Oreka Interactive Factory: “2022an, egungo fakturazioa hirukoiztu egingo dugu, estatuko eta nazioarteko proiektuetan XR teknologiak erabiltzeari esker”
XR teknologiak, Errealitate Hedatua izenaz ere ezagutzen direnak, non Errealitate Birtuala (RV), Errealitate Gehitua (RA) eta Errealitate Mistoa (RM) biltzen diren, hazkunde esponentziala izan dute azken urteotan. MarketsandMarketsek argitaratu berri duen txosten batek erakusten duenez, 2020an RAren eta RVren merkatu globalak 21.400 milioi dolarreko balioa sortu zuen, eta 2025erako 97.900 milioira iristea espero du. Izan ere, teknologia horiek txertatzeak aukera-leiho bat irekitzen die hainbat sektoretako marka eta enpresei, hezkuntzatik hasi eta marketinera edo publizitatera arte.
Oreka Interactive Factoryk dagoeneko 17 urte daramatza sektore honetan lanean, eta soluzio interaktiboak eskaintzen dizkie hainbat sektoretako enpresa eta proiektuei, gehienak produktuaren salmentara, erabilera-esperientziara eta posizionamendura bideratuak. “Duela gutxira arte produktu bat eraginkortasun osoz erakusteko eta haren indarrak zehatz-mehatz azaldu ahal izateko modu bakarra eredu fisikoa zen. XR teknologien bidez, produktuak eta zerbitzuak muga fisikorik gabeko ingurune birtual batean probatzeko aukera zabaltzen da, salmenta-esperientzia, komunikazioa eta training prozesuak hobetuz”, azaldu du Iban Lozanok, Donostiako start-up-eko zuzendari nagusiak.
Gaur egun tokiko, nazioko eta nazioarteko proiektuak gauzatzen dituzten arren, Lozanok onartzen du duela urte batzuk “nolabaiteko eszeptizismoa” sentitzen zutela, “batez ere maila nazionalean; eszeptizismo hori ezjakintasunak sortzen zuela uste dugu, eta ez teknologiaren balioak edo heldutasunak berak”. Hala ere, enpresa gaztearen testuingurua eta errealitatea aldatu egin dira azken urteotan. “2021ean – pandemia barne – gure negozioaren % 85 XR teknologien inguruan garatu zen, eta, gure aurreikuspenetan oinarrituta, 2022an egungo fakturazio-bolumena hirukoiztu egingo dugu, zerbitzu horiei esker, proiektu nazionalen eta nazioartekoen bidez”, zuzendari nagusiaren esanetan.
Azken urteko proiekturik aipagarrienetako bat Euskadin gauzatu dute, eta munduko zirkuitu integratuen fabrikatzaile handiena den Intelek hautatu du Europan 2021ean izan den funtsezko XR garapen-proiektu gisa. “Egin ditugun azken proiektuetatik gehien baloratzen dugunetako bat da”, aitortu du Lozanok. “TREBEK-i du izena eta COVID pazienteak tratatzeko berariazko prestakuntza-tresna da, BioArabarekin eta Osakidetzarekin batera garatu duguna. Eskuz esku lan egin behar izan dugu ikertzaile medikoekin eta doktore espezializatuekin, eta emaitzak oso positiboak izan dira. Parte hartzen duten alderdi guztien ustez, etorkizunean eskala handiko ospitale birtual baten hazia izango da”, azaldu du. Gainera, gaineratu du “euskal enpresa-sarea prest dagoela horrelako teknologiak txertatzeko, zalantzarik gabe. Euskadiko enpresak beti izan dira jardunbide egokien, iraunkortasunaren eta etengabeko hobekuntzaren adibide. Gainera, teknologiak eta tresnak eredu profesional tradizional batetik migratzen ari dira, erabiltzailearentzako eredu user-friendly edo lagunkoi batera, non soluzio teknologikoez gozatu ahal izateko ez den aurretiazko ezagutza informatiko edo teknologikorik behar, nahikoa da ekintzan eta informazioan zentratzea, eta ez horren kontinentean”.
Bere beste proiektu nabarmenetako bat Arabiar Emirerrietan kokatzen da. Bertan Ethisalatekin lan egiten dute, herrialdeko telekomunikazio operadore nagusiarekin. “Bi urte daramatzagu jada Dubaiko GITEX azokan duen standaren hornitzaile teknologiko nagusia izaten, eta erronka oso handia da beti. Nazioarteko gure lehen proiektuetako bat izan zen, eta oso lotuta gaude harekin”, dio Iban Lozanok. Gainera, nazioarteko merkatuetara eta marka handietara sartzeko “lankidetza funtsezkoa dela dio, batez ere gure dimentsioak eta ezaugarriak dituen enpresa batentzat, hau da, gazteek sustatutako start-up teknologiko batentzat”.
Oreka Interactive Factory Kool Retail Hub, Key Lab eta Kendu taldeek osatzen duten Kendu Group taldeko kidea da. “Funtsezkoa da herrialde bakoitzean eta konpainia handi bakoitzean giltzarri diren eragileak ezagutzea, nola funtzionatzen duten eta zein tekla jo behar diren. Eta, batez ere, aukera ematen dizutenean bikainak izatea. Zalantzarik gabe, Kendu Groupen laguntzarik gabe, panorama bestelakoa zatekeen”, ondorioztatu du.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du. Aurkitu hemen eskuragarri dauden laguntza guztiak.
Lotutako albisteak
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.