ETEKIN Ekonomia Topaketen aurtengo azken saioa urriaren 22an egingo da Bilbon.
2025ean ETEKIN zikloaren bi saio egin ostean, (Donostian, martxoaren 26an eta Gasteizen, ekainaren 18an), urteko azken geltokia Bilbo izango da urriaren 22an. Bertan adimen artifiziala finantza- eta ekonomia-sektorea nola eraldatzen ari den aztertuko da, lehiakortasunari eusteko aukera eta erronka berriak sortuz. Eusko Jaurlaritzako Elixabete Garcia, Fagor Arrasateko Amaia Iñurria eta ADI-Data Center Euskadiko Alex Etxeberria izango dira hizlari saio honetan. Bilboko Yimby espazioko Yes aretoan egingo da solasaldia.
Lau ikastaro interesgarri eskainiko ditu Enpresa Digitalak euskaraz urriaren 20, 21, 23 eta 24an.
4.0 ekintzailea: Automatizatu, berritu eta eskalatu gaur bertan AArekin; Programatzailea izan gabe: esperimentatu eta sortu aplikazioak eta webguneak AArekin; Nola galdetu AAri erantzun erabilgarri eta egiazkoak lortzeko; eta Power BIrako sarrera: ikasi zure datuak bistaratzen eta aztertzen dira Enpresa Digitalak urrian euskaraz eskainiko dituen ikastaroak. Guztiak daude publiko profil anitzari zuzenduta herritar zein ikasle, langile zein langabe, profesional edo enpresari.
Hizkelan jardunaldiaren X.edizioa egingo da urriaren 14an Francisco de Vitoria BHIn, Gasteizen.
Euskarazko lana eta prestakuntza sustatzea helburu duen jardunaldian irakasleak, ikasleak, profesionalak eta sektoreko eragileak bilduko dira, hezkuntza eta lan inguruneetan euskararen erabilerak dituen erronkei eta aukerei buruz hausnartzeko.Hitzordua 9: 00etatik 13:30era izango da, eta askotariko programazioa izango du: hitzaldi inspiratzaileak, hausnarketarako guneak eta hizkuntza normalizazioarekin konprometitutako pertsonen arteko topaguneak.
“Aurkigarritasun” Industria Berriaren Spri Hiztegian.
Webgune bateko informazioa aurkitzeko erraztasuna, bai webgunearen kanpoaldetik egindako bilaketetan, bai webgune bereko beste orri batzuen erabiltzaileek egindakoetan.
