Eusko Jaurlaritzak 4.0 Industriarako laguntza-programa berria zabalduko du aste honetan
Industria-iraultza berria deritzoneko proiektuetarako makineria eta ekipamendu aurreratuaren erosketa sustatzea da lau milioiko aurrekontua duen ekimen honen helburua
Eusko Jaurlaritzak, SPRI enpresen garapenerako agentziaren bitartez, Renove 4.0 Industria programa berria zabalduko du azaroaren 5an, industria-iraultza berria deritzoneko proiektuetarako makineria eta ekipamendu aurreratuaren erosketa sustatzeko. Ekimenak 4 milioi euroko aurrekontua du eta dirulaguntzen gehienezko zenbatekoa 100.000 eurokoa izango da enpresa bakoitzeko.
Laguntzak beren-beregi zuzenduko zaizkie industria inguruneetan eraldaketa digitala errazteko erabiltzen diren digitalizazio-maila handiko gailuei, baldin eta ekoizpen-prozesuen ikuspegitik ingurune horiek erabat konektatuta, seguru, automatizatuta eta optimizatuta badaude, betiere baliabideen nahiz energiaren kontsumoari dagokion erabateko eraginkortasunari eutsiz eta ingurumenari zor zaion iraunkortasun-maila altua segurtatuz.
Gainera, gailu horiek 4.0 Industriako proiektuetan berrikuntza handiko teknologiak txertatzeko aukera erraztu behar dute; hala nola, analitika aurreratua, IIoT deritzona edo fabrikazio aditiboa, besteak beste. Laburbilduz, gailu horiek edo gailu-multzo horiek talde hauetakoak izan behar dute: sentsorika, robotika, errealitate aregotuko betaurrekoak, sareko nahiz komunikazioko HW/SW ekipamendua, edo bestelakoak.
Horrela, dirulaguntza jaso ahal izateko, proiektuek teknika jakin batzuk erabili beharko dituzte: fabrikazio aurreratua, Big Data eta analitika aurreratuko teknikak barne hartuta; fabrikazio aditiboa; robotika aurreratu eta kolaboratiboa, langileekin denbora errealean lankidetzan jardun dezaketen robot konektatuak tarteko; IIoT Proiektuak (Industrial Internet of Things), lantegiaren barruko gailuek eta makinek Interneterako konektibitatea dutela sentsoreen bidez egiaztatu eta bermatzeko, edota industria inguruneetara zuzendutako Adimen Artifiziala, lantegiko makinek eta ekipamenduek ikasteko eta zeinek bere kasa erabakiak hartzeko gaitasuna izan dezaten.
Gainera, laguntza emango zaie, lantegian ondoko hauek txertatu eta enpresaren balio-kateko objektu adimendunak bihurtzen dituzten sistema ziber-fisikoen proiektuei: konputazio eta konektibitate-gaitasun aurreratuak dituzten osagaiak, objektu fisikoak edo makinak; mundu simulatuetan nahiz giro birtualetan egiazko egoerak errekreatzea ahalbidetzen duen Errealitate Birtuala; gailu teknologiko batean egiazko mundua gailu horrek gehitutako informazio grafiko osagarriarekin bistaratzeko aukera ematen duen Errealitate Areagotua, eta egiazko objektu edo sistema baten erreplika birtuala sortu eta honen bitartez egiazkoaren portaera simulatu eta aztertzea eta eraginkortasuna hobetzea ahalbidetzen duten biki digitalak (Digital Twins).
Makineria berriak zein ekipamendu aurreratuak 50.000 euroko gutxieneko kostua izan behar dute (BEZ kanpo) eta 2019ko urtarrilaren 1etik aurrera entregatu eta abian jarri behar dira, eta edozein kasutan, erosi eta ondorengo 12 hilabeteen barruan.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Cybertixek Zerolynx integratu du eta ETE-entzako zibersegurtasuneko hornitzaile erreferente gisa finkatu da
Operazio horrek zibersegurtasuneko portfolioa indartu du zerbitzu espezializatuetako bertikal berriekin, hala nola Offensive Security edo Forensicsekin