Teknologia txirrindularien zerbitzura jartzen du Zuma Innovationek
Zuma Innovation bizikletentzako soluzio mekatroniko berriak garatzera bideratutako enpresa teknologikoa da. Robotikan eta ingeniaritza mekanikoan duen esperientzia zabalari esker, bere taldeak bizikletentzako osagai berritzaileak garatzen ditu, txirrindularitza-esperientzia ahalik eta gehien hobetzeko. Konpainiak balio diferentzial bat eskaintzen du, punta-puntako teknologiak, material aurreratuak eta osagai arinagoak eta sendoagoak erabiliz.
“Karbono-zuntzez egindako elementuetatik hasita eta doitasunezko transmisioen garapeneraino, gure produktuak errendimenduan eta fidagarritasunean emaitz hoberenak emateko diseinatuta daude”, nabamentzen dute bere arduradunek.
Bere jarduera-ildo nagusia doitasunezko transmisioak garatzea da. “Beste eremu batzuetako teknologiak aplikatuz eta modelaketa eta ordenagailu bidezko simulazio aurreratuak erabiliz, pinoi, kate eta beste osagai batzuen diseinua optimiza dezakegu ahalik eta eraginkortasun eta etekin handiena lortzeko“, goraipatzen dute. Lortutako emaitza ez da soilik “transmisio fidagarriagoetan” islatzen, baita “leunagoetan eta eraginkorragoetan ere”, gaineratzen dutenez.
Bere zerbitzuei dagokienez, enpresak e-Biketarako soluzio espezifikoak ditu, bizikleta elektrikoaren erabilera hobetzen dutenak, aldaketa automatikoko sistema baten bidez. Berrikuntza horrekin batera, transmisio elektronikoa bizikleta elektrikoaren motorrarekin integratzen da, eta txirrindularien hanken eta errepidearen arteko lotura zuzena eskaintzen du. Era berean, bizikleta elektrikoa eta txirrindularia monitorizatzen dituzten sentsore batzuk eskaintzen ditu enpresak, martxa automatikoki aldatzeko aukera emanez. “Txirrindulariak bere entrenamendua hobeto aprobetxa dezake eta ibilbide kontrolatuago bat ere eran dezake”, azaltzen dute.
Enpresak eskaintzen duen beste erakargarrietako bat mendian, bidezidorretan eta asfaltatu gabeko bideetan pedalei eragiteko eskaintzen dituen irtenbideak daude. Horretarako, beste berrikuntzen artean, pedalei leun eragiteko pentsatutako martxen aldaketa automatikoak eta baita funtzio anitzeko aginte berriak diseinatu dituzte. “Malda aldapatsuetan zein lur lauetan, gure sistemak optimizatuta daude erosotasun eta errendimendu handiko azken aukera eskaintzeko, adierazten dutenez“.
Gailu eskaintza horri errepideko ibilbidera egokitutako teknologia gehitzen diote. “Gure errepide-soluzioa txirrindulari zorrotzenentzat diseinatuta dago; igoera aldapatsu bati aurre egin, bihurgune itxiak marraztu edo helmugarantz esprintatzen ari badira ere, gure martxa-aldaketak puntu gehigarri hori emango die”, azpimarratzen dute.
