Vi4Cranek materiala biltegiratzeko hobien kudeaketa adimenduneko prozesuak automatizatzen ditu
Vi4crane 2015ean sortu zen enpresa da, zubi-garabien bidez solteko materiala mugitzeko prozesuetan espezializatua. Materiala biltegiratzeko lubaki baten operazioetan parte hartzen duten aldagai eta arlo guztiak kontrolatzen eta kudeatzen ditu Gipuzkoako startupak, teknologia aurreratuetan eta prozesuaren ezagutzaren bidez. Ander Treviño Vi4craneko teknologia zuzendariak zehaztu duenez, “teknologia eta ‘smart’ geruzak eskaintzen ditugu materialen kudeaketarekin lotutako prozesuetan, batez ere hondakinen prozesuetan”.
Azpeitiko enpresak hobiko materialen kudeaketarekin lotutako prozesuen automatizazioan ezagutza handia du. Lan hori egiteko, ikusmen artifizialaren aldeko apustua egiten du enpresak. Ander Treviñok adierazi duenez, “adimen artifizialarekin lan egiten dugu hobian biltegiratutako materialaren erliebea hartzerakoan eta materialaren karakterizazioan ematen dizkigun abantailengatik”. Gainera, enpresak adimen artifizialeko geruzetan ere oinarritzen du bere lana, eredu iragarleak sortzeko eta prozesuaren hainbat aldagai optimizatzeko.
Ingurumen-jasangarritasuna eta ekonomia zirkularra
Euskal autonomia erkidegoaren lehentasunen artean ingurumenaren iraunkortasuna eta ekonomia zirkularra daude. Ildo horretan, enpresaren jarduera-merkatu nagusiak birziklapena eta energia ekoizpena dira. Eta, gainera, “erabiltzen ari diren sistemei eta plantako baliabideei adimena ematearen aldeko apustua egiten du enpresak, horiek ordeztu gabe, oraindik operatiboak baitira”, azpimarratu du teknologia zuzendariak. Horrela, ‘Remanufacturing’ delakoari lehentasuna ematen zaio, hari gabeko teknologiarekin osatuz, prozesu azkarrago eta merkeago bat izateko.
Bere jardueraren lehen urratsa lubakiaren operatiboa zehatz-mehatz ezagutzea da, produktuaren zer modulu edo funtzionalitate behar diren aztertzeko. Hortik aurrera, softwarea eta funtzionamendu-moduak aurrez konfiguratzen dira, eta, azkenik, hardwarea plantan zabaltzen da kalibratzeko eta baliozkotze-testa egiteko. Ander Treviñok dioenez, “gai gara prozesuaren atalak monitorizatzeko, erdi-automatizatuz edo automatizatuz jarduteko, edo, are gehiago, haien eraginkortasuna optimizatzeko, datuen analisien, eredu iragarleen, biki digitalen eta abarren bidez”.
Gaur egun, enpresa Estatuko merkatuan zentratuta dago, nahiz eta dagoeneko Europako merkatuan automatizazio batzuen eskaintza ematen ari den. “Epe ertainean uste dugu Europa izango dela gure jarduketa-eremu naturala, energia ekoizteko planta ugari daudelako eta gure produktuak inbertsio-itzulera azkarra eskaintzen duelako”, iragarri du teknologia zuzendariak. Gaur egun enpresa handientzat lan egiten du hondakinen kudeaketaren alorrean, hala nola Urbaser eta FCC.
Gipuzkoako enpresa teknologikoak lau langile ditu une honetan, eta “2-3 urteko epean lantaldea 8-10era handitzea” espero du, Ander Treviñok dioenez.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna