Euskaditik abiatu da adimen artifizialari buruzko doako lehen eskola: The Egg
AIn espezializatuta dagoen Skootik konpainia da proiektu aitzindari honen bultzatzailea, beste erakunde batzuekin batera
Adimen artifizialaren inguruko garapenetan espezializatuta dauden enpresek teknologia berri honi atxikitako erronkei aurre egiteko gai diren profesional trebatuen gabezia egiaztatu dute. Skootik ‘startup’ donostiarrak abiarazi duen doako irakaskuntza-ereduari esker, edozein ikaslek lana aurrera ateratzeko behar dituen ezaguerak eskuratu ahal izango ditu. Unai Martínez Skootik-eko CEOak The Egg deritzon proiektu honi buruz hitz egin digu.
Zer da The Egg?
The Egg adimen artifizialari buruzko doako lehen eskola da, irakaslerik eta etikarik gabekoa, eta ez da beharrezkoa informatikari edo adimen artifizialari buruzko aldez aurreko ezaguerak izatea horko iralaskea izateko. ‘Learning by doing’ estiloko eskola dela esan dezakegu, eta irakasleak gero eta konplexutasun handiagoko erronkak gaindituz joango dira pixkanaka-pixkanaka. Eginkizun horiek guztiak mailaka sailkatuta daude eta ikasleek gutxieneko ezaguera-eskakizunak gainditu beharko dituzte hurrengo mailara igarotzeko. Taldekako lana giltzarrizkoa da, eta mailarik baxuenetako ikasleek maila altuagoetako ikasleengana jotzeko aukera izango dute zalantzak argitzeko.
Nolako profila bete behar dute The Egg-eko ikasleak izan nahi dutenek?
Programa honetan parte hartzeko ez da ezein titulazio akademikorik edo baliabide ekonomikorik izan behar. Baldintza bakarra 16 urte baino gehiago izatea eta irudimentsua, saiatua eta enpatikoa izatea da. Zenbait fase ezarri dira hautagaiak aukeratzeko. Lehendabizikoan, izangaiek hainbat ariketa egin behar dituzte eskolako atariaren bitartez: https://theegg.ai. AI motor batek profilera ongien egokitutako ezaugarriak dituzten hautagaiak aukeratuko ditu.
Bigarrenean, aldez aurretik aukeratutako hautagaiek AIri buruzko asteburu trinkoa bete beharko dute, logika-jokoak eta taldekako programazio-erronkak gainditzeko. Prozesuaren etapa honetarako ez da beharrezkoa aldez aurreko ezaguerak izatea.
Azkenik, ‘egger’ berriak eskolako ikasle bihurtuko dira.
Nolako ezagutza-maila lortuko dute eskolako mailak gainditzen dituzten ikasleek?
AIko soluzioak hainbat sektoretan eskaintzeko prestakuntza izango duten pertsonak izango dira. Maila desberdinetako zereginak AIren arloko profesionalek gurte ustez konpondu beharko lituzketen arazoak gainditzera zuzenduta daude. Lehenengo mailan, adimen artifiziala oso lotuta dago informazioarekin eta programazioarekin. Ondorioz, lehen mailako zereginek horren inguruko hainbat gairi buruzko ezaguerak hartzea dute helburu: komunikazioak/protokoloak, interfazeak, bezero eta zerbitzarien arteko arkitekturak, sareak, algoritmia/matematika, segurtasuna, programazioa, optimizazioa eta automatizazioa.
Aldiz, bigarren mailaren helburua AIren oinarri sendoak eraikitzea da. Lau trebetasun nagusi zehaztu dira horretarako: berez ikasten duten makinak, planifikatzen dakiten makinak, ulertu eta erabakiak hartzen dituzten makinak eta arrazoitzen dakiten makinak.
Hirugarren mailaren helburua AIren arloko soluzioen garapenean espezializatzea da. Aurreko etapan landutako oinarrizko lau trebetasunak kontuan hartuz, ikasleak gogokoen duen AIren adarrean sakontzeko aukera izango du.
