Euskadi EBko liderra da eraldaketa digitalean
Telefónica Fundazioak Espainiako Gizarte Digitalari buruz eginiko txostenak erakusten du konektagarritasuna eta zerbitzu digitalak errotzen ari direla EAEn
Euskadi Europako lurralde aurreratuenetako bat da Informazio Gizarteranzko eraldaketaren arloan, izan ere, 5. postuan dago Danimarka, Suedia, Finlandia eta Herbehereen atzetik. Halaxe dio Telefónica Fundazioaren SdE txostenak, zeinak orobat nabarmentzen baititu digitalizazioa bultzatzera bideratutako eta Eusko Jaurlaritzak SPRI Taldearen bitartez gauzatutako hainbat ekimen. SPRI Taldearen helburua da Euskadiko Agenda Digitala garatzea, eta horretarako, euskal enpresa-sarearen lehiakortasuna hobetzen du, enpresentzako zerbitzuak, aktiboak eta laguntzak martxan jarriz eta tresna berriak bultzatuz, hala nola, Big Dataren analisia, machine learning, adimen artifiziala, marketin digitala eta erabakiak hartzeko prozesuak hobetzera bideratutako beste baliabide batzuk.
SdE 2019 txostenak dioenez, Euskadik posizio sendoa du Europako Agenda Digitalerako garrantzitsuak diren adierazle guztietan (datu horiek Digital Economy and Society Index txostenean daude jasota), eta emaitzak hobetu ditu aztertutako bost dimentsiotatik lautan. Garrantzitsuena da konektagarritasuna, % 8,5eko hazkundea izan baitu 2018arekin alderatuta. Hala, konektagarritasunaren arloan, EAE lehen posturaino igo da eta Europako gainerako lurraldeen gainetik kokatu da. Hori lortzeko ezinbestekoa izan da politika publikoek egin duten apustu irmoa eta zuntza lurralde osora zabaltzea.
2019an orobat hobetu da teknologia digitalen integrazioa, zehazki, % 5,7 hazi da. Txostenak espreski nabarmentzen ditu enpresen digitalizazio teknologikoaren garapena eta merkataritza elektronikoaren hobekuntza. Halaber, zerbitzu publiko digitalek ere gora egin dute (zehazki % 7,3), neurri handi batean ugaritu egin direlako Gobernu elektronikoaren erabiltzaileak.
Euskadi adierazle bakar batean kokatu da Europako batez bestekoaren azpitik, alegia, Interneten erabileran, eta horren arrazoia da banka eta onlineko erosketak astiro hazten ari direla. Halere, adierazle hori % 6,1 hazi zen 2019an, eta ohiko erabiltzaileen kopurua ere ugaritu egin zen, % 11ra iristeraino.
Azkenik, Telefónica Fundazioak eraldaketa digitalaren aurrerapenari buruz eginiko txostenak orobat aipatzen ditu Euskadik 2019an arlo horretan garatu dituen proiektu garrantzitsuenetako batzuk. Horietako bat da Basque Cybersecurity Centre, Eusko Jaurlaritzak bultzatu duen erreferentziazko erakundea, zeinaren helburua baita zibersegurtasuna garatzea eta Euskadiko hiritar, enpresa zein erakunde publikoen konfiantza digitala hobetzea. SPRI Taldeak Enpresa Digitala programaren bidez garatu dituen ekimenak ere jaso ditu: Barnetegi Teknologikoak, Mikroenpresa Digitala Prestakuntza eta Inplantariak programa. Denek dute helburutzat lehiakortasuna eta EIKTen erabilera hobetzea ETEen artean. Beste proiektu aipagarrienetako bat da Eusko Jaurlaritzak bultzatutako Ikanos ekimena, pertsona eta antolakundeen gaitasun digitalak hobetzera bideratua dagoena.
Lotutako albisteak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra