Nazioartekotzea Basque Trade & Investment

Albisteak 13 Azaroa, 2025

Euskadik energia eoliko flotatzailean duen lidergoa indartu du, Eskoziako FOW 2025 konferentzian parte hartuta

Hamar euskal enpresak aliantza eta negozio-aukera berriak bultzatu dituzte Eskoziako Aberdeen hirian, sektoreko Europako foro nagusian.

Euskadi offshore energia eoliko flotatzaileari buruzko nazioarteko eztabaidaren erdian kokatu da berriro, Eskoziako Aberdeen hirian egiten ari den Floating Offshore Wind 2025 (FOW) konferentzian parte hartze nabarmena izan ondoren. Euskal ordezkaritzak, BASQUENERGY Cluster eta Basque Trade & Investment (BasqueTrade), SPRI taldean integratutako euskal enpresa nazioartekotzeko agentzia buru dituela, hamar euskal enpresa izan ditu eta maila globalean sektoreko eragile nagusiekin harremanak estutzeko eta lankidetza teknologiko eta komertzialerako aukera berriak aztertzeko egin dute bat topaketarekin.

Ekitaldiaren esparruan, enpresa gosari bat egin zen, eta Paul Boath Flotation Energyko Ingeniaritzako zuzendariak eta Graeme Rogerson Flotation Energyko Interface Project Managerrak parte hartu zuten. Enpresa hau erreferentea da itsasoko energia eolikoko proiektuen garapenean, eta ur sakonetarako soluzio flotatzaileetan espezializatuta dago. Topaketan, Erresuma Batuko eolika flotatzailearen arloko proiektu berrienak aztertzeaz gain, sektoreko eragileekin lankidetzan aritzeko aukera potentzialak aurkeztu ziren.

Ildo horretan, Sarah Harrisek, Erresuma Batuko eta Irlandako BasqueTrade-ko bulegoko zuzendariak, energia eolikoak energia eredu jasangarriago baterako trantsizioan garatzen duen rola azpimarratu zuen. Marcos Suarezek, BASQUENERGY Clusterreko Arlo Estrategikoen zuzendariak, berriz, offshore energia eolikoaren esparruan Euskadik dituen gaitasun teknologiko eta industrial berritzaileen ikuspegi zehatza eskaini zuen.

BasqueTrade-k antolatutako webinarrean, Scottish Development Internationalen (SDI) eskutik, urriaren 29an aurkeztu ziren ideiak indartu zituen FOWeko euskal partaidetza horrek, eta BASQUENERGY klusterreko euskal enpresei zuzenduta egon zen. Bertan, Erresuma Batuko eta Eskoziako offshore energia eolikoaren merkatuaren aurrerapen berrienak aurkeztu ziren, baita sektore horretan etorkizunean garatzeko aukerak ere.

FOW-ri buruz

RenewableUK-ek eta Scottish Renewables-ek antolatutako Floating Offshore Wind 2025 hitzaldia azaroaren 12an eta 13an ospatzen da, Aberdeengo P&J Liven. Ekitaldiak itsas sektore eolikoko 150 enpresa lider baino gehiago biltzen ditu, 30 herrialdetakoak, berrikuntza partekatzeko, aliantza estrategikoak ezartzeko eta energia eoliko flotatzailearen etorkizunari buruz eztabaidatzeko, Erresuma Batuak energia garbiekin duen konpromiso berrituaren testuinguruan.

Lotutako albisteak

13/02/2026 Nazioartekotzea

Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan

Programak 2,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.

10/02/2026 Nazioartekotzea

Lehendakariak aliantza politiko berri bat aldarrikatu du, Europak “benetako autonomia” izan dezan bere berrindustrializazioan

Leaders Meeting – Fit For The Future goi-bileraren bigarren edizioari amaiera emateko, ‘Bilboko Adierazpena’ sinatu da, hots, industria-lehiakortasunaren, berrikuntzaren eta teknologia estrategikoen arloko posizionamendu politiko eta estrategiko bat

28/01/2026 Nazioartekotzea

EB-India akordioa aukera da euskal industriarentzat

Lehen atarizko azterketak adierazten du akordioa Euskadirentzako positiboa dela

23/01/2026 Nazioartekotzea

Imanol Pradales: “Euskadi mundu ezegonkor batean egonkortasuna bilatzen duenarentzat babesleku gisa balio duen eredu ona da”

Lehendakariak, Davoseko Munduko Ekonomia Foroko bisita amaitzeko, euskal eredua defendatu du, Nazio Batuekin batera egindako ekitaldian. Imanol Pradales pozik agertu da Euskadik munduko lehen mailako foro politiko-ekonomiko entzutetsu honetan izan duen lehen parte-hartzean lortu duen mailarekin

22/01/2026 Nazioartekotzea

Euskadiren berezitasun fiskal eta finantzarioa azaldu die Lehendakariak politika eta enpresa munduko hainbat pertsona ospetsuri Davosen

Imanol Pradales Euskadiren errealitateari buruz aritu da Bill Gates, Jens Stoltenberg, Paschal Donohoe eta Justin Trudeaurekin, besteak beste. «Gauza asko ditugu erakusteko, eta asko ikasteko», nabarmendu du Lehendakariak Suitzan

21/01/2026 Basque Trade & Investment

Eusko Jaurlaritzak eta Merkataritzako Estatu Idazkaritzak egoera ekonomikoaren azterketa partekatu dute

Bi erakundeek Euskadiren profil industrialari erreparatuko dion ikuspegi bereizia bultzatzea adostu dute, arrisku komertzialei aurrea hartzeko eta nazioartean kokatzeko baliabideak bermatzeko

21/01/2026 Nazioartekotzea

Euskadi herrialde egonkor eta erakargarri gisa aurkeztuko du Lehendakariak munduko ekonomia- eta finantza-foro handienean

Munduko Foro Ekonomikoan Euskadin inbertitzeko eta bertako zorro-dibertsifikazioaren aukeren berri emango du Imanol Pradalesek. “Davosek aukera paregabea eskaintzen du maila goreneko harreman politiko, ekonomiko eta finantzarioak ezartzeko", nabarmendu du Lehendakariak.

12/01/2026 Nazioartekotzea

Imanol Pradales: “Euskadi eta Fukushima bat gatoz teknologia garbietan nazioarteko erreferente izateko anbizioarekin eta potentzialarekin”

Euskadik Fukushimarekin duen lankidetza estrategikoa berretsi du Elkar Ulertzeko Memoranduma berritzearen bidez. Akordioak lankidetza bultzatzen du funtsezko sektore batzuetan, hala nola energia berriztagarrian, gailu medikoetan eta gastronomian

16/12/2025 Nazioartekotzea

Euskal industriak Vietnamgo aukerak eta bere hazkunde nabarmena aztertu ditu webinar batean, nahiz eta ziurgabetasun globala izan

Basque Trade & Investment-ek antolatu du jardunaldia, eta Vietnamgo merkatuaren egonkortasuna egiaztatu ahal izan da; izan ere, 2025ean BPGa % 8 baino gehiago handituko dela aurreikusten da, Estatu Batuetako merkataritza- eta muga-zergen politikaren aldaketen ondoriozko ziurgabetasunaren aurrean

15/12/2025 Basque Trade & Investment

Nazioarteko prestakuntzarako Global Training programaren 445 bekaren bidez bere talentua indartu du Euskadik

Imanol Pradales: “Lanean jarraituko dugu, itzultzea erabakitzen duzuenean, zuen talentua hedatzeko eta zuen ametsak egia bihurtzeko aukera gehiago izan dezazuen”

Joan blogera

Bilaketa iragazi