Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 9 maiatza, 2018 Digitalizazioa I+G Enpresa digitala Industria adimenduna Smart Industry Programa

IEB 2018, burujabetza teknologikorantz aurrera egiteko erronkak

Kongresuak bere XI. edizioa ospatuko du Donostian

 

Kongresuak bere XI. edizioa ospatuko du Donostian

Datorren maiatzaren 17an egingo da IEB kongresua (Informatikari Euskaldunen Bilkura – Encuentro de Informáticos Vascos), Burujabetza Teknologikoa izenburupean. Jardunaldi horrek ibilbide luzea du egina, eta helburu nagusitzat du elkarrekin biltzea informatikaren arloan diharduten esparru desberdinetako profesionalak (enpresa, hezkuntza komunitatea eta administrazio publikoa), ezagutzak partekatzeko.

 

Aurtengo edizioan kongresuaren ardatz izango dira burujabetza teknologikorantz aurrera egiteko erronkak, bai azpiegiturei dagozkienak eta bai hezkuntza edota hiritarren parte-hartze arloetakoak. Horretarako, IEBek hitzaldi tematikoz betetako egitarau bat prestatu du eta komunikaziorako gune bat ere bai, burujabetza teknologikoari lotutako euskal proiektuak aurkezteko.

 

Kongresuan askotariko gaiei buruzko hitzaldiak eskainiko dira: azpiegitura teknologikoak eta burujabetza komunikatiboa, teknologia hezkuntzan, segurtasuna eta pribatutasuna edota hiritarren jabekuntzara bideratutako softwarea. Bestalde, komunikaziorako saioek bi gai nagusi izango dituzte: hezkuntza eta burujabetza teknologikoa. Lehen multzoaren barruan aurkeztuko dira, besteak beste, Jakinbai.eus proiektua –euskaraz sortutako ikasmaterialak partekatzeko plataforma kolaboratiboa-, eta UPV/EHUk Donostian duen Informatika Fakultateak ludomatikari buruz eginiko lana. Burujabetza teknologikoaren gunean beste hainbat aurkezpen egingo dira, hala nola: LoRaWAN – Udal IoT sareak, Tabakalerako Hirikilabs laborategi hiritarra eta Euskal Telebista Internetera konektatutako telebistaren aroan.

 

IEB 2018 topaketa Gipuzkoako Zientzia eta Teknologia Parkeko Eraikin Zentralean egingo da, eta eduki guztiak euskaraz eskainiko dira. Sarrera dohainik da, baina izena eman behar da aldez aurretik. Udako Euskal Unibertsitateak eta SPRI Taldeak (Miramon Enpresa Digitalaren bitartez) antolatu dute jardunaldia.

Lotutako albisteak

27 Marzo, 2024 Digitalizazioa
BAICek Euskadiko Adimen Artifizial Aplikatuaren lehen kongresua antolatu du maiatzean
Irakurri gehiago
26 Marzo, 2024 Digitalizazioa
Sitab, digitalizazioarekin arrakasta lortu duen barne-espazioen fabrika
Irakurri gehiago
25 Marzo, 2024 Digitalizazioa
Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza
Irakurri gehiago
25 Marzo, 2024 Digitalizazioa
4GUNEk eta BRTAk bat egin dute Euskadiko enpresetan eraldaketa digitala sustatzeko prestakuntza-programa eskaintzeko
Irakurri gehiago
21 Marzo, 2024 Digitalizazioa
Adimen artifizialak errazten duen berrikuntza autonomoa, Innobasqueren 2024ko prospektiba txostenaren ardatz
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak