Albisteak 20 apirila, 2023

Eusko Jaurlaritza Hannover Messe 2023 azokan, euskal enpresei laguntzeko

Mikel Amundarainek (Industria sailburuordea), Aitor Urzelaik (SPRI Taldeko zuzendari nagusia) eta Ana Camachok (Industria eta Trantsizio Energetikoko zuzendaria) Europako industria-foro nagusian jakinarazi dute Euskadin SME Week eta Basque Open Industry ekitaldiak egingo direla azaroan

Industria sailburuorde Mikel Amundarain, SPRI Taldeko zuzendari nagusi Aitor Urzelai eta Industria eta Energia Trantsizioko zuzendari Ana Camacho Hannover Messe azokan daude aste honetan, bertan parte hartzen ari diren euskal enpresei laguntzeko. Hannover Messe industria arloko Europako azoka garrantzitsuena da eta Alemaniako izen bereko hirian egiten da. Eusko Jaurlaritzako ordezkariek ekitaldian aurkeztu dituzte Euskadin azaroaren 13tik 17ra bitartean egingo diren jarduerak SME Week eta Basque Open Industry jardunaldien barruan.

Barakaldoko BECen egingo den Basque Open Industry 2023 ekitaldiak euskal industriaren potentzial osoa bilduko du eta nazioarteko proiekzio handia emango dio Euskadiri. Batetik, SME Assembly batzarrarekin (azaroak 13-15), ETEentzako Europako ekitaldi garrantzitsuenarekin. Eta, bestetik, aste horretan bertan (azaroak 15-17) egingo den Europe Enterprise Network-EEN sarearen urteroko konferentziarekin. Euskadi EEN-ko kide da hasiera-hasieratik eta antolakunde horrek milatik gora ordezkari europar biltzen ditu.

Hannover Messe

Euskal erakundeen ordezkaritzak Hannover-eko egonaldia aprobetxatu du bilerak egiteko bai Alemaniako ekitaldiko ordezkariekin, eta bai euskal enpresekin. Hona hemen horietako batzuk: Talleres Mendi, Egaña, LESOL, Lekuona Solutions, Xubi engranajes, Iraundi, Multiverse computing, Ingeteam power technology, FANOX Electronic, COFUNDI, Gipuzkoako Ganbera, teknologi zentroak eta Basque Research & Technology Alliance (BRTA) sareko ordezkariak.

Duela urte batzuetatik hona, Eusko Jaurlaritzak gero eta presentzia handiagoa du Hannover Messe azokan. Ekonomi Garapen Sailak eta SPRI Taldeak hantxe eman zuten ezagutzera Basque Industry 4.0 estrategia, zeinak Erkidegoko instantzien eta Europar Batasuneko presidente Ursula Von der Leyen-en laudorioak eta aitortza jaso baitzituen. Izan ere, 2020ko urrian Von der Leyen-ek eredutzat jarri zuen Euskadiko Gobernuak Basque Digital Innovation Hub (BDIH) proiektuaren bidez garatzen duen digitalizazio politika, aipamen berezia eginaz eraldaketa digitala bultzatzeko euskal ekimenari Eskualdeen Batzordeko osoko bilkuran.

Hannoverreko Hannover Messe azoka munduko industria azoka handiena da. Hannover hirian (Alemania) egiten da urtero, eta 6.000 erakusle eta 200.000 bisitari inguru erakartzen ditu.

Lotutako albisteak

13/02/2026 Nazioartekotzea

Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan

Programak 2,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.

11/02/2026 Ekintzailetza

Basque Tek Ventures: deep tech teknologia enpresa berri bihurtzeko esparru bat

Zientzia-ingurunetik merkatura igarotzeko bidean dauden deep tech teknologiei laguntzera bideratutako ekimena, prozesuari egitura eta jarraitutasuna emanez.

10/02/2026 Nazioartekotzea

Lehendakariak aliantza politiko berri bat aldarrikatu du, Europak “benetako autonomia” izan dezan bere berrindustrializazioan

Leaders Meeting – Fit For The Future goi-bileraren bigarren edizioari amaiera emateko, ‘Bilboko Adierazpena’ sinatu da, hots, industria-lehiakortasunaren, berrikuntzaren eta teknologia estrategikoen arloko posizionamendu politiko eta estrategiko bat

09/02/2026 I+G+B

Medopek SICUR 2026an aurkeztuko dituen berrikuntzak begien babesari dagokione

Foku nagusietako bat ISO 16321 araudiaren araberako ziurtagirien eguneratzea izango da, sektorerako funtsezkoa den arau-aldaketa.

28/01/2026 Nazioartekotzea

EB-India akordioa aukera da euskal industriarentzat

Lehen atarizko azterketak adierazten du akordioa Euskadirentzako positiboa dela

26/01/2026 Ingurumen-jasangarritasuna

Aleovitro, landare in vitro hazkuntzarako euskal bioteknologia

Konpainia bizkaitarrak zeharkako zerbitzuak eskaintzen ditu; elikadura, farmazia, medikuntza eta kosmetikaren sektoretik ingurumenera

23/01/2026 Nazioartekotzea

Imanol Pradales: “Euskadi mundu ezegonkor batean egonkortasuna bilatzen duenarentzat babesleku gisa balio duen eredu ona da”

Lehendakariak, Davoseko Munduko Ekonomia Foroko bisita amaitzeko, euskal eredua defendatu du, Nazio Batuekin batera egindako ekitaldian. Imanol Pradales pozik agertu da Euskadik munduko lehen mailako foro politiko-ekonomiko entzutetsu honetan izan duen lehen parte-hartzean lortu duen mailarekin

22/01/2026 Nazioartekotzea

Euskadiren berezitasun fiskal eta finantzarioa azaldu die Lehendakariak politika eta enpresa munduko hainbat pertsona ospetsuri Davosen

Imanol Pradales Euskadiren errealitateari buruz aritu da Bill Gates, Jens Stoltenberg, Paschal Donohoe eta Justin Trudeaurekin, besteak beste. «Gauza asko ditugu erakusteko, eta asko ikasteko», nabarmendu du Lehendakariak Suitzan

21/01/2026 Basque Trade & Investment

Eusko Jaurlaritzak eta Merkataritzako Estatu Idazkaritzak egoera ekonomikoaren azterketa partekatu dute

Bi erakundeek Euskadiren profil industrialari erreparatuko dion ikuspegi bereizia bultzatzea adostu dute, arrisku komertzialei aurrea hartzeko eta nazioartean kokatzeko baliabideak bermatzeko

21/01/2026 Nazioartekotzea

Euskadi herrialde egonkor eta erakargarri gisa aurkeztuko du Lehendakariak munduko ekonomia- eta finantza-foro handienean

Munduko Foro Ekonomikoan Euskadin inbertitzeko eta bertako zorro-dibertsifikazioaren aukeren berri emango du Imanol Pradalesek. “Davosek aukera paregabea eskaintzen du maila goreneko harreman politiko, ekonomiko eta finantzarioak ezartzeko", nabarmendu du Lehendakariak.

Joan blogera

Bilaketa iragazi