Aclimak ‘Decarbon Hub’ abiarazi du, karbonoak baliabide gisa duen potentziala balioan jartzeko
- Deskarbonizazioaren kontakizuna berridazten’ izenburupeko topaketan, “karbonoaren ekonomia” berri batean pentsatzera gonbidatu du, gaur egungoak baino ikuspegi “osagarriak” izango dituen eredu bat sustatuko
- Saioan nabarmendu da “gure industria-ehunean” badirela “sektore giltzarri batzuk” nan “isuriak saihestezinak” diren eta nan “beste bide batzuk aktibatu” behar diren “Europak hartutako deskarbonizazio-helburuak eta -konpromisoak lortzeko”.
Aclimak, Basque Environment CIusterrek, ‘Decarbon Hub’ ekimena jarri du martxan jardunaldi batean eta, horren bidez, ingurumen-sektoreak, Euskadin, karbonoaren ekonomia berriaren inguruko deskarbonizazio-estrategiaren buru izateko jarrera fiartu du. Ekonomia zirkularra eta CO2-ak eskaintzen dituen aukerak, “baliabide estrategiko” gisa, izango dira horren oinarri, karbonoa atzitzeko eta erabiltzeko teknologien bidez (CCUS), bai eta konpentsazio-merkatuen potentzialaren bidez ere.
Ostiral honetan Bilbao Exhibition Centren (BEC), ’Decarbon Hub: Deskarbonizazioaren kontakizuna berridazten” izenburupeko ekimenean, Euskadiko ingurumenaren klusterrak gai horretan adituak diren pertsonak bildu ditu eta ireki egin du eztabaida, karbonoaren ekonomia berri honek dakartzan aukerak aztertzeko gonbidatzen. Dagoeneko martxan dauden proiektuak aurkeztu dira, bai eta Aclimak deskarbonizazioaren arloan duen estrategia ere. Estrategia horren helburua da Euskadin CO2- ak hondakin izateari utzi eta baliabide bilakatuko den eredua sustatzea. Horrela, industriaren lehiakortasuna sustatuko duen karbonoaren ekonomia bultzatu egingo da eta balio-kate berriak ireki egingo dira.
Besteak beste, Irantzu Allende Fernandez de Eribe Eusko Jaurlaritzako Trantsizio Energetikoko sailburuordea eta Olga Martin Garcia Aclimako zuzendari Nagusia izan dira ekitaldian, baita sektoreko enpresetako eta Euskadiko zenbait ikerketa-zentrotako ordezkariak ere.
Aclimatik, Olga Martinen hitzetan, zehiaztu da “gure industria-ehunean” badirela ”sektore giltzarri batzuek elektrifikazioaren bidez -aipaezina dena, bere aldetik- isuri guztiak saihestu ezin dituztenak”, eta, beraz, “beste bide batzuk” aktibatu behar direla “Europan deskarbonizazioaren inguruan hartutako helburuak eta konpromisoak betetzeko”. Aldi berean, ”hori karbonoaren ekonomia berriaren inguruan balio-kate berriak sortzeko aukera” ere badela azaldu da, “Europa mailan erreferentziazko lurralde bihur gaitzan”.
Horretarako, klusterretik modu zabalagoan begiratzera gonbidatu da, industria-deskarbonizaziorako prozesuen inguruko aukera eta tresna guztiak bildu eta kontuan har ditzan. “Integratu behar dugu, ekuazioan, ekonomia zirkularraren errefortzua, Euskadiko ingurumen enpresak aitzindariak baikara horretan eta, horri esker, murrizten jarraitu ahal izango dugu bai material birjinen eskaria, bai horiek lortzeko behar den energia”, zehaztu da. Baina, horrez gain, “CO2 baliabide estrategiko bihurtzeko” deia egin da, eta “karbonoa atzitzeko eta erabiltzeko teknologiak” (CC US] sustatzearen alde egin da, “funtsezko prozesu industrialetako emisio saihestezinak atzemateko”. “Horrelako teknologien garapenaren eta inplementazioan aitzindari izateko aukera dugu, datozen hamarkadetan Europako ekonomia n giltzarri izango den prozesu batean buru izateko”, azpimarratu da.
Proiektu estrategikoekiko lehen elkargunea
Jardunaldian zehar, Euskadin bide hori dagoeneko aztertzen ari diren zenbait proiektu estrategiko aurkeztu dira, hala nola CO2 Capture proiektua (xehetasunak xehatu ditu Aclimako proiektu- kudeatzaileak, Juan Antonio Gasconek), CO2 Farm proiektua (Aclimako berrikuntza-zuzendariak, Mikel Ibarrak, aurkeztu du) eta Ciclicom proiektua (Iker Madariaga Galuis Madariaga polimero funtzionalen konposite eta konposite jasangarrien arloko zuzendariak hitz egin du).
Halaber, goizean, hain bat eztabaida-mahaitan, karbonoa atzitzeko, erabiltzeko eta biltegiratzeko Euskadin dauden aukerak aztertu dira, baita CCUS sare bidegarria bat ezartzeko lurraldeak dituen erronkak ere. Era berean, karbonoaren borondatezko merkatuen gakoei buruz ere eztabaidatu da, deskarbonizazioaren ikuspegi horretako beste tresnetako bat delako, eta Euskadin karbonoaren merkatua garatzeko dauden erronkei buruz ere hitz egin da, bai eta haren ibilbide-orri potentziala zein izan daitekeen buruz ere. Gainera, ekonomia zirkularraren garapenak aurre egin beharko dien erronkei ere heldu zaie, deskarbonizazioaren aldeko ahaleginak batzen jarraitzeko.
Hala, ekitaldia topagunea izan da, ezagutza, esperientziak eta estrategiak partekazeko, eta oinarriak ezarri ditu narratiba zabalagoa, komuna eta eraginkorra eraikitzeko; Euskadiren gaitasun estrategikoekin bat datorren Trantsizio Klimatiko erreala eta berritzailea, hain zuzen ere.
“Karbonoa atzitzea, biltegiratzea eta erabiltzea_CCUS” blokea n, Jesus Maria Ubillos SENEReko proiektu-zuzendariak eta Carlota Pueyo SENEReko soluzio teknologikoen HUBeko ingeniariak parte hartu dute, eta “Euskadin karbonoa atzitzeko, erabiltzeko eta biltegiratzeko potentzialaren azterketa: balio-katearen azterketa” aurkeztu dute. “CCUS sare bideragarri bat ezartzeko Euskadik dituen erronkak” eztabaida-mahaian, Asier Ochoa de Eribe Iturrieta Aclimako lehendakariordeak moderatuta, parte hartu dute Senén Cualón Irache Cementos Lemonako Kalitate eta Ingurumen buruak, Jose Miguel Arzuaga Alba Emissions Free Energy-ko zuzendari teknikoak, Guillermo Allende Aranguiz Eusko Jaurlaritzako Industria, Trantsizio Energeticko eta Jasangarritasun Saileko deskarbonizazio zuzendariak eta José Luis Elejalde, Tecnalian Energy, Climate & Urban Transition-eko zuzendaria denak.
