Maiatzaren 22an datu-irekien lehiaketetan parte hartzeko epea zabalduko da
Eusko Jaurlaritzak datu irekien bi lehiaketa-deialdi egin ditu open data-ren kultura eta bere datuen berrerabilpena bultzatzeko
Azken urteotan, Open Data mugimenduak indar handia hartu du mundu luze-zabalean; izan ere, herri administrazioak euren datuak irekitzen hasi dira berriz erabiltzeko moduko euskarrietan eta erabilera-lizentzia irekien bidez. Gaur egun datu irekien zenbait atari publiko daude martxan gure erkidegoan, eta datu-multzo asko jartzen dituzte herritarren eskura.
Open Data Euskadik, Eusko Jaurlaritzaren datu-irekien atariak, zortzi urte baino gehiagoko eskarmentua du eta 3500 datu multzo ireki eta publiko baino gehiago. Testuinguru honetan, open data kultura eta datuen berrerabilpena Euskadin sustatu nahian, maiatzaren 22an datu-irekien bi lehiaketen izen-emate epea zabalduko da:
Ideia lehiaketa
Lehiaketa honek bi ideia hoberenak sarituko ditu, zerbitzu, ikerketa, web-aplikazio edo gailu mugikorrentzako aplikazio bat sortzeko baliagarri izan daitekeena. Ideia horrek datu irekiak erabili beharko ditu. Ez da beharrezkoa garapen edo programazio ezaguerarik izatea eta edozeinek har dezake parte.
- Izen-ematea: ekainaren 30erarte.
- 6000 euroko saria.
- Ikasleei, profesioalei eta enpresei zuzenduta dago. Ez da programazio ezaguerarik behar parte-hartzeko.
- Informazio gehiago ideia lehiaketari buruz:
http://opendata.euskadi.eus/datu-irekien-lehiaketak/
Aplikazio lehiaketa
Lehiaketa honek datu irekiak erabiltzen dituen bi proiektu hoberenak sarituko ditu: zerbitzuak, ikerketak, web-aplikazioak edo gailu mugikorrentzako aplikazioak aurkeztu ahal izango dira.
- Izen-ematea: ekainaren 30erarte.
- 8000 euroko saria.
- Programazio ezaguera duten ikasleei, profesionalei edo eta enpresei zuzenduta dago.
- Informazio gehiago aplikazio lehiaketari buruz:
http://opendata.euskadi.eus/datu-irekien-lehiaketak/
