Makinen mantenimendua eta zerbitizazio konponbideak D&A Innovative Systems enpresaren eskutik
Bilboko konpainia horrek konponbide integralak eskaintzen ditu makinen datuak atzemateko
Enpresa industrialei gero eta gehiago interesatzen zaizkie beren prozesu eta produktuen datuak atzemateko konponbide integralak, hau da, beren baitan hartzen dituztenak sentsoreak, IoT konektagarritasuna, cloud biltegiratzea, adimen artifizialaren bidezko datuen tratamendua eta bistaratze-interfaze grafikoak. Horixe da 2015ean sortutako D&A Innovative Systems enpresa bizkaitarraren negozio-nitxoa, zeinak asmoa baitu fakturazioa eta plantilla bikoizteko epe laburrean. Zerbitizazioaz eta makinek ematen dituzten datuez mintzatu gara Alberto Blázquezekin, D&A Innovative Systems enpresako Product Managerrarekin.
Zer egiten duzue D&A Innovative Systems enpresan?
Tresnak helarazten dizkiegu gure bezeroei lehen urratsak eman ditzaten 4.0 Industrian. Beren makinak digitalizatzeko sentsoreak ematen dizkiegu, horrela posible dutelarik matxurak aurreikustea, produkzioa optimizatzea edo zerbitzuak eskaintzea beren bezeroei makinen funtzionamenduaren jarraipena eginaz, hau da, makinak zerbitizatuz.
Baduzu horrelako konponbideen adibideren bat?
Manufakturako edo siderometalurgiaren sektoreko enpresekin lan egiten dugu eta aukera eskaintzen diegu mota desberdinetako makinen informazioa biltzeko, posible delako makina horiek zaharrak edo berriegiak izateagatik sistema konplexua edukitzea egiten dutenari buruzko informazioa jasotzeko. Hala, makina horien datuak hizkera ulergarri batean jartzen ditugu produkzioa kontrolatzeko eta arazoak non egon daitezkeen identifikatzeko edo elikadura eta presioa egokiak diren jakiteko. Horrelako informazioari esker mantenimendu prediktibo eta proaktiboa egin daiteke, biak ala biak funtsezkoak makinek martxan jarrai dezaten galerarik eragin gabe.
Horrez gain, bestelako konponbideak ere garatzen ditugu makinak edo makinetan erabiltzen diren tresnak fabrikatzen dituzten bezeroentzat. Besteak beste, sentsoreak eskaintzen dizkiegu, datuak atzeman eta erraz jakin dezaten zer egiten duten beren produktuek.
Nolako teknologiak inplementatzen dituzue zuen garapenetan?
Hasieran, gure plataformetarako IoT konponbideak eskaintzen genituen, adibidez, sentsoreak. Denborak aurrera egin ahala, bezeroek gero eta gehiagotan esaten ziguten ez zutela bi edo hiru enpresarekin lan egin nahi proiektu beraren barruan, baizik eta konponbide integral bat nahi zutela, eta horregatik hasi ginen zerbitzu osoa eskaintzen. Informazioa biltzen duten sentsoreak garatzen ditugu, lainoko zerbitzuekiko komunikazioan sortzen diren arazoak konpontzen ditugu, algoritmoak inplementatzen ditugu arazoei aurrea hartzeko eta interfaze grafikoak sortzen ditugu bezeroak zuzenean ikus dezan jasotzen eta aztertzen dugun informazioa.
Pentsatzen dut garapen horiekin batera aholkularitza-lanak ere egiten dituzuela, ezta?
Jakina. Adibidez, metal galdaketako enpresa batekin ari gara lanean, jakin nahi baitu nola aurreztu dezakeen labeen energia kontsumoan. Aztertu dugu zein den sentsore egokiena labe bakoitzarentzat, zein diren datu garrantzitsuenak eta nola konbinatu daitezkeen datu guztiak bezeroari energia kontsumoan aurrezten lagunduko dioten konponbide aproposenak eskaintzeko.
Zuen zerbitzuen oinarrietako bat da zerbitizazioa, hau da, bezeroaren produktuek sortzen dituzten datuetan oinarritutako negozio-eredu berriak aurkitzea. Erraza al da zerbitizazio ereduak aurkitzea?
Nahiko erraza da zerbitizazioaren giltzarriak aurkitzea. Zaila dena da bezeroari modu errazean entregatzea, bere enpresaren negozio-eredua aldaraziko duelako. Horrez gain, lehia handia dago zerbitizazio paradigmaren inguruan: multinazionalak, ingeniaritzak, enpresa txikiak, teknologi zentroak, e.a.
Pentsatzen dut jaso eta tratatzen dituzuen datuen konfidentzialtasuna ere erronka handia izango dela zuentzat.
Hainbat konfidentzialtasun-akordio dauzkagu sinatuta, ikasi dugulako datuak oso baliotsuak direla eta badagoela halako mesfidantza bat, ez baitugu nahi izaten edonork gure datuak ikustea. Gure hasierako negozioaren kontzeptua ere aldatu egin du horrek. Uste genuen datuen analisi zerbitzuak eskainiko genizkiela enpresei, baina, azkenean, gure bezeroen partner teknologiko bihurtu behar izan dugu datuen analisi zerbitzu hori eskaintzeko. Beldurra ematen digu datua enpresatik ateratzeak eta beldur hori ez da gaindituko datuen kanporatzea ohikoago bihurtu arte.
Zeintzuk dira zuen etorkizuneko erronkak?
Funtsean, gure negozio-plana bete nahi dugu, nahiko anbiziotsua dena plantilla handitzeari dagokionez. Bestalde, Estatu mailan dugun lan-eremua zabaldu nahi genuke, erabiltzen ditugun teknologien abantailak gure bezeroei helarazteko. Gaur egun Euskadin, Nafarroan, Errioxan eta Kantabrian egiten dugu lan. Badago gure alde dugun gauza bat, zeren Euskadin industria-sare handia dugu eta, gainera, bezero asko ditugu. Horri esker, hasierako urteetan lehentasuna eman diogu gure inguruneari.
ç
Halere, urte eta erdian 12 langile izatera iritsi nahi dugu, hau da, plantilla bikoiztera. IoT, komunikazio sistema edo Big Data arloetako profil profesionalak behar ditugu, baina ez da erraza, enpresa guztiak dabiltzalako profil horien bila. Langile kualifikatu eza da nahi beste proiektu gauzatu ezin izatearen arrazoi nagusia.
Lotutako albisteak
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.