Data Value Management: “Pandemiak argi utzi du enpresek digitalizazio prozesua azkartu behar dutela”
Datuen azterketa funtsezkoa bihurtu da enpresentzat eta haien hazkunderako. Gero eta digitalizatuagoa dagoen ekonomia batean, horiek lortzea, aztertzea eta ondorioak ateratzea erabakigarria da eraginkortasun eta lehiakortasun handiagoa lortzeko. Horretan aritzen da Data Value Management, enpresentzako Big Data aztertzeko teknikak inplementatzen espezializatutako aholkularitza.
Datuaren ustiapenaren eta Adimen Artifizialaren arloan negozio-aukera bat zegoela antzeman ostean sortu zen enpresa: “Hazkunde handia izaten ari zen eta une horretan zerbitzu horiek eskaintzeko gaitasuna zuten enpresa gutxi zeuden”, azaldu du Borja Balparda CEOak.
Data Value Management BIC Araban kokatuta dago eta bulego bat ere badu Iruñean. Duela hiru urte sortu zenetik, “Hazkunde handia” izan du, oro har, adimen artifizialaren eta digitalizazioaren sektorean. “COVID iritsi zenean, ziurgabetasun handiko hilabetea egon zen ekonomiak izango zuen bilakaeraren inguruan, baina lehen shock horren ostean, erritmo handian jarraitu dugu lanean”, azaldu du Balpardak. “Argi geratu da enpresek digitalizazio prozesua azkartu behar dutela, eta horrek, gaur egun ere ziurgabetasuna dagoen arren, gure jarduera nabarmen handitzea eragin du”.
Data Value Managementek sektore ugarietan lan egiten du. Nabarmentzekoa da BIND 4.0 azeleragailuan parte hartu izana – SPRIk sustatua –, nekazaritzako elikagaien proiektu batekin, Unilever eta OKINekin batera. Nafarroan, nekazaritzako elikagaien arloko proiektuetan ere lan egiten du. Horrez gain, esperientzia du proiektuak egiten aholkularitzan, industria-sektorean, farmazia-sektorean eta ‘retail’ sektorean. Aldi berean, ISEM izeneko azelerazio-programa batean parte hartzen du, Nafarroako Unibertsitateak antolatua, eta bertan Multi Ópticasekin ari da lanean.
Sektoreen aniztasuna gorabehera, funtsean, erabakiak hartzeko prozesua hobetzea du helburu, enpresen datuak aztertuko dituzten iragarpen-sistemak garatuz. “Horrelako proiektuak egiteko plataforma bat garatu dugu, eta, horri esker, erantzun azkarra eta eraginkorra eman diezaiekegu konpainien beharrei”, azaldu du CEOak.
Horretarako, enpresak laguntza programetan parte hartu du jarduera hasi zenetik: “Ekintzaile programan parte hartu genuen, eta horrek laguntza handia eman zuen proiektua gauzatzeko eta merkatuaren benetako beharretara bideratzeko”, Balpardaren arabera. “Gure ustez, horrelako laguntzak ezinbestekoak dira ekintzaileek ekintzailetza prozesuari arrakastarako aukera handienekin aurre egin diezaioten”, azpimarratu du.
Proiektu zehatzez gain, Data Value prozesuak automatizatzeko proiektuak garatzen ari da, enpresek, lan ugari automatikoki egin ahal izateko software bat izan dezaten, akatsak kenduz eta eraginkortasuna areagotuz. “Horretarako, gure plataforma handitu dugu, horrelako proiektuei erantzun ahal izateko”, azaldu du Balpardak.
Eremu geografikoari dagokionez, Euskadi eta Nafarroaz gain, Data Value Madril, Bartzelona edo Errioxa bezalako merkatuetan sartzen ari da, eta 2022tik aurrera nazioartekotze-prozesu bati ekin nahi dio, bereziki Maroko eta Hego Amerikan. “Gure egungo merkatua alde batera utzi gabe, gure jardueraren oinarria baita”.
SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen zehazten diren aktiboekin sustatuz.
Lotutako albisteak
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.