Bind 4.0 programako Hupi startupak bulego bat ireki du Euskadin
“Bind 4.0 programak jarri zuen martxan garapen hau, eta sekulako azeleragailua izan da guretzat. Antolatutako ekitaldiek ikuspegi zehatz bat eman ziguten merkatuaren egoera ezagutzeko eta baita ere jakiteko zein neurritaraino interesatzen zitzaizkion merkatuari teknologia berri hauek” azaldu dute Romain Roquefère eta Vincent Moreno sortzaileek, zeintzuk dagoeneko hasi baitira Donostian bertako talentua bilatzen.
Bulego propioa izaki, Hupi-k espero du salmenta prozesuak azkartzea eta konpainien enpresa-arazoen espektro zabalagoa edukitzea, AAn oinarritutako konponbide-zorroa zabaltzeko. Bind 4.0 programari esker, enpresa frantsesa dagoeneko lanean ari da Euskadiko enpresa handienetako birentzat, besteak beste, Maier-entzat.
– Noiz ireki duzue bulegoa?
HUPI IBERICA 2018ko otsailaren 27an ireki zen ofizialki Donostian (Gipuzkoa). Ilusioz beterik eta oso pozik gaude hain ingurune dinamiko batean sartu garelako.
– Zein abantaila dituzue hemen?
HUPI Bind 4.0 programaren lehen edizioan (2016) saritutako enpresetako bat da, eta ez genuen kasualitatez erabaki programa horretan parte hartzea.
Elementu zentrala zen gure estrategian. Beti izan dugu helburutzat gure negozioa Euskadin garatzea eta gure jarduera dibertsifikatzea industria sektorean. Hori oso argi zegoen guretzat, Frantzian oinarritutako software enpresa bat garelako eta Adimen Artifizialean eta Datu Handietan espezializatuta gaudelako. “Bind 4.0 programak jarri zuen martxan garapen hau, eta sekulako azeleragailua izan da guretzat. Antolatu ziren ekitaldiek ikuspegi zehatz bat eman ziguten merkatuaren egoera ezagutzeko eta baita ere jakiteko zein neurritaraino interesatzen zitzaizkion merkatuari teknologia berri hauek. Programa trinkoa izan zen, baina ez genuen ekitaldi bat bera ere galdu”.
Euskadik sekulako dinamika garatu du “4.0 Industriaren markoan”. Dagoeneko ez da kontzeptu lauso bat. Puri-purian dagoen errealitate bat da, eta premiazko bihurtu da enpresa industrial askorentzat. Argi dago enpresak prest daudela konponbide berriekin esperimentatzeko, baita ere Adimen Artifizialean (AA) oinarritutakoekin, eta ekosistema osoak bultzatutako dinamika handi bat dago horren atzean. Salmenta-zikloa askoz laburragoa da.
Gure bezeroen espektatibak oso argi daude. Bestalde, konpainien enpresa-arazoen espektro zabalago bat ezagutuko dugu eta azkarrago zabaldu ahal izango dugu AAn oinarritutako konponbide-zorroa.
Egoitza berriaren bidez atzemango ditu datu handien eta adimen artifizialaren alorreko konponbideentzako bezero industrialak.
– Zein da zuen bulego berriaren helburua?
Lehenik eta behin, erakutsi nahi dugu eragile teknologiko bihurtu nahi dugula Euskadin, baina ez hori bakarrik, baizik eta baita ere kide aktibo izan nahi dugula bertako ekosisteman. Aspalditik etorri nahi genuen hona. Horregatik, ondo eraiki nahi ditugu negozio sendo baten oinarriak. Horixe da datozen 18 hilabeteetarako daukagun plana: oinarriak eraikitzea. Horrek esan nahi du gure marka egokitu behar dugula bertako ingurunera, bezero sendoen erreferentziak geureganatzen jarraitu behar dugula eta bazkide estrategikoak bilatu behar ditugula, Bind programan ezagutu genituen 2 konpainia teknologikoen bezalakoak. Halaber, kanal egokiak bilatu behar ditugu bertako talentuak erreklutatzeko. Horren ondoren posible izango da etorkizuneko kolaboratzaileen profila identifikatzea eta Euskadiko zein aktibotan inbertitu behar dugun jakitea.
– Zeintzuk dira bulego berriaren erronkak?
Ilusio handia dugu gure negozioa Euskadin garatzeko. Hain gustura gaude hemen, ezen guretzat arrisku handiena baita denbora gehiegi igarotzea Euskadin. Denbora beharko dugu hemengo negozio-arauak ulertzeko eta ñabardura guztiak barneratzeko. Ulertu behar dugu apaltasunez hasi behar dugula, komunitateak onartu egin behar gaituelako, eta komunitate honek kolaboratzeko eta negozioak egiteko modu propioa duelako. Horregatik eskaintzen diogu hainbeste arreta, denbora eta kontu HUPI IBERICA bulegoaren oinarriak eraikitzeko prozesuari
+info: www.hupi.fr
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.