Euskal enpresaren blog-a Zure enpresarentzat garrantzitsua den eguneroko informazioa

18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

induistria digitala

 

 

Telelana ezartzeko proiektuak eta 4.0 industriako teknologia bideratzaileekin zerikusia dutenak nabarmendu dira SPRIren programa honetako onuradunen artean

 

 

SPRIren Industria Digitala programaren helburua da manufaktura-industriako euskal ETEen eraldaketa digitala ahalbidetzea, eta helburu horrekin, 279 proiektu lagundu ditu 2020ko edizioan. 2,36 milioi euroko aurrekontua duelarik, euskal enpresen 7,1 milioi euroko ekimenak gauzatzen lagundu du. Industria Digitala programara aurkeztutako proiektu gehienek helburutzat dute: telelana ezartzea, kudeaketa aurreratuko sistemak txertatzea ETEetan eta 4.0 industriako teknologia bideratzaileetan oinarritutako ekimenak garatzea, gero eta gehiago direlarik azken horretara bideratuta dauden proiektuak.

 

SPRIk batez beste 8.000 euroko laguntzak eman ditu onartutako proiektu bakoitzeko, enpresek zenbateko horrekin ordain ditzaten hardwarea edota softwarea erosteko gastuak, eta baita ere kanpo-aholkularitzako edo kanpo-ingeniaritzako gastuak. Guztira 465 proiektu jaso eta aztertu dira, eta horietatik 279 onartu dira; 26.680 langile enplegatzen dituzten enpresek aurkeztu dituzte proiektu horiek.

 

Onartutako proiektuetatik % 39 kudeaketa aurreratuko sistemekin lotutako ekimenak dira, batik bat ERPekin. Proiektuen % 32 telelana ezartzeko ekimenak dira, SPRIk programa egokitu baitzuen Covid-ak eragindako eszenatokiaren erdian, enpresak sendotzeko eta laguntzeko, eta jarduera mantentzera bideratutako telelaneranzko trantsizioa errazteko. Gainerako proiektuek zerikusia dute 4.0 industriako aplikazioen garapenarekin, hala nola, automatizazioa, Big Data, adimen artifiziala, ikusmen artifiziala, machine learning, errealitate birtuala edota errealitate areagotua.

 

Industria Digitala SPRIk Euskadiko Agenda Digitalaren esparruan kudeatzen duen neurrietako bat da, eta helburutzat du euskal enpresei digitalizatzen laguntzea, lehiakor izan daitezen eta puntako enpresa bihurtu daitezen 4.0 Europan. Programa honen helburua da Elektronika, Informazio eta Komunikazio Teknologiak (EIKTak) txertatzen laguntzea industria arloko enpresetan eta produktu-prozesu industrialarekin lotutako zerbitzu teknikoetako eta diseinu eta logistikako enpresetan, xedetzat hartuz euren lehiakortasuna hobetzea.

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Enpresa digitala 9 urtarrila, 2020
Emakumeen presentzia handiagoa SPRIren Barnetegi Teknologikoa programan

  Programa horren bidez SPRI Taldeak ezagutzera ematen ditu zein joera zabaltzen ari diren...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?