Hiru etapak osatu ondoren, ikasleak AIren arloko proiektu bat garatu beharko du.
Prestakuntza-maila nola edo hala akreditatu ahal izango da?
Ikasleak maila guztiak gainditu dituela segurtatzen duen ziurtagiria emango da. Nolanahi ere, gure filosofia ez dago atxikita hezkuntza formalaren formatuari. Adar honetako ezagutza unibertsalizatu eta demokratizatzeko erabiltzen dugun moduak ez du zerikusirik metodologia klasikoekin eta gogoeta sakon baten emaitza da. Gure ustez, pertsona asko izugarri buru-argiak dira, baina ez dute toki egokirik aurkitu hezkuntza arautuaren barruan. Ziur gaude AIren maila altua lortzeko beharko duten informazio guztia Interneten aurki dezaketela. Guk beharrezko tresnak baino ez dizkiegu helarazi behar, informazio eraginkorra aurkitzen laguntzeko.
Bestalde, teknologiaren adarrean, tituluak balioa galtzen ari dira. Egun, beste ‘soft skills’ batzuk baloratzen dira; adibidez, erabakitzailea eta buru-argia izatea, taldean lan egiten jakitea, eta abar. Ezagutzarako sarbidea eman nahi diegu gizarte-geruza guzti-guztiei, ikasleek nolako estatus soziala duten kontuan hartu gabe. Adimen Artifizial Etikoa unibertsalizatu nahi dugu, aurrerantzean eliteen esku baino ez dagoen teknologia izan ez dadin. Gureak ikasteko metodologia disruptiboa duen eskola izan behar du, ikaslea ikasketa-ziklo osoko kide aktiboa izan dadin.
Zergatik da hain garrantzitsua adimen artifiziala 4.0 Industriaren esparruan?
AIk gaitasun analitikoa ematen die konputagailuei berezko lehengai duten datuetatik abiatuta. Hainbat informazio-iturritatik balioa ateratzeko gai baldin bagara, inguruan duguna hobeto ulertzeko gauza izango gara, eta horixe da lortu beharreko bereizgarri nagusia. Adibidez, energiaren kontsumo arduratsua guztion erantzukizuna da, ondorengo belaunaldiei mundu habitagarria utzi nahi baldin badiegu. Horren harira, AIko tekniken bitartez, ehuneko handietan murriz dezakegu industria-lantegi handien elektrizitate-kontsumoa.
Ezagueretatik harantzago, zeintzuk dira adimen artifizialaren arloan kezkarazten zaituzten bestelako gaiak?
Etikarik eza da arazorik handiena, geure iritziz. Modu orokor batean esanda, AIk pertsonen bizimodua hobetzeko tresna izan behar du, besterik ez. Ildo horretan, egiteko asko eta irakasteko asko dago oraindik. The Egg-en bitartez, inola ere aseptikoa ez den zenbait interesen araberako mozkor teknologiko horren aurkako euste-horma eraiki nahi dugu. Gure asmoa da The Egg gogoetarako lekua izatea, beste AI mota bat eraikitzeko xedez.
Zeintzuk izango dira zuen hurrengo urratsak proiektu honen inguruan?
Ezagutzera ematea eta ikasleen lehenengo promozioarekin hastea. Orain, izena emateko 1. Fasean murgilduta gaude eta ikasleek gainditu beharreko erronka https://theegg.ai webgunean eskura daiteke dagoeneko, eskolaren funtzionamenduari buruzko PDF batekin batera. Esperientzia honetan parte hartu nahi dutenek xagu-kolpe bakar batean dute horretarako aukera.
Skootik, eskola abian jartzeko inbertsio handi samarra egiten ari den enpresa txikia da. Gure baliabideak mugatuak direnez, den-dena eskertzen dugu. Aitorpen publikoa nahiz pribatua garrantzitsua da. Egun, lankidetzen bila gabiltza herrialdearen ikuspegitik estrategikoak diren arloetan.
Lotutako albisteak
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.