2020an SPRI Taldeak atzerriko 31 inbertsio erakartzen lagundu zuen
Iaz SPRI Taldeko Invest in the Basque Country atalak atzerriko 31 inbertsio-proiektu itxi zituen Euskadin, zeintzuei esker 159 milioi euroko inbertsioak egin ziren, 333 lanpostu sortu eta beste 978 mantendu ziren. SPRI Taldearen atal horrek atzerriko 118 proiektu kudeatu zituen 2020an.
Proiektu horien % 61 Euskadirentzat lehentasunezkoak diren sektoreei dagozkie, hau da, RIS3 estrategiara biltzen direnei. Europar Batasunaren ekimen horren helburua da eskualdeak indartsuen diren arloetan espezializatu daitezela eta, zehazki, arlo horiek dira BIO/Nano, automozio, EIKT eta energia sektoreetakoak. Kudeatu diren proiektuen % 49 produkzio lantegietan garatu dira eta beste % 29 I+G zentroetan.
Invest in the Basque Country atalak 2014tik dihardu lanean enplegua eta inbertsioak sustatzen dituzten atzerriko inbertsio-proiektuak erakartzeko. Bere helburua da inbertsiogileei leihatila bakar gisa laguntzea, euskal ekosistema industrial eta teknologikoan txertaraziz sektore oso desberdinetan.
Azken zazpi urteotan, Euskadira erakarri ditu atzerriko 168 inbertsio, horietatik erdiak berriak eta % 18 lehendik ezarrita zeuden proiektuen zabalkuntzari dagozkienak; hala, guztira 773 milioi euroko inbertsioa egin da eta 7.344 lanpostu berri sortu edo mantendu dira. Atzerriko inbertsioa erakartzeko estrategiaren helburua da kalitatezko proiektuak erakartzea jarduera ekonomiko berriak martxan jartzeko, bai eta lehendik daudenak mantentzea, euskal estrategia eta politiken baliabideak indartu eta osatzeko.
Iaz erakarritako inbertsioen artean, aipatzekoak dira: Fev Consulting, FEV multinazional alemanak (liderra bere ingeniaritza eta consulting sektorean) Europa hegoalderako Bilbon kokatu duen operazio zentroa; Autoglass Opco, Guardian konpainiaren automozio saila, Parter Capital Group inbertsio-talde suitzarrak erosi duena enplegua bermatzeko eta etorkizuneko inbertsio-proiektu berriak sustatzeko; eta Bayer-Viralgen, Covid-19aren aurkako txertoaren ikerketan parte hartzen duen enpresa, zeinak 450 langile inguru kontratatuko baititu datozen hiru urteetan.
Zer baloratzen dute gehien atzerriko enpresek?
Euskadira lehenengoz datozen atzerriko enpresak harrituta gelditzen dira industriako eta I+G-ko ekosistema indartsuekin, eskuragarri dagoen azpiegitura-sarearekin, logistikarekin eta giza kapitalaren kualifikazio-maila handiarekin. Ehun kilometroko azaleran aurki ditzakete edozein jarduera industrialetarako behar dituzten hornitzaile eta kolaboratzaileak, eta hori ez da ohikoa Europa hegoaldeko beste eskualde batzuetan.
Horrez gain, orobat azpimarratzen dute Administrazioa oso hurbila dela, laguntza ematen diela ezarpena egiteko fase guztietan (kokaleku egokiena bilatzea SPRILUR eta Teknologi Parkeak bezalako sozietate publikoen bidez, kolaboratzaile/bezero eta hornitzaileak bilatzea klusterren bidez, I+G-rako laguntzak bilatzea SPRIren bidez) eta Administrazio fiskala gardena dela, hots, epe luzerako ziurtasuna ematen diena eta, hain zuzen, horixe da paradisu fiskal baten bila ez dabilen inbertsiogile berri batek behar duena.
Euskadira datozen ezarpenek ez dute nahi lurralde merke bat, baizik eta toki bat epe luzera emaitza ziurrak emango dituen negozio bat garatzeko. Horregatik, behin ezarri ondoren, inbertsio gehiago ere egiten dituzte etorkizunerako. Eta Euskadik horrelakoxe inbertsioak erakarri nahi ditu, hots, oinarri teknologikodunak eta epe luzean geratzeko konpromisoa dutenak.
Financial Times egunkariak saritu egin du Euskadi bere konektagarritasunagatik, dagoeneko instalatuta dauden enpresen zaintzagatik (aftercare delakoa), eta bere estrategiagatik, zeinak oinarritzat hartzen baitu lurraldean lehenagotik dagoen ekosistema industrial eta teknologikoa indartzea.
Sariketa horretan Europako eskualde ia guztiak aztertu dira, eta Euskadiren kasuan, alderdi horiek bereziki baloratu dira antzeko beste eskualde batzuekin eta Europako hegoaldekoekin alderatuta.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat