Enpresei aplikatutako Adimen Artifiziala eta Banda Zabal ultra-azkarraren hedapena, SPRIren programa berriak Eraldaketa Digitala bultzatzeko
Uztail hasieratik aurrera euskal enpresek bi laguntza-programa berri izango dituzte eskura trantsizio teknologiko-digitalean sartzen laguntzeko. Zehazki, uztailaren 2tik aurrera eska daitezke Adimen Artifiziala aplikatzeko laguntzak eta uztailaren 6tik aurrera, berriz, banda zabal ultra-azkarreko sarerik ez duten enpresetara halakoak zabaltzeko laguntzak.
Bi programa horiek 2,4 milioi euroko aurrekontua dute, Ekonomi Garapen, Jasangarritasun eta Ingurumen Sailaren Euskadiko Eraldaketa Digitala 2025 estrategiaren barruan kokatzen dira eta SPRI Taldearen bidez kudeatzen dira.
Adimen Artifiziala
Hala, SPRI Taldeak Adimen Artifizialaren aplikazioa sustatuko du euskal enpresetan, batez ere ETEetan, bi milioi euroko aurrekontua duen laguntza-programa batekin. Eskaerak egiteko epea ostiral honetan (uztailaren 2an) hasiko da eta urriaren 29an amaituko da. Ekimen honi esker teknologia honen eskaintza eta eskaera aktibatuko da Euskadin.
Laguntza-programaren helburua da Adimen Artifizialeko teknologiak ezartzeko proiektuak babestea, laguntzak banatuz zerbitzu edo/eta konponbide komertzialetan Adimen Artifiziala aplikatzeko proiektuei. Proiektu horiek frogatu beharko dute Adimen Artifizialeko algoritmoak erabiltzen dituztela Machine learning, Deep learning eta Ikusmen Artifiziala bezalako esparruetan.
Euskal Autonomia Erkidegoan jarduera-zentro bat duen eta Adimen Artifizial Aplikatuaren arloan diruz lagun daitezkeen jarduerak garatu nahi dituen edozein pertsona fisiko nahiz enpresari zuzenduta daude Adimen Artifizial Aplikatuko programaren laguntzak.
100.000 eurorainoko itzuli beharrik gabeko laguntzak izango dira. Kontzeptu bakoitzerako dirulaguntzaren portzentajea %50ekoa izango da.
Adimen artifizialaren esparru desberdinei buruzko ezagutza berriak eskuratzeaz gain, posible izango da hardware eta software berriak erosteko kostuak finantzatzea, bai eta aholkularitza, ingeniaritza eta antzeko zerbitzuen kostuak.
Azken helburua da negozioaren produktibitatea hobetzea datuen analisi aurreratuan oinarritutako erabakiak hartuz.
Banda Zabal Ultra-azkarraren hedapena
Era berean, SPRI Taldeak banda zabal ultra-azkarreko sareak zabalduko ditu komunikazio elektronikoen operadoreek telekomunikazio-azpiegiturak jarri gabe dituzten industrialde edo eremu geografikoetako enpresetara. Laguntzek 400.000 euroko aurrekontua izango dute eta eskaerak egiteko epea zabalik egongo da astearte honetatik (uztailak 6) azaroaren 26ra arte.
Programa hau edozein tamainatako enpresei zuzentzen zaie, eta baita ere enpresa pribatuz osatutako taldeei, kontserbazioko hirigintza-erakundeei, enpresa komunitate edo elkarteei, jabe edo errentarien elkarteei, edozein dela ere euren izena (komunitatea, elkartea, kontserbazio eta mantenimenduko erakundea, e.a.), eta Euskadiko Garapen Agentziei.
Diruz lagunduko diren proiektuak dira telekomunikazio-sareak hedatzera bideratuta daudenak, baldin hedapen horren bidez enpresak posible badu gutxienez 600 Mbps simetrikoko banda zabal ultra-azkarreko zerbitzuak kontratatzea. Proiektu horiek gehienez 12 hilabeteko epean gauzatuko dira, hasten direnetik kontatzen hasita. Laguntzak orobat erabili ahal izango dira telekomunikazio-operadorearen alta-kuota bakarra ordaintzeko.
Gastu hautagarriaren %90erainoko dirulaguntzak emango dira eta laguntza-eskaera bakoitzak 30.000 euroko muga izango du.
Banda zabal ultra-azkarra ezartzen duten enpresa eta elkarteek aukera izango dute konektagarritasun eta transmisio-abiadura handiak behar dituzten teknologiak eta tresnak erabiltzeko. Horrek nabarmen hobetuko ditu datu-bolumen handiak abiadura handian transmititzea eskatzen duten jardueren itxarote-denborak.
Horrez gain, produktibitatea ere hobetuko dute aurrerapen teknologikoei eta produkzioko ekipoen arteko informazio-transmisioaren abiadurari esker.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.