Airbusek IDECen berrikuntza saritu du aeronautikaren sektorean
IDEC enpresak Gasteizen du egoitza, Arabako Parke Teknologikoan, eta autoklabetik kanpoko konposite aurreratuen hornikuntzan espezializatuta dago. Arabako enpresak 25 urte baino gehiago daramatza neurrira egindako konponbideak garatzen, batez ere aeronautikaren sektorerako, baina baita energiaren sektorerako ere. Cadizen filial bat du eta gaur egun 110 profesional ditu plantillan.
Bere bezero garrantzitsuenetako bat Airbus da, industria aeroespazialaren aitzindari globala. 130.000 langile inguru ditu eta Europako aeronautika eta espazio enpresarik handiena da. Airbuseko Defentsa eta Espazio Dibisioak ematen dituen sarien azken edizioan, Arabako konpainiak Berrikuntza arloko hornitzaile onenaren saria jaso du. “Gure teknologia- eta produktu-garapena modu arrakastatsuan fabrikatzen ditugularen aitorpena da. IDEC sortu zenetik I+G+Bko ekimenetan lanean gaude”, nabarmendu du Jose Luis Leonek, IDECeko CEOak.
Berrikuntzaren arloan lanak garatzeko, IDECek Behatoki Teknologiko bat du, non proiektuak identifikatzen diren eta beste eragile batzuekin sinergiak bilatzen diren. Arabako konpainiaren berrikuntza-lan gehienak partzuergoetan egiten dira beste enpresa, unibertsitate edo zentro teknologiko batzuekin. Adibidez, gaur egun IDECek SPRI Taldearen lankidetza duen proiektu bat du martxan, Hazitek programaren bidez. Fluxu laminarreko teknologietan oinarrituta, ekimenaren helburua erregaiaren kontsumoa murriztea da, aireontziaren erresistentzia aerodinamikoa optimizatuz. Alberto Santibañez IDECeko finantza-zuzendariak adierazi duenez, “abiazioko karbono-aztarna hobetzearen aldeko apustu argia egin dugu”.
Arabako konpainia lantzen ari den beste proiektuetako bat karbono-arrastoan eraginik ez duten aeroegituretarako sistema berriak garatzera bideratuta dago, ekonomia zirkularreko proiektuetan integratuta. Zehazki, IDECek arlo horrekin lotutako hiru partzuergo europarretan parte hartzen du. “Birprozesagarritasun- eta birziklagarritasun-gaitasuna duten material-sistemetan oinarritzen gara, baita sistema biooinarrituez ere, eta ziur gaude material konposatu aeroespazialen hurrengo puasoa hor dagoela”, Jose Luis Leonek azaldu duenez. IDECen apustua egiten ari den beste lan-arlo bat prestazio hobeak eta arintasun handia dituzten diseinu disruptiboak garatzearekin lotuta dago.
‘Zero emisioko hegazkinak’ lortzeko urratsak egiten jarraitzea da enpresaren asmoa. “Badakigu ildo horretan lan eginez soilik izango garela gai etorkizuneko negozioen eta sektore aeroespazialean sortuko diren aukeren lan egiteko”, azaldu du IDECeko CEOak. Gainera, enpresa aurrera begira garatzen ari den beste esparru bat prozesu osoa digitalizatzea da.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Elkartek, Emaitek edo Hazitek bezalako I+Grako laguntza programak kontsulta itzazu.
