Enigmedia euskal enpresa, “Cybersecurity Made in Europe” zigilua eskuratu duen lehena
Enigmedia euskal enpresa “Cybersecurity Made in Europe” zigilu esklusiboa eskuratu duen Espainiako lehen konpainia izan da eta zigilu horrek balio erantsi handia ematen die halako bat duten zibersegurtasun enpresei. Zibersegurtasunaren Europako Erakundeak (ECSO) sustatu du aitortza hori.
Joan den hilean jakin zen Euskadi dela “Cybersecurity Made in Europe” etiketa emateko baimena duen Europako 11 herrialdeetako bat. Etiketa hori emateko baimena duen bazkide bat baino ez dago Espainian, Euskadiko Zibersegurtasun Industrien Cybasque Elkartea, alegia. Europa osoan, Frantzian 4 bazkide baimendu daude, Belgikan eta Italian bina, eta Alemania, Bulgaria, Danimarka, Eslovakia, Finlandia, Polonia eta Erresuma Batuan bana.
Enigmedia Donostian kokatutako startup bat da, zibersegurtasun industrialeko produktu natiboak eskaintzen dituena sareak eta ICS / OT gailuak babesteko. Produktu horiei esker enpresek posible dute eraldaketa digitalari lotzea inplementatzeko errazak diren konponbide errentagarriekin.
European Cyber Security Organisation (ECSO) irabazi asmorik gabeko erakunde bat da, eta bere helburu nagusia da Europako zibersegurtasuna garatzen, sustatzen eta bultzatzen duten ekimen eta proiektuak babestea. Duela gutxi Cybersecurity Made in Europe etiketa sortu du, industriak bultzatutako marketin-tresna bat, Europako zibersegurtasun-enpresen eginkizuna babesteko eta Europako eta munduko merkatuetan duten ikusgarritasuna handitzeko.
Etiketa hori sortu da industriak benetan behar zuelako bere premiak aseko zituen tresna bat, eta baita ere zibersegurtasunaren Europako merkatuan hutsune bat zegoelako arlo horretan. Hala, merkatuko bereizgarri bezala balio du, fokua jartzen du kokapen geografikoan eta Europako zibersegurtasun-enpresen balio estrategikoa nabarmentzen du.
Cybersecurity Made in Europe etiketa eskatzeko baldintzak
Etiketa hori ECSOk eta horretarako baimendutako bazkideek bakarrik eman dezakete. Etiketa lortu nahi duten enpresa edo antolakundeek edozein bazkide baimendurengana jo dezakete, edozein herrialdetan dagoela ere bere egoitza, baina betiere Europar Batasunaren barruan.
Etiketa onuragarria da merkatuan geografikoki bereizteko eta enpresari edo antolakundeari balio estrategikoa emateko jatorri europarrari garrantzia emanez; era berean, bere ikusgarritasuna hobetzen du balizko zibersegurtasun-merkatuaren aurrean. Europako sektoreko kide izateak kalitatea bermatzen du mundu mailako beste enpresa batzuen aurrean, eta dagokion tokian kokatzen du Europako zibersegurtasuna.
Etiketak enpresaren autoaitorpen bat baliatzen du ziurtapen tresna gisa, kanpoko auditoretza teknikorik gabe. Gainera, Cybersecurity Made in Europe etiketa egoitza Europan duten sektoreko enpresei zuzentzen zaie, ez zibersegurtasun arloko produktu edo zerbitzu espezifikoei. Bestalde, kalitate gehigarria ematen dio enpresari, lehendik dauden Estatuko antzeko beste etiketa batzuekin batera.
Etiketa hau eskatzen duten enpresek baldintza orokor batzuk bete behar dituzte, hala nola egoitza Europan duen legezko erakunde bat izatea.
Eta talde bateko kide bada, taldearen egoitzak Europan egon behar du erregistratuta. Gainera, arrazoizko bermeak eman behar ditu ziurtatzeko enpresa ez dela Europatik kanpoko herrialde batetik kontrolatzen, eta Europak izan behar du bere negozio-gune nagusia; frogatu behar du bere I+G-ko jardueraren % 50 baino gehiago zibersegurtasunera bideratzen duela, eta bere langile guztien % 50 EB, EMLE eta EEEko herrialdeetan nahiz Erresuma Batuan dituela.
Azkenik, enpresak aitortu behar du ENISAk definitutako oinarrizko baldintzak betetzen dituela. Bi adierazpen aurkeztu behar ditu, bat bermatzeko eskaintzen dituen produktu edo konponbideek ez dutela atzeko aterik (backdoors), eta datuei eta pribatutasunari buruzko beste bat, segurtatzeko betetzen duela DBEO (Datuen Babeserako Erregelamendu Orokorra).
Horregatik, “Cybersecurity Made in Europe” zigilua eskuratu nahi duten Europako zibersegurtasun-enpresek erregistratzeko prozesua hasi behar dute. Horretarako, idatz dezatela madeineurope@cybasque.eus helbidera edo jo dezatela web orri honetara: https://ecs-org.eu/initiatives/cybersecurity-made-in-europe
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.