Albisteak 21 Marzo, 2024

55 euskal enpresa izango ditu partaide sektore eolikoaren Europa mailako ekitaldirik garrantzitsuena

"WindEurope Annual Event Bilbao 2024” BEC-en ospatzen da

Euskal sektore eolikoak ezagutzera emango ditu bere gaitasun industrial eta teknologikoak, BECen martxoaren 20tik 22ra bitartean egingo den “WindEurope Annual Event Bilbao 2024” ekitaldian. Euskadiko Energia Klusterrak antolatutako “Wind Energy Basque Country” markapeko stand bateratuan parte hartuko duten 45 enpresez gain, beste 10 enpresak stand propioa izango dute mundu osoko 12.000 profesional baino gehiago bertaratzea espero den sektore eolikoaren Europa mailako ekitaldirik garrantzitsuenean.

WindEurope annual event 2024 ekitaldiko bisitariek bertatik bertara ezagutu ahal izango dituzte enpresen standetan azkenaldiko produktu eta garapen teknologikorik berrienak. Euskadiko Energia Klusterrak “INDUSTRY FOR THE WIND ENERGY” mezu nagusia duen stand propioa izango du.

WindEurope annual event 2024 delakoaren testuinguruan, Euskadiko Energia Klusterrak zenbait jardunaldi tekniko eta “side event” antolatuko ditu, Euskadiko balio-kate eolikoa osatzen duten enpresen garrantzia aldarrikatzeko, hauen gaitasun teknologikoa, lehiatzeko posizionamendua eta nazioarteko merkatuetan duten presentzia zabala nabarmenduz. Era berean, Euskadiko Energia Klusterrak eta Basque Trade & Investment-ek B2B bilera-gunea prestatu dute B2Match tresnaren bidez, ekitaldira bertaratuko diren nazioarteko ordezkaritzetako enpresei bertan parte hartzeko aukera emanez.

Ekitaldiak talentu-programa bete-betea ere izango du 3 egunetan, WindEurope-k sustatuta, sektoreko enpresetan sartzeko interesa duten ikasle eta profesional gazteentzat. Euskadiko Energia Klusterra da programaren babesle bakarra, eta eginkizun nabarmena izango du programatutako jardueretan. Aipatzekoak dira ostiralean, hilak 22, Euskadiko Energia Klusterreko enpresen standetara 300 ikaslerentzat antolatuko diren bisita gidatuak.

Lotutako albisteak

29/01/2026 Ingurumen-jasangarritasuna

Autokontsumo energetikoa % 30 hazi da Euskadin industriak bultzatuta

Autokontsumorako potentzia % 30 hazi da Eusko Jaurlaritzaren Autokontsumorako Laguntza Programa abian jarri zenetik.

28/01/2026 Ingurumen-jasangarritasuna

Energiaren prezioa garestitzen duten eta industriaren lehiakortasuna mugatzen duten distortsioak berrikustea proposatu dio Eusko Jaurlaritzak Espainiako Gobernuari

Euskal industriaren kostu elektrikoak Frantzian baino % 165 garestiagoak eta Alemanian baino % 35 garestiagoak izan daitezke. Bi herrialdeek lortu dute azken prezioaren murrizketa hori, industria-sektore elektrointentsiboen aldeko neurri erregulatzaile argien bidez.

26/01/2026 Ingurumen-jasangarritasuna

Aleovitro, landare in vitro hazkuntzarako euskal bioteknologia

Konpainia bizkaitarrak zeharkako zerbitzuak eskaintzen ditu; elikadura, farmazia, medikuntza eta kosmetikaren sektoretik ingurumenera

26/01/2026 Deskarbonizazioa

Euskadiren industria-estrategia indartu du Pradalesek, deskarbonizazioaren eta autonomia estrategikoaren aldeko apustu irmoaren bidez

2,5 MW-eko elektrolizagailuaren eta etorkizuneko 100 MW-eko elektrolizagailuaren bidez, Euskadi hidrogeno berdearen abangoardian kokatuko da Europan; urtean 167.000 tona CO2 isurtzea saihestuko da, industriaren deskarbonizazio adimendunaren alorrean nabarmen aurrera eginda. Imanol Pradales: «Europak egun duen erronka izugarria da: gure industria eta garapen-eredua ahalik eta azkarren deskarbonizatu behar dugu, eta hori,...

22/01/2026 Deskarbonizazioa

TEAM Engineering Group eta TECNALIAk Hyteam merkaturatu dute, hidrogenoaren eraldaketa integralerako euskal ingeniaritza berria

Enpresak hidrogenoaren balio-kate osoa hartzen du, bideragarritasun-azterketetatik hasi eta proiektuak egiteraino.

17/12/2025 Deskarbonizazioa

Industria deskarbonizazioko proiektuen % 70 energia-eraginkortasunera bideratu dira, Euskadi 2030 Industria Planarekin bat etorriz

59 enpresek parte hartu dute parte Eusko Jaurlaritzaren Industria Deskarbonizatzeko programan. 2025ean, 22 milioiko inbertsio publikoa egin da eta honek, 109,9 milioi euroko inbertsio pribatua eragin du

13/12/2025 Ingurumen-jasangarritasuna

GESek 196 milioi eta 343 MWp-eko lau kontratu fotovoltaiko itxi ditu azken lauhilekoan

Energia fotovoltaikoan, biltegiratzean eta sare elektrikoetan aldi berean aurrera egiteak GES balio-kate berriztagarrian funtsezko eragile gisa finkatzen du.

09/12/2025 Ingurumen-jasangarritasuna

Cimico nazioarteko aintzatespen ospetsua jaso du Global Prize for Innovation in Water (GPIW) sariketan

Saudi Water Authority-k bultzatutako saria joan den abenduaren 8an banatu zen, Jeddah-n (Saudi Arabia) egindako Innovation-Driven Water Sustainability (IDWS) ekitaldian.

09/12/2025 Ingurumen-jasangarritasuna

Euskadi liderra da offshore edo itsas zabaleko azpiegiturak babesteko soluzio jasangarrien berrikuntzan

Iberdrola Renovables Energiak eta Galea eta Mendieta enpresek, Tecnalia ikerketa eta garapen teknologikoko zentroarekin lankidetzan, proiektu bat garatu dute material jasangarrietan oinarrituta irtenbide bat aurkitzeko energia eolikoko itsas zabaleko azpiegituren korrosioaren arazoari

05/12/2025 Ingurumen-jasangarritasuna

Eusko Jaurlaritzak 50 milioi euro eskatu dizkio Ministerioari, MOVES III programaren barruan egiteke dauden eskariei erantzuteko

Jauregik gogorarazi duenez, “Eusko Jaurlaritzak joan den uztailetik eskatu du MOVES III programarako zuzkidura handitzeko, aurrekontua programa amaitu aurretik agortzen ari zelako”.

Joan blogera

Bilaketa iragazi