INARTRANS 4.0 proiektuak Adimen Artifiziala garraio instalazioen eraikuntzan integratzeko lan egiten du
Adimen artifizialaren aplikazioa gero eta ohikoagoa da mota guztietako prozesu industrialetan, eraginkortasuna hobetzeko. Teknologia hori garraioaren sektorean ezartzeko asmoz, INARTRANS 4.0 proiektua jarri da abian.
Ekimen hori CDTIren eta Espainiako Ikerketa Agentziaren TransMisiones programaren finantzazioa du, eta partzuergo batean biltzen ditu Tekniker zentro teknologikoa eta estatuko beste enpresa eta erakunde batzuk, hala nola Acciona Construcción, Grupo Azvi, edo Alcaláko Unibertsitatea eta Madrilgo Unibertsitate Politeknikoa. Aurreikuspenen arabera, 2026ko abenduan amaituko da.
Proiektuaren helburu nagusia da garraio-azpiegituren eraikuntzaren sektorearen digitalizazioa bizkortzea, haren lehiakortasuna handitzeko, sektorearen balio-kate osoan IA konponbideak erabilita. Eraikuntzaren esparruan, eraginkortasuna, segurtasuna, produktibitatea eta kalitatea hobetu nahi dira prozesuaren etapa guztietan, plangintzan eta proiektuaren gauzatzean.
Beste arlo batzuetan, hala nola azpiegituraren kudeaketan eta mantentze-lanetan, INARTRANS 4.0ren asmoa da eraginkortasuna eta segurtasuna handitzeaz gain, jasangarritasuna ere handitzea. Era berean, hainbat iturritako datu-bolumen handiak aztertzeko eta kudeatzeko sistema integral bat garatuko da, operazio bateratua errazteko eta automatizazio eraginkorragoa lortzeko.
Proiektuaren barruan, Tekniker Basque Research and Technology Alliance (BRTA) aliantzako kidearen zeregina eraikitze-baimenen eta betetze-kontrolen kudeaketan elkarreragingarritasuna bermatuko duen tresna bat garatzea da. “Konponbide horri esker, eraikuntza-prozesuan parte hartzen duten eragile guztiek, agintariek nahiz enpresek, informazio bera modu koherente eta eraginkorrean eskuratu ahal izango dute”, azaldu du Francisco Javier Díez Teknikerreko ikertzaileak.
Zentro teknologikoak azpiegituren eraikuntza- eta mantentze-fase guztiei buruzko informazio kritikoarekin lan egingo du. “Mantentze-lanak optimizatzeko aukera emango duten adimen artifizialeko ereduak ezarriko ditugu, azpiegituraren aurrerapena eta egoera etengabe monitorizatzeari esker, eta mantentze-premiei modu eraginkorrean erantzungo diegu”, adierazi du Teknikerreko ikertzaileak.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du