioaren % 80 esportatzen du, batez ere AEBra, Mexikora, Alemaniara eta Ekialde Ertainera. Soluzio pertsonalizatuak eskaintzen dituztenez, I+G arloa funtsezkoa da eta bulego teknikoan horretan buru-belarri lanean ari diren bi pertsona daude.
Enpresaren erronka nagusia haztea izango da eta, horregatik egin du berrikuntzaren eta Peddinserten moduko produktu berrien aldeko apustua. “Gainera, makina handietarako banatzaileen bila ari gara, baina guztia oso pertsonalizatua izango da, bezeroaren neurrira prestatutako soluzioekin”.
SPRI Taldeak bere kanaletan euskal enpresei beren jardueraren berri emateko aukera eskaintzen die Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du