Foilchemy euskal startupak ‘NAIA’ garatu du, foiletan oinarrituta egindako barkuen belaunaldi berriaren aitzindaria, Euskadin osorik ekoiztua

Gipuzkoan 2017ko udan fundatua den Foilchemy startupak itsasontzietan hidro-hegalak garatu eta erabiltzeko helburua du. Hala, itsasontziek sortutako berotegi-efektuko gasen igorpena gutxiagotzeko konponbidean lagundu nahi du.

Hidro-hegalak uretan funtzionatzen duten hegalak dira eta ontzien kaskoa itsasoaren gainazalera igotzeko gaitasuna dute. Honela, aurrera egiteko erresistentzia asko gutxitzen dute eta, ondorioz, kontsumoa ere gutxitzen dute. Baina honelako itsasontziak oraindik ez dira orokorrean erabiltzen, bi arrazoi direla medio. Lehenik eta behin, olatu esanguratsu edo handiko baldintzetan nabigatzeko zailtasuna, urperatutako hegalak kanpoko baldintzetara egokitzeko kontrola behar baita. Bigarrenik, operazioaren kostu altua.

Foilchemy osatzen duten 10 profesionalek esperientzia handia dute hainbat esparrutan (robotika-injinerutza, programazioa, analisia eta aerodinamika…). Elkarlanari eta 1.2 milioi euro bildu dituzten hiru finantzaketa-errondari esker, Folchemy startupak bere injinerutza-zerbitzu aurreratuenak merkaturatu ditu hidro-hegalen erabilera bultzatzeko. Folchemyk olatuekin nabigatzeko ‘hidro-hegalen’ kontrolerako sistema berria garatu eta patentatu du: ‘Airy’. Aldi berean, hidro-hegalak dituzten itsasontzien diseinu-programa martxan jarri du: ‘Navstok’, diseinua optimizatu eta operazioaren kostuan gutxitzea ahalbidetzen duena.

Hugo Ramosek, Foilchemyko ko-fundatzaile eta injinerutza-zuzendariak, hala azaltzen du: “ontzien merkatura sartu gara foiletan espezializatutako injinerutza-zerbitzuak eskaintzeko, foil diseinuko geure softwarea (Navstok) eta geure kontrol-sistema (Airy) edozelako itsasontzietan ezarriz. Hala, geure bezeroei denbora eta garapenerako eta operaziorako kostuak gutxitzen laguntzen diegu, baita motordun barkuen karbono aztarna ere. Merkantzia-itsasontzien kasuan, abiadura handitzeak eta kontsumoa gutxitzeak itsasoko garraioa nahiko aldatuko dute. Itsasontzi arinen linea berria garatuko da, hegazkinen eta ohiko itsas-garraioen denborak izango dituztenak, baina azken hauen kostuekin”.

NAIA, %100ean Euskadin egindakoa

Startupak bere zerbitzuen eskaintza bi profileko bezeroengan zentratzen du: ontziolak eta itsasontzien diseinua. Foilchemyren zerbitzuek bezeroei proiektuaren edozein puntutan laguntzea ahalbidetzen die: hastapeneko diseinuan, diseinu zehaztuan eta serie-ekoizpenean. Startuparen instalazioek barkuen prototipoen eraikuntza eta frogaketa ahalbidetzen dute goizeko bostak arte. Itsasontzi handiagoetarako, Bermeoko Ontziolekin lan egiten dute. Airy Kontrol Sistemaren garapenak eta Foil Diseinuak (Navstok) Foilchemy bultzatu dute bere prototipoa sortzera: NAIA. “Foilen gaineko itsasontzi bat, buruak hidro-hegalak kontrolatu behar ez dituela; burutze, eskora eta altuera angeluak erabakitzen ditu, besterik ez”.

Hala, NAIA prototipoa erabat urperatutako foilen kontrola duen bela arineko lehen barkua dugu, foilak gidatzeko beharrik ez duena eta ohiko itsasontzi batek bezala nabigatzea ahalbidetzen duena, olatuak izanda ere. Foilchemyk bere prototipoaren diseinua eboluzionatu du seriean ekoiztu ahal izateko Euskal Herritik. NAIAren bertsio komertziala ontzi erabat konektatu eta interaktiboa izango da; bela-joko bi izango du, eta beste bi ordezkatze arineko beletakoa, itsasontziaren nabigazioa zabaltzeko: hasieran 6 milako abiadura izan dezake, 30 milara arteko abiaduraz.

Eloy Rodriguezek, Foilchemyko ko-fundatzaile eta gerenteak, hala diosku: “gaur egun proiektua erosi, ekoitzi eta NAIA saltzeko interesa duten inbertsoreen bila gabiltza”. Foilchemyren helburua honakoa da: NAIA, 12 eta 60 urte bitarteko bela nabigatzaileentzat diseinatutako ontzia, merkatura ateratzea datorren urtean. Startupak hilean lau unitateko ekoizpena estimatzen du, eta hiru urteren buruan, hileko 20 unitateko ekoizpenera heldu.

+info: www.foilchemy.com

Lotutako albisteak

19 apirila, 2024 Ekintzailetza

Wake Up! Albiste ekintzaile batzuk sarean

Irakurri gehiago

18 apirila, 2024 Ekintzailetza

Abian da ekintzailetza berritzailea sustatzeko Toribio Echevarria sarien 34. edizioa

Irakurri gehiago

17 apirila, 2024 Ekintzailetza

Grabitek bat egin du NVIDIA Metropolisekin ikusmen artifizialeko soluzio aurreratuen bidez saltokietako galera ezezaguna murrizteko

Irakurri gehiago

17 apirila, 2024 Ekintzailetza

Zinemaldia Startup Challenge ekimenaren VI-garren deialdia abian da

Irakurri gehiago

16 apirila, 2024 Ekintzailetza

SPRIk startupekin berritzearen onurak proposatu dizkie ETEei BIND SME Connection programaren bidez

Irakurri gehiago

Joan blog-era