Neureus eta Elytt, partikula azeleragailuentzako puntako teknologia duten bi euskal enpresa
Neureus eta Elytt enpresek partikula azeleragailuentzako iturriak eta elektroimanak diseinatzen eta fabrikatzen dituzte. Elektroimanei dagokienez, Elyyt-ek kalkuluak egiten ditu, eta Neureus fabrikazioaz eta ingeniaritzaz arduratzen da. Iturrietan, Neureus-ek egiten ditu diseinua eta fabrikazioa. Konpainia horrek SPRI Taldearen laguntza jaso du BDIH Konexio programaren bitartez, zeinarekin Basque Digital Innovation Hub-ek ETEen eskura jartzen baitu fabrikazio aurreratuko aktibo eta zerbitzuen sare konektatu bat prestakuntzarako, ikerketarako, testak egiteko eta baliozkotze prozesuetarako.
“Elektroiman konbentzionalak eta super-eroaleak egiten ditugu”, dio Aitor Echeandia bazkide fundatzaile eta kudeatzaileak, “baina super-eroaleek dute balio erantsi handiena, kobreak baino 100 aldiz eroapen gaitasun handiagoa baitute. Goi-mailako teknologiako produktuak dira, -270 gradu zentigradutara hoztea eskatzen dutenak, eta balio erantsi handia dute produkzio prozesuan erabiltzen diren teknologiei esker.
“CERN da gure bezeroetako bat, eta orobat parte hartzen dugu ITER fusio-erreaktorearen proiektuan, non 23-25 metroko diametroko bobina super-eroaleen fabrikazioan laguntzen baitugu”, gaineratu du.
Proiektu guztiak 2002an hasi ziren, lau bazkidek Elytt enpresa sortu zutenean ingeniaritza-zerbitzuak emateko. 2005ean Neureus sortu zen, “iruditu zitzaigulako lan amaitua eskaintzeak balio handia zuela”.
Echeandiak dio enpresa astiro hazi dela, “zeren sektore honetako maila teknologikoa hain da altua, non beharrezkoa baita erreferentzia teknologikoak izatea (I+G arloko lan handia inplikatzen duten kontratuak), ongi posizionatzea eta sektorean izen bat egitea”.
Hazitek programa
Zehaztasun handiko potentzia-iturri elektronikoak dira enpresaren beste negozio-ildo bat. “Ikusi genuen bazegoela beste merkatu-nitxo bat filosofia berdinarekin: prozesu osoa barne hartzen du, hasi diseinutik eta fabrikazioraino”. Proiektu horrek SPRI Taldearen Hazitek programako dirulaguntzak jaso ditu. “Bestalde, Basque Trade-ren (SPRI Taldean integratutako Nazioartekotzeko Euskal Agentzia) zerbitzuak erabiltzen ari gara banatzaile komertzialak bilatzeko Txinan eta beste hainbat herrialdetan, esaterako Estatu Batuetan, Alemanian edo Frantzian”.
Echeandiak dio enpresak ongi errotuta daudela elektroimanen merkatuan. “Iturri elektronikoen arloan oraintxe ari gara abiatzen”. Kontratuak dituzte Alemanian, Estatu Batuetan eta Erresuma Batuan. “Japonian hobeto finkatzea falta zaigu”.
Gaur egun 60 bat lagun dituzte plantillan (15 Elytt-en eta 45 Neureus-en), eta urteko fakturazioa 8-9 milioi eurokoa da. I+G-n asko inbertitzen dute, fakturazioaren %5-8. “Teknologia etengabe eboluzionatzen ari da sektore honetan, eta ahalegin handia egin behar da egunean egoteko”.
BDIH Konexio programaren bitartez jaso duten 20.000 euroko laguntza imanaren zati bat –uztarri magnetikoak direlakoak– fabrikatzeko proiektura bideratuko da. “Lanean aritu gara Tekniker-ekin piezak fabrikazio gehigarri bidez egiteko eta kostuen lehiakortasuna aztertzeko. Ebaluazio fasean gaude orain. Hasierako laginak edo prototipoak egin ditugu ikusteko ea betetzen dituzten zehaztapen guztiak. Tecnaliak probeta batzuk fabrikatu dizkigu, eta UPV/EHUk (Euskal Herriko Unibertsitateak) probatu ditu. Emaitzak positiboak izan direnez, eredu honen ebaluazio ekonomikoa egiten ari gara fabrikazio tradizionalarekin duen aldea ikusteko”.
Aitor Echeandiak dio produktu errekurrente bat garatzea dela bere enpresen oinarrizko erronka bat. “Oso merkatu estazionala da: eskaera egongo bada ezinbestekoa da azeleragailu berriak sortzea edo lehendik daudenak berritzea. Proiektuak agertu eta desagertu egiten dira, eta iraupen luzekoak izaten dira. Horrek gorabeherak sortzen ditu fakturazioetan”. Horregatik, industrian gehiago zabaltzea bilatzen dute. “Gaur egun, medikuntza sektorerako ekipoen proiektu bat dugu eskuartean. Horrela egonkortasuna eta dibertsifikazioa lortzen dugu”.
Etorkizunari begira, epe laburrean %10-%20ko hazkundea espero dute, bai negozioan eta bai enpleguan, eta “bost urterako aurreikuspenek diote %40ko hazkundea izango dugula”.
Echeandiak dio Eusko Jaurlaritzaren laguntza “funtsezkoa” dela I+G+B-ko garapenentzat. “Bolumenagatik eta erraztasunagatik, lan asko egiten dugu Eusko Jaurlaritzarekin. Orain lankidetza proiektu batean sartuta gaude beste enpresa batzuekin Hazitek programaren barruan”.
Lotutako albisteak
Digitalizazioa eta pentsamendu kritikoa: honela bizi izan da CodeOKen 1. edizioa Euskadiko ikasgeletan
280 ikastetxetako, 12 eta 16 urte arteko ia 5.000 ikasle eta 600.000 jarduera baino gehiago bildu ditu CodeOK 2024-2025en lehen edizioak. Hezkuntza Sailak eta GAIA Klusterrak bultzatutako ekimenak digitalizazioa eta pentsamendu konputazionala Euskadiko ikasgeletara eraman ditu, erronketan, gamifikazioan eta benetako problemak ebazten oinarritutako metodologia berritzailearekin.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.