Biolan euskal enpresak nazioarteko ziurtagiri gorena eskuratu du arrantza-industrian krustazeoen sulfito-kontzentrazioa neurtzen duen biosentsoren batentzat
Bizkaiko Teknologia Parkean egoitza duen konpainia bioteknologiko honek garatutako teknologiaren fidagarritasunari nazioartean emandako bigarren aitortza handia da. Konpainiak 2006an ekin zion ibilbideari eta Eusko Jaurlaritzaren, SPRI Taldearen bidez
Biolanek, nekazaritzako elikagaien sektoreari aplikatutako teknologia analitikoan espezializatutako euskal konpainiak, nazioarteko ziurtagiri bat lortu berri du biosentsore berri batentzat. Biosentsore horren bidez arrantza-industriak sulfito kontzentrazioa neur dezake krustazeoetan, zehatz neurtu ere, eta kostu aldetik lehiakortasun handiagoz. AOAC zentroak bermatzen du ziurtagiri hori, arlo honetan mundu mailako erreferentziazko institutu zientifikoak. Konpainiak 2006an ekin zion ibilbideari eta Eusko Jaurlaritzaren (SPRI Taldearen bidez)
Krustazeoen industrian, melanosiaren prebentziorako gehitzen da sulfitoa. Gehiegizko melaninagatik zenbait ehun alteratzen ditu gaitz horrek, eta, era berean, langostinoaren burua belztu egiten du. Alabaina, sulfitoa, aldi berean, osagai alergenoa bihur daiteke, eta eragin kaltegarriak izan ditzake gizakion osasunean. Horregatik da hain garrantzitsua krustazeoak –bereziki langostinoak– harrapatzen eta prozesatzen dituen industriak konposatu horren kontzentrazioa monitorizatu ahal izatea, indarrean den araudia bete eta elikadura-segurtasuna bermatu ahal izateko.
Biolannek langostino gordin eta egosien laginetan zenbat sulfito dagoen zehazteko metodo berritzaile bat garatu du, entzimak (gure metabolismoa kontrolatzen duten molekulak) dituen biosentsore baten bidez. BIOFISH 300 SUL du izena biosentsore horrek. Teknologia horrek AOAC Research Institute zentroaren ziurtagiria lortu berri du. Irabazi asmorik gabeko elkarte zientifiko hori Marylanden dago (AEB) eta nazioarte mailako erreferentziazko institutua da analisi kimikoetan eta mikrobiologikoetan.
AOACek eginiko ziurtatze-azterketak egiaztatu du euskal konpainiak garatutako biosentsoreak sentikortasun fidagarria duela, gaur egun sulfitoa neurtzeko erabiltzen diren erreferentziazko metodoen parekoa. Biolanen biosentsoreak, ordea, badu abantaila nabarmen bat: neurketa fidagarriagoa, errazagoa, azkarragoa eta kostu aldetik eraginkorragoa egiten du, eta horrek aukera emango dio krustazeoen industriari bere kontrolak egiteko.
Biolanen ibilbidean beste aitortza bat da ziurtagiri hau, AOACen eskutik lortutako bigarrena baita, BIOFISH 300 HIS biosentsorearekin eskuratutakoaren ondoren. Arrainen lagin mota guztietan histamina hautemateko baliatzen da konposatu hori, eta, beraz, funtsezko parametroa da arrainaren freskotasuna eta kalitatea zehazteko.
BIOMILK, BIOWINE, BIOFISH…
BIOFISHez gain, enpresak BIOMILK ere merkaturatzen du, biosentsore eraginkor bat laktosaz gabetutako produktuetan hondarreko laktosa-kontzentrazioak neurtzeko, baita BIOWINE ere, parametro anitzeko biosentsore bat, ardoan azido glukoniko, azido maliko, azido laktiko, sakarosa, azukre eta histamina mailak azkar, erraz eta zehatz hauteman ahal izateko.
Arrainen negozio-esparruan, BIOFISH biosentsoreari esker lortzen du Biolan taldeak fakturazio osoaren %50. Krustazeoetan sulfitoak neurtzeko gailuen eskutik 2017ko salmenta guztien %25 eskuratu zuen konpainiak, eta BIOMILK eta BIOWINE biosentsoreen bidez, hurrenez hurren, fakturazio osoaren %15 eta %10 eskuratu zuen euskal konpainia bioteknologikoak.
Gaur egungo produktuez gain, biosentsore aurreratuagoak garatzeko teknologiak aplikatzea ikertzen ari da euskal konpainia, horien bidez hainbat elikagaitan alergeno, antigorputz, aminoazido eta kontserbatzaile berriak neurtu ahal izateko.
Europako 50 enpresa txiki eta ertain berritzaileenetako bat
Biolanek Bizkaiko Teknologia Parkean du egoitza eta elikagaien sektorerako biosentsoreak diseinatzen eta garatzen ditu (mundu mailako liderra da alor horretan). Biosentsoreak analisirako sistema trinkoak dira, erreakzio biologikoak erabiliz emaitza kuantitatiboak lortzeko. Biolanek aplikazio zehatzak, azkarrak, erabilerrazak eta lehiakorrak garatu ditu alor honetan, elikagaietan laktosa, glukosa, sulfitoa edo histamina neurtzeko. Sektore honetan, elikadura-segurtasuna gero eta garrantzitsuagoa da; izan ere, elikagai jakin batzuekiko alergia edo intolerantzia duten pertsona gero eta gehiago dago mundu osoan.
Konpainiak 2006an ekin zion ibilbideari eta Eusko Jaurlaritzaren (SPRI Taldearen bidez) eta beste erakunde batzuen babesa izan zuen, startup gisa jaio eta bioteknologiaren sektorean enpresa aitzindari gisa sendotu zen arte. Europako Batzordeak kontinenteko 50 ETE berritzaileenen artean nabarmendu du Biolan. Konpainiak 10 milioi euro baino gehiago inbertitu ditu 2009. urteaz geroztik ikerketan eta garapenean biosentsoreen merkatuan lider bihurtzeko. Elikagaien kontrolera bideratutako teknologian erreferentzia berria da euskal konpainia. Gaur egun 40 langile ditu konpainiak, gehienak lizentziatuak eta doktoreak, eta merkataritza-ordezkaritzak Indonesian, Txilen, Ekuadorren, Mexikon, Marokon eta Thailandian.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.