Adimen artifiziala trenbide-nasetako segurtasuna kontrolatzeko
Ofizialki 2020ko urtarrilean sortua, 2019aren erdialdean Explorer Programaren Arabako lehen saria irabazi zuten hiru gaztek eginiko lanaren emaitza da T-Safe. Adimen artifizialeko tresna berri bat da, gai dena trenbide-nasetan instalatutako kamerekin bildutako irudiak aztertzeko eta alerta bat igortzeko pertsonaren bat trenbidera erortzen bada. Kasu horretan, sistemak kontrol-zentroari abisatuko lioke inguru horretako trenen trafikoa gelditu dezan. Proiektu honen giltzarriez mintzatu zaigu Iker Torrecilla, T-Safe enpresako zuzendari nagusi eta fundatzailea.
Zer egiten duzue T-Safe enpresan?
Sistema bat garatu dugu trenbide-geltokien segurtasuna hobetzeko, eta batik bat metro-geltokiena. Horretarako, lau kamera instalatzen ditugu, bi nasa bakoitzean. Kamera horiek nasara begira daude pertsonen fluxua kontrolatzeko, eta ez dute bakarrik zaintzen pertsona kopurua, baita ere detektatzen dute norbaitek nasa gurutzatu duen eta trenbidera erori den. Kamera horiek zerbitzari bati konektatuta daude, eta handik bulegoetara konektatzen dira; bulegoetako ordenagailuetan adimen artifizialeko tresna bat instalatzen dugu identifikatu ahal izateko trenbide-nasan ezohiko zerbait gertatzen ari ote den. Hori guztia segundo hamarren baten buruan gertatzen da, eta aukera ematen zaie kontrol-zentroei larrialdi-geldialdi bat egiteko beharrezkoa izanez gero.
Beraz, gakoak dira irudi eta patroi horiek aztertzen dituzten ikusmen artifiziala eta adimen artifiziala, ezta?
T-Safe “deep learning” delakoan oinarrituta dago, eta badu ikaskuntza-faktorea, horixe delarik gure lehiakortasun-abantailetako bat. Behin martxan jarritakoan, adimen artifizialak bere kabuz ikasten jarraitzen du guk programatu dugun ikaskuntza-koefiziente horri esker. Etorkizuneko helburua litzateke trena gelditu ahal izatea kontrol-zentroak ezer egin beharrik gabe, baina oraindik denbora asko falta da hori posible egiteko.
Pandemian zehar ikusi dugu ikusmen artifizialeko tresnak erabiltzen direla trenbide-nasetan dauden pertsonak kontatzeko eta euren arteko distantziak neurtzeko. T-Safe erabil daiteke horretarako?
Posible litzateke erabiltzea edukierak kontrolatzeko, pertsonen arteko segurtasun distantziak neurtzeko eta aglomerazioak saihesteko, baina hori ez da gure funtzio nagusia. Halere, posible da gure zerbitzua horrelako premietara egokitzea. Gure jomuga-merkatua istripuak dira, eta produktua konplexuagoa da, ez duelako soilik jende kopurua kuantifikatzen edo pertsonen arteko distantzia neurtzen. Horretarako bakarrik erabiliko bagenu, T-Safe produktu bukatua litzateke. Istripuak saihesteko funtzioak lan gehiago eskatzen du, arkitektura gehiago eta software gehiago.
Enpresa honen bultzatzaileak oso gazteak zarete. Noiz eta nola sortu zen T-Safe martxan jartzeko ideia?
Sergio Hospital lankideari esker hasi zen. Gradu amaierako lana egin behar zuen, eta otu zitzaion eskailerak jar zitezkeela tren eta metroko nasetan, inor eroriko balitz ere. Hots egin zidan, ideia landu genuen eta dagoeneko gurekin ez dagoen hirugarren lankide batekin batera (Iván Palomino), Explorer Programan parte hartu genuen. CISEk (Centro Internacional Santander Emprendimiento) koordinatzen duen lehiaketa bat da, Espainia, Argentina eta Portugaleko 55 zentrotan garatzen dena, eta horietako bat da Araba Explorer Space, BIC Arabak eta Arabako Enpresa eta Berrikuntza Zentroak koordinatua SPRIren laguntzarekin. Arabako eta Euskadiko lehiaketak irabazi genituen, eta horrek aukera eman zigun lau hilabeteko mentoring-a jasotzeko eta Silicon Valley-ra joateko. Bidaiatik itzultzean erabaki genuen enpresa sortzea Eusko Jaurlaritzak eta Bizkaiko Foru Aldundiak Ekintzaile planaren bidez emandako dirulaguntzarekin. T-Safe 2020ko urtarrilean sortu zen ofizialki, eta Portugaleten dauzkagu bulegoak.
Zein fasetan dago orain T-Safe?
Adimen artifiziala bukatuta daukagu, baina atzean dagoena falta zaigu oraindik: kontrol-zentrorako konexioa, kamerak zerbitzariari eta AAri konektatzea, e.a. Izan ere, lanean ari gara Value Coders-ekin, zeina punta-puntako enpresa baita outsourcing teknologikoaren arloan. Ondo bidean, uste dugu prest egongo garela bi hilabete barru.
Zeintzuk izango dira zuen balizko bezeroak?
Azpiegituren jabe diren burdinbideetako operatzaileengana zuzentzen gara. Adibidez, RENFE ez legoke balizko bezeroen artean, trenen jabeak direlako, eta gure kamerak ez daude trenetan, baizik eta trenbide-nasetan. Beraz, gure bezeroak azpiegituren jabeak dira; adibidez, Estatuan ADIF izango litzateke, baina ez da gure bezeroa.
Nolako inpaktua izan du koronabirusaren pandemiak zuen jardueran?
Alarma-egoera eta itxialdia deklaratu baino astebete lehenago erosi genituen atzerrian lanerako behar ditugun kamerak eta zerbitzariak. Hilabeteak igaro dira material horiek iritsi arte. Bestalde, bilerak hitzartuta geneuzkan hainbat bezerorekin produktua probatzeko, baina ezin izan dugu halakorik egin itxialdiagatik eta ez geneukalako testak egiteko materialik.
Gure berehalako helburua da prototipoa geltoki batean probatzea. Bezeroaren onarpena lortzen dugunean hasiko gara saltzen eta merkatua geureganatzen, lehenik maila autonomikoan, eta gero Estatu osoan. Hala, 5 urtean Estatuko merkatu osoa hartu nahi dugu, eta gero nazioartera bideratu.
Lotutako albisteak
Nexmachinak Gauzen Interneta industriara zabaltzen du
Enpresak IoT soluzio jasangarriagoak eta eskuragarriagoak eskaintzen ditu mota guztietako enpresa eta erakundeentzat
Lantekek, software industrialean munduko liderrak, 36.000 bezero baino gehiago ditu dagoeneko
Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du
Lowerton, adimen artifizialarekin enpresak berritzea eskaintzen duen startupa
Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko
Duplostock industria-irtenbide pertsonalizatuen diseinatzaile eta fabrikatzaile bihurtu da
Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.