Aglaya Virtualek mundu birtualak demokratizatzen ditu mota guztietako konpainia eta enpresentzat
Aglaya Virtual 2020an jarri zen abian, koronabirusaren pandemiaren konfinamenduan zehar. Mundu birtualetan ekitaldiak eta azokak egiteko jaio zen. “Salbuespeneko egoerak, giltzapetuta bizitzeko derrigorpenak, behartutako digitalizazioa zekarrela ikusi genuen. Aglaya Events bezala hasi ginen eta urte batzuk igarota abizena aldatu diogu”, azaldu du Gorka Lorenzok, enpresaren sortzaileetako batek.
Horrela, premium zerbitzu bat ematen zuen plataforma bat garatu zuen bere jarduera profesionala aurrez aurre egin ezin zuren sektorearentzat. Lorenzok dioen bezala, “norbaitek networkinga egiteko parte hartu nahi bazuen mundu guztiaren aurrean hitz egin behar zuen bideo-dei masibo haietatik aldentzeko, plataforma bat garatu genuen. Bertan, erabiltzaileek, abatar baten bidez, azoka fisiko bat gogorarazten zuen eta espazialtasunaren kontzeptua barne hartzen zuen hiru dimentsioko ingurune batera sartzeko aukera izango zuten”. Gainera, gertutasunaren araberako audio bati esker eta hauta zitezkeen abatar baten bidez, erabiltzaileek haien nortasuna pertsonalizatzen zuten eta pertsona desberdinekin elkarrizketa pribatu bat izan zezaketen, baita standetako edukia kontsumitu ere. Babesleek ere ikusgarritasun egokia izan zezaketen salbuespen-egoera horren aurretik adostu ahal izan zutenaren arabera.
Hasierako bezeroekin abian jarri eta produktua baliozkotu ondoren, lehen proiektuak saldu zituen eta hainbat ekitaldi egin zituen 2021ean. “Une hartan, enpresa askok bilerak izan nahi zituzten gurekin, konpondu beharreko premia argi bat zegoelako, baina presentzialtasuna itzuli zenean, ekitaldien sektore gehienak erabaki zuen hori guztia ezabatzea eta bi urteko inpasse hori gertatu ez balitz bezala egitea. Orduan guk teknologiaren pibote bat egin genuen, merkatuan oinarritua, eta Aglaya Virtual izena hartu genuen”, dio Lorenzok.
Horrela, konfinamenduaren testuinguruan enpresak jasotako feedbackaren bidez, 180 graduko bira eman zuen eta gaur egun erabiltzen duen teknologia garatu zuen. Teknologia hori webgunetik irisgarria da, baita Interneterako sarbidea duen edozein gailu mugikorretik ere. Gainera, errealitate birtualeko betaurrekoekin sartzeko aukera dago. “Erabilerraztasuna irabazi dugu, baina potentzia galdu dugu. Ekitaldien sektore horretatik urrundu egin gara, ingurune baten barruan 200 abatar izatetik, gehienez, 50 ostatatzera igaro garelako”, argitu du sortzaileak. Gaur egun, Aglaya Virtual enpresak mundu birtualak egiten ditu erabilera korporatiborako eta enpresek hiru dimentsioko ingurune batean sar dezaketen edozein esperientzia birtualizatu ahal izateko. Horrek, Lorenzok adierazten duen bezala, ‘wow efektua’ ematen dio enpresa batek sortzen duen esperientzia bati, munduari edukia, produktuak edo haiek nahi duten edozer aurkeztu ahal izateko”.
Lau urteko ibilbidean, Aglaya Virtualek industria eta hezkuntza sektoreekin lan egin du batez ere. Eta, gaur egun, azken horrekin dago harreman gehien bat, gero eta garrantzi handiagoa ematen baitzaio gamifikazioari hiru dimentsioko ingurune batean, publiko objektibo oso gazteari begira, kasu honetan LHko edo unibertsitateko ikasleei begira.
Etorkizunean, daukan teknologia garatzen jarraitzeaz gain, bere helburua da “mundu birtualak demokratizatzea mota guztietako enpresentzat”. Aglaya Virtuali gustatuko litzaioke bezeroak berak, modu merkeagoan, horrelako teknologia batera errazago iristeko aukera izatea, aretoak sortzeko, pertsonalizatzeko eta desberdinak egiteko lehen urratsak eman ahal izango dituen konfiguratzaile batekin.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.