ARM Robotics: 15 urte robotizazioa bultzatzen enpresetan
ARM Robotics euskal konpainiaren iritziz, robotika kolaboratiboak denbora behar du teknikoki eta ekonomikoki errentagarri izateko
Euskadi Estatuko aurreneko eskualdeetako bat izan zen industria-prozesuetan robotika sartzen duela, 20 urte baino gehiago. Denbora horretan enpresek abantaila ugari lortu dituzte robotikari esker, eta hemendik aurrera ere hala izatea espero da. Hain zuzen, Eusko Jaurlaritzako Enplegu eta Gizarte Politika Sailak bultzatutako Lanbide Behatokiak aurreikusi du manufaktura-industriako langile kopurua jaitsi egingo dela 2030erako, gaur egungo 181.941 langileetatik 155.924 langileetara igaroz (http://futurelaneus/es/). Prozesuak automatizatzeko tresna berriengatik eta pixkanakako robotizazioagatik gertatuko da jaitsiera hori.
ARM Robotics aholkularitza bat da, prozesuak robotizatzeko zerbitzuak ematen dituena, eta Barakaldon sortu zen 2003an. Bezeroen premien araberako konponbideak egiten zituzten nazioarteko marketako (ABB, Kuka edo Fanuc) robotak instalatzeko, eta bezero bakoitzaren neurrira programatzen zituzten. “Bezeroak lehen ez zekien hainbeste robotikaz, giltza eskuan motako konponbideak nahi zituen. Orain hobeto ezagutzen du robota edo prozesu baten automatizazioa. Bezeroak prozesu horren zati gehiagotan parte hartu nahi du, eta guk osatzen dugu bezeroak egiten ez duena. Robot propioak baditu guk programatu egiten ditugu, kontrol-armairuak instalatzen dizkiogu edo behar dituen tresnak eskaintzen dizkiogu. Baina gerta liteke bezero batek esatea pieza zehatz bat fabrikatu nahi duela 22 segundoro. Horrelakoetan, pieza horien zehaztapenak aztertzen ditugu, adibidez garbitu edo soldatu egin behar diren, eta produkzio-ildoa dimentsionatzen dugu behar den robot kopuruaren arabera” azaldu du Mikel Martínezek, ARM Robotics enpresako bazkide fundatzaileak.
4.0 Industriaz ari bagara, robotaren kontzeptu tradizionala gaindituta dago jada, eta cobot edo robot kolaboratiboak erabiltzen dira orain. Dena den, Martínezek dio “oraindik bide luzea dagoela egiteko. Argi dago etorkizunean gehiago kolaboratuko dugula robotekin, gure prozesuek horixe eskatzen dutelako. Lehen robotak finkoak ziren, orain, berriz, bezeroek segurtasun osoz mugitu daitezkeen makinak nahi dituzte. Halere, cobot batek bere joan-etorrietarako behar duen edo segurtasunez ibiltzeko darabiltzan ikusmen artifizialeko sistemek eskatzen duten energia-kontsumoa ez da jasangarria. Denbora behar da, eta ezinbestekoa da prezioak merkatzea. Badakigu zer den robotika kolaboratiboa, baina aurreratu egin behar dugu teknikoki, eta oraindik gauza asko daude egiteko”.
Bada robotikarekin lotutako beste elementu bat eztabaida pizten duena: robotei aplikatutako adimen artifiziala. “Gizakia da ondoen diseinatutako makina, eta robotika gure isla baino ez da. Uste dut makinek ezingo dituztela inoiz gizakiak ordezkatu. Adimen artifizialak auto-ikaskuntzarako sistemak eman diezazkieke robotei edo proba-akats sistema erabiliz ikasteko gaitasuna, baina badira zenbait ezaugarri berezkoak ditugunak eta robotek inoiz berdinduko ez dituztenak” azpimarratu du ARM Robotics enpresaren sortzaileak.
Prozesu industrialen pixkanakako robotizazioak eta automatizazioak badu gainditu beharreko ikasgai bat ETEetan, zeren “robotizazioa garestia da, eta ongi zaindu behar dugu non gastatzen dugun dirua, lehiakideak oso erasokorrak direlako. Bestalde, ezin diozu ETE bati robotikaz hitz egin, ERP on bat ere ez badauka (enpresaren baliabideak planifikatzeko sistemak) eta datuak excel dokumentu batean sartzen baditu oraindik” gaineratu du.
ARMk bulegoak ditu Barakaldon eta Bartzelonan, eta proiektuak garatu ditu Estatu osoan nahiz atzerrian, adibidez Txinan, Indian eta Errusian. Berriki, bi konpainia berri sortu ditu: ARM Industrial Assemblies eta ARM Robotics Institute. Lehenak mantenimendu prediktiboa, prebentiboa eta muntaia industrialak egiten ditu (esaterako, kontrol-armairuak). Fagor eta CIE Automotive bezalako enpresek proiektuak garatu dituzte konpainia horrekin. Bestalde, ARM Robotics Institute konpainiak robotika industrialari buruzko prestakuntza eskaintzen du, bai enpresentzat eta bai partikularrentzat, Somorrostroko Prestakuntza Zentroaren laguntzarekin.
Lotutako albisteak
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elvira, berrikuntza eta tradizioa osagai nagusi dituen istorio gastronomikoa
Harategi-urdaitegi txiki bat izatetik, gaur egun hamar establezimendu inguru ditu etxean egingo liratekeen moduan prestatutako produktuak saltzeko, online dendan ere saltzen direnak